Premalu Movie Review: రివ్యూ: ప్రేమలు.. మలయాళ బ్లాక్బస్టర్ తెలుగులో ఎలా ఉంది?
Premalu Movie Review: మలయాళంలో ఘన విజయం సాధించిన ‘ప్రేమలు’ తెలుగులోనూ అదే పేరుతో ప్రేక్షకుల ముందుకు వచ్చింది. మరి ఈ సినిమా ఇక్కడి ప్రేక్షకులను మెప్పించిందా?
Premalu Movie Review | చిత్రం: ప్రేమలు; నటీనటులు: నస్లేన్ కె. గఫూర్, మాథ్యూ థామస్, మమిత బైజు, శ్యామ్ మోహన్, సంగీత్ ప్రతాప్, అఖిల భార్గవన్, మీనాక్షి రవీంద్రన్ తదితరులు; సంగీతం: విష్ణు విజయ్; సినిమాటోగ్రఫీ: అజ్మల్ సాబు; ఎడిటింగ్: ఆకాష్ జోసెఫ్ వర్గీస్; నిర్మాత: ఫహద్ ఫాజిల్, దిలీష్ పోతన్, శ్యామ్ పుష్కరన్; రచన: గిరీష్ ఎ.డి., కిరణ్ జోసో; దర్శకత్వం: గిరీష్ ఎ.డి; విడుదల: 08-03-2024
మలయాళంలో ఈమధ్య చాలా సినిమాలు బాక్సాఫీస్ దగ్గర సత్తా చాటాయి. అందులో ప్రేమలు (Premalu) ఒకటి. తెలుగు ప్రేక్షకులకు సుపరిచితమైన నటుడు ఫాహద్ ఫాజిల్, ఆయన మిత్రబృందం కలిసి నిర్మించిన చిత్రమిది. కొత్త తరం ప్రేమకథతో, హైదరాబాద్ నేపథ్యంలో తెరకెక్కింది. అక్కడి ప్రేక్షకుల్ని గిలిగింతలు పెట్టింది. తెలుగులో అదే పేరుతో ఈ సినిమా అనువాదమై, శుక్రవారం ప్రేక్షకుల ముందుకొచ్చింది. మరి ఈ చిత్రం ఎలా ఉంది? తెలుగు ప్రేక్షకులకు నచ్చుతుందా? ఈ విషయాల్ని తెలుసుకునే ముందు కథేమిటో చూద్దాం..
కథేంటంటే?
సచిన్ సంతోష్ (నాస్లెన్ కె.గఫూర్) ఇంజినీరింగ్ గ్రాడ్యుయేట్. కాలేజీలో ఓ అమ్మాయిని ప్రేమిస్తాడు. కానీ.. ఆ విషయాన్ని చెప్పేందుకు ధైర్యం సరిపోదు. కాలేజీలో చివరి రోజు తన ప్రేమను వ్యక్తం చేస్తాడు. ఆ అమ్మాయేమో అప్పటికే వేరొకరితో ప్రేమలో ఉన్నానని చెబుతుంది. అలా తొలిసారి ప్రేమలో విఫలమైన సచిన్... యూకే వెళ్లే ప్రయత్నాల్లో ఉంటాడు. తీరా చూస్తే వీసా రాదు. దాంతో గేట్ కోచింగ్ కోసం స్నేహితుడు అమూల్ డేవిస్ (సంగీత్ ప్రతాప్)తో కలిసి హైదరాబాద్ చేరుకుంటాడు. అక్కడే రీనూ (మమిత బైజు) ఓ సాఫ్ట్వేర్ కంపెనీలో ఉద్యోగిగా చేరుతుంది. ఓ పెళ్లి వేడుకలో వీరిద్దరూ కలుస్తారు. తొలి చూపులోనే ఆమె ప్రేమలో పడిపోతాడు. మరి ఈసారైనా సచిన్ ప్రేమకథ సుఖాంతమైందా? లేక మళ్లీ అతని హార్ట్ బ్రేక్ అయ్యిందా? తదితర విషయాల్ని తెరపై చూడాల్సిందే.
