Sam Bahadur Review: రివ్యూ: సామ్ బహదూర్.. విక్కీ కౌశల్ నటించిన వార్ డ్రామా మెప్పించిందా?
Sam Bahadur Review in telugu: విక్కీ కౌశల్ కీలక పాత్రలో మేఘనా గుల్జార్ దర్శకత్వం వహించిన ‘సామ్ బహదూర్’ ఎలా ఉందంటే?
Sam Bahadur Review; చిత్రం: సామ్ బహదూర్; నటీనటులు: విక్కీ కౌశల్, ఫాతిమా సనా షేక్, సాన్య మల్హోత్ర తదితరులు; సంగీతం: శంకర్-ఎహెసాన్-లాయ్, కేతన్ సోథి (నేపథ్యం); సినిమాటోగ్రఫీ: జయ్ ఐ.పాటిల్; ఎడిటింగ్: నితిన్ బైది; రచన: శంతను శ్రీవాత్సవ; దర్శకత్వం: మేఘనా గుల్జార్; స్ట్రీమింగ్ వేదిక: జీ5
విభిన్న పాత్రలతో బాలీవుