Pushpa 2: ‘పుష్ప2’లో సాయి పల్లవి?

ఇంటర్నెట్‌డెస్క్‌: అల్లు అర్జున్‌ (Allu Arjun) కథానాయకుడిగా సుకుమార్‌ దర్శకత్వంలో తెరకెక్కిన యాక్షన్‌ థ్రిల్లర్‌ ‘పుష్ప: ది రైజ్‌’. గతేడాది విడుదలైన మొదటి భాగం బాక్సాఫీస్‌ వద్ద ఘన విజయాన్ని అందుకుంది.  రెండో భాగం ‘పుష్ప:ది రూల్‌’ త్వరలోనే సెట్స్‌పైకి వెళ్లనుంది. తొలి భాగానికి మంచి ఆదరణ లభించడంతో ఆ అంచనాలకు తగ్గకుండా సుకుమార్‌ రెండో భాగాన్ని తీర్చిదిద్దే పనిలో ఉన్నారు. ఈ క్రమంలో ‘పుష్ప2’కు మరింత క్రేజ్‌ తీసుకొచ్చే పనిలో ఉంది చిత్ర బృందం. ఈ సినిమాలో విజయ్‌ సేతుపతి, మనోజ్ బాజ్‌పాయ్‌లు  నటిస్తారంటూ వార్తలు వచ్చాయి. అయితే, అలాంటివేవీ లేవంటూ నిర్మాణ సంస్థ తెలిపింది. ఇప్పుడు టాలీవుడ్‌లో మరో ఆసక్తికర వార్త చక్కర్లు కొడుతోంది. ఈసినిమాలో ఓ కీలక పాత్ర కోసం సాయిపల్లవి (Sai pallavi)ని సంప్రదించారట. సుకుమార్‌ ఆమెను కలిసి కథను వినిపించినట్లు సమాచారం. అన్నీ కుదిరితే గిరిజన యువతి పాత్రలో సాయిపల్లవి కనిపించనున్నట్లు తెలుస్తోంది. దీనిపై చిత్ర బృందం అధికారికంగా స్పందించాల్సి ఉంది.