ఎలా ఉందంటే?
ప్రేమ ప్రధానంగా సాగే సినిమాల్లో పెద్ద కథలేమీ ఆశించలేం. ఓ అమ్మాయి, ఓ అబ్బాయి, వారి మధ్య ప్రేమ.. ఇలా సాగిపోతుంటుంది. ఆ మాటకొస్తే ఇందులో పెద్ద సంఘర్షణ కూడా ఏమీ లేదు. ఇది మన గ్యాంగే అనిపించేలా పాత్రల్ని నిజాయతీగా మలచడంతోపాటు.. సందర్భోచితంగా పండే హాస్యంపై దృష్టి పెట్టి సినిమాను అందరికీ కనెక్ట్ చేశాడు దర్శకుడు. కొంచెం కాలేజీ క్యాంపస్.. మరి కొంచెం కార్పొరేట్ ఆఫీస్లోని వాతావరణం.. రూమ్ల్లో మంచం షేర్ చేసుకునే బ్యాచిలర్స్ జీవితాలు.. ఆయా కుటుంబాల నేపథ్యాలు.. ఇలా చాలా అంశాల్ని స్పృశిస్తూ సాగే సన్నివేశాలు కనెక్టివిటీని అంతకంతకూ పెంచుకుంటూ పోతాయి. అక్కడే ఈ సినిమా నచ్చేస్తుంది. పాత్రలతోనూ, వాటికి ఎదురయ్యే సందర్భాలతోనూ ప్రేక్షకుడూ ప్రేమలో పడేలా చేస్తుంది. కథేమీ లేదు కదా అనే విషయం ఎక్కడా గుర్తుకు రాకుండా ఈ చిత్రంలోని హాస్య సన్నివేశాలను తీర్చిదిద్దాడు దర్శకుడు. అమాయకత్వంతో కనిపించే ప్రతి పాత్ర గిలిగింతలు పెడుతుంది (Premalu Movie telugu Review). హీరో ప్రపంచాన్ని చూపిస్తూ సినిమాను మొదలుపెట్టిన దర్శకుడు.. కథను పట్టాలెక్కించడానికి సమయం తీసుకున్నాడు. హీరో హీరోయిన్లు పెళ్లిలో కలుసుకున్నాకే అసలు హంగామా మొదలవుతుంది. వారి మధ్య సాన్నిహిత్యం మొదలయ్యాక... రీనూ మేనేజర్ ఆది పడే పాట్లు, అతడి ఆఫీస్లోని స్టాఫ్ చేసే అల్లరి, ఆది నుంచి హీరోకి ఎదురయ్యే సమస్యలు సినిమాను హాస్యభరితంగా మారుస్తాయి. హైదరాబాద్లో టూర్లు, పార్టీలు అంటూ అవే సన్నివేశాలు తెరపై పునరావృతం అవుతుంటాయి. కానీ.. కామెడీతో ఆ సాగదీత కూడా కనిపించకుండా చేయడంలో దర్శకుడు సఫలమయ్యాడు. సంభాషణలు సినిమాకు బలం. తెలుగులో ట్రెండీగా సంభాషణలు కుదిరాయి. ‘#90'S’ దర్శకుడు ఆదిత్య హాసన్ మాటల రచన ఈ చిత్రానికి ప్లస్ అయ్యింది. కుర్చీని మడతపెట్టి... సంభాషణ మొదలుకుని కుమారి ఆంటీ వరకూ సామాజిక మాధ్యమాల్లో ట్రెండ్ అయిన విషయాల్ని ఇందులో తెలివిగా చొప్పించి హాస్యం పండించారు. సోడెక్సో కూపన్స్ మొదలుకుని.. సాఫ్ట్వేర్ కంపెనీల్లో వినిపించే సెటైర్ల వరకూ దేన్నీ వదల్లేదు. హైదరాబాద్ నేపథ్యం ఈ సినిమాకు మరో ఆకర్షణ. సింహభాగం కథ ఇక్కడే సాగుతుంది. దాంతో తెలుగు ప్రేక్షకులకు ఇది మన సినిమానే అనే భావన కలుగుతుంది.
ఎవరెలా చేశారంటే?
తెలిసిన నటులెవ్వరూ ఇందులో లేరు. కొత్త తరం నటులు ఈ సినిమాకు కొత్త అందాన్ని తీసుకొచ్చారు. కథానాయకుడు నాస్లేన్, కథానాయిక మమిత బైజు.. తెరపై క్యూట్గా కనిపించి ప్రేక్షకుల్ని ప్రేమలో పడేలా చేస్తారు. హీరో స్నేహితుడు సంగీత్ పాత్ర, అతడి నటన ఆకట్టుకుంటుంది. ఆది పాత్రలో శ్యామ్ మోహన్ నటన గుర్తుండిపోతుంది. మిగిలిన వారు ఆయా పాత్రల్లో ఒదిగిపోయారు. సంగీతం, కెమెరా విభాగాలు ప్రభావం చూపించాయి. దర్శకుడు గిరీశ్ ఏడీ రచనలో బలం.. మేకింగ్ పరంగా ఉన్న సమస్యలన్నింటినీ కప్పేసింది. ఔట్పుట్ని పక్కాగా ఊహిస్తే తప్ప ఇలాంటి కథల్ని నిర్మాతలు నమ్మలేరు. ఈ విషయంలో నిర్మాతలైన ఫాహద్ ఫాజిల్, ఆయన స్నేహితుల విజన్ను మెచ్చుకోవల్సిందే.
బలాలు
+ హాస్యం
+ కథా నేపథ్యం
+ నటీనటులు
బలహీనతలు
- సాగదీతగా కొన్ని సన్నివేశాలు
చివరిగా: ప్రేమలు... భలే నవ్వులు
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: బహిష్కరణ.. అంజలి వేశ్యగా నటించిన వెబ్సిరీస్ ఎలా ఉందంటే?
హీరోయిన్ అంజలి, శ్రీతేజ ప్రధాన పాత్రల్లో రూపొందిన వెబ్సిరీస్ ‘బహిష్కరణ’. ‘జీ 5’లో స్ట్రీమింగ్ అవుతున్న ఈ సిరీస్ రివ్యూ మీకోసం.. -
రివ్యూ: బ్యాడ్ న్యూజ్.. విక్కీ కౌశల్, త్రిప్తి దిమ్రీ మూవీ అలరించిందా?
Bad Newz movie review: విక్కీ కౌశల్, త్రిప్తి దిమ్రీ కీలక పాత్రల్లో నటించిన రొమాంటిక్ ఎంటర్టైన్ ఎలా ఉంది? -
రివ్యూ: డార్లింగ్.. ప్రియదర్శి, నభానటేష్ల కామెడీ ఎంటర్టైనర్ మెప్పించిందా?
ప్రియదర్శి, నభానటేష్ జంటగా నటించిన రొమాంటిక్, కామెడీ ఎంటర్టైనర్ ఎలా ఉందంటే? -
రివ్యూ: భారతీయుడు2.. కమల్, శంకర్ కాంబో మరోసారి హిట్ అయిందా?
indian 2 review: కమల్హాసన్, సిద్ధార్థ్, రకుల్ కీలక పాత్రల్లో శంకర్ దర్శకత్వంలో రూపొందిన ‘భారతీయుడు2’ తెలుగు ప్రేక్షకులను మెప్పించిందా? -
రివ్యూ: ధూమం.. ఫహద్ ఫాజిల్ నటించిన థ్రిల్లర్ ఎలా ఉంది?
ఫహద్ ఫాజిల్, అపర్ణా బాలమురళి కీలక పాత్రల్లో నటించిన ‘ధూమం’ ఎలా ఉంది? తెలుగు ప్రేక్షకులకు నచ్చుతుందా? -
రివ్యూ: శశి మథనం.. ప్రేమికుడు ఎరక్కపోయి ఇరుక్కుంటే?
సోనియా సింగ్, పవన్ సిద్ధు నటించిన వెబ్సిరీస్ ఎలా ఉందంటే! -
రివ్యూ: వెబ్సిరీస్: మీర్జాపూర్ సీజన్-3.. క్రైమ్, యాక్షన్ సిరీస్-3 మెప్పించిందా?
Mirzapur Season 3 Review: యువతను విశేషంగా ఆకట్టుకున్న సిరీస్ల్లో మీర్జాపూర్ ఒకటి. ఇప్పుడు మూడో సీజన్ స్ట్రీమింగ్ అవుతోంది. -
రివ్యూ: ‘గురువాయూర్ అంబలనాదయిల్’.. మలయాళ బ్లాక్ బస్టర్ ఎలా ఉంది?
Guruvayoor Ambalanadayil Review: పృథ్వీరాజ్ సుకుమార్, బసిల్ జోసెఫ్ కీలక పాత్రల్లో విపిన్ దాస్ దర్శకత్వం వహించిన ‘గురువాయూర్ అంబలనాదయిల్’ ఎలా ఉందంటే? -
రివ్యూ: ‘కల్కి 2898 ఏడీ’.. ప్రభాస్ సైన్స్ ఫిక్షన్ మూవీ ఎలా ఉంది?
kalki 2898 ad review in telugu: ప్రభాస్ కథానాయకుడిగా నాగ్ అశ్విన్ దర్శకత్వంలో వచ్చిన ఎపిక్ సైన్స్ ఫిక్షన్ యాక్షన్ మూవీ ప్రేక్షకులను మెప్పించిందా? -
రివ్యూ: యక్షిణి.. సోషియో ఫాంటసీ వెబ్సిరీస్ ఎలా ఉంది?
Yakshini review in telugu: వేదిక, రాహుల్ విజయ్, మంచు లక్ష్మీ, అజయ్ కీలక పాత్రల్లో నటించిన ‘యక్షిణి’ వెబ్సిరీస్ ఎలా ఉందంటే? -
రివ్యూ: పరువు.. నివేదా పేతురాజ్ నటించిన వెబ్సిరీస్ ఎలా ఉందంటే?
హీరోయిన్ నివేదా పేతురాజ్ (Nivetha Pethuraj), నటుడు నరేశ్ అగస్త్య (Naresh Agastya), నాగబాబు (Nagababu) ప్రధాన పాత్రల్లో రూపొందిన వెబ్సిరీస్ ‘పరువు’ (paruvu). ‘జీ 5’లో విడుదలైన ఈ సిరీస్ రివ్యూ మీకోసం.. -
రివ్యూ: హరోం హర.. సుధీర్బాబు ఖాతాలో హిట్ పడిందా?
సుధీర్బాబు, మాళవిక శర్మ, సునీల్ కీలక పాత్రల్లో నటించిన ‘హరోం హర’ మూవీ ప్రేక్షకులను మెప్పించిందా? -
రివ్యూ: మహారాజ.. విజయ్ సేతుపతి 50వ మూవీ మెప్పించిందా?
Maharaja Review: వైవిధ్యమైన పాత్రలతో అలరిస్తున్న విజయ్సేతుపతి కెరీర్లో 50వ చిత్రం ‘మహారాజ’. తాజాగా ప్రేక్షకుల ముందుకు వచ్చిన ఈ సినిమా ఎలా ఉంది? ఏ మేరకు మెప్పించింది? -
రివ్యూ: మిరల్.. ‘ప్రేమిస్తే’ భరత్ నటించిన చిత్రం భయపెట్టిందా?
ప్రేమిస్తే సినిమా హీరో భరత్ నటించిన హారర్ థ్రిల్లర్ మూవీ ‘మిరల్’. ఓటీటీ ‘ఆహా’లో స్ట్రీమింగ్ అవుతోంది. రివ్యూ మీకోసం.. -
రివ్యూ: కల్కి.. టొవినో థామస్ యాక్షన్ ఫిల్మ్ ఎలా ఉంది?
మలయాళంలో మంచి టాక్ సొంతం చేసుకున్న టొవినో థామస్ యాక్షన్ ఫిల్మ్ ‘కల్కి’ మెప్పించిందా? -
రివ్యూ: మనమే.. శర్వానంద్, కృతిశెట్టిల మూవీ ఎలా ఉంది?
Manamey Movie Review: శర్వానంద్, కృతిశెట్టి జంటగా, శ్రీరామ్ ఆదిత్య దర్శకత్వంలో ఫ్యామిలీ రొమాంటిక్ డ్రామా మెప్పించిందా? -
రివ్యూ: సత్యభామ.. కాజల్ క్రైమ్ థ్రిల్లర్ మూవీ టాక్ ఏంటి?
కాజల్ ప్రధాన పాత్రలో సుమన్ చిక్కాల దర్శకత్వంలో వచ్చిన క్రైమ్, యాక్షన్ థ్రిల్లర్ మూవీ మెప్పించిందా? -
రివ్యూ: మిస్టర్ అండ్ మిసెస్ మహి: జాన్వీకపూర్ స్పోర్ట్స్ డ్రామా మెప్పించిందా?
Mr And Mrs Mahi Review: రాజ్కుమార్ రావ్, జాన్వీ కపూర్ జంటగా శరణ్ శర్మ తెరకెక్కించిన స్పోర్ట్స్ డ్రామా ఎలా ఉంది? -
రివ్యూ: కీచురాళ్ళు.. మలయాళ థ్రిల్లర్ తెలుగు ప్రేక్షకులను మెప్పించిందా?
మలయాళంలో విజయవంతమైన ‘కీడమ్’ సినిమా ఓటీటీ ‘ఈటీవీ విన్’లో ‘కీచురాళ్ళుగా’ స్ట్రీమింగ్ అవుతోంది. ఎలా ఉందంటే? -
రివ్యూ: గం గం.. గణేశా.. ఆనంద్ దేవరకొండ క్రైమ్ కామెడీ మూవీ మెప్పించిందా?
Gam Gam Ganesha Review: ఆనంద్ దేవరకొండ, ప్రగతి శ్రీవాస్తవ జంటగా నటించిన మూవీ ఎలా ఉంది? -
రివ్యూ: భజే వాయు వేగం.. కార్తికేయ హిట్ కొట్టారా?
కార్తికేయ గుమ్మకొండ హీరోగా నూతన దర్శకుడు ప్రశాంత్ రెడ్డి తెరకెక్కించిన చిత్రం ‘భజే వాయు వేగం’. శుక్రవారం ప్రేక్షకుల ముందుకొచ్చిన ఈ సినిమా ఎలా ఉందంటే?
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
జేడీ వాన్స్ వ్యాఖ్యలు వైరల్.. తీవ్రంగా ఖండించిన ప్రముఖ నటి
-
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
-
సౌదీ అరేబియాలో దుర్భర జీవితం.. బాధితుడిని కాపాడిన మంత్రి లోకేశ్
-
అగ్నిపథ్ పథకంపై విపక్షాల విమర్శలు.. ఖండించిన మోదీ
-
మెక్సికన్ డ్రగ్ లార్డ్ ఇస్మాయిల్ ‘ఎల్ మాయో’ జంబాడ అరెస్ట్
-
26 మంది హత్య.. మృతదేహాలను నదిలోకి ఈడ్చుకెళ్లిన మొసళ్లు..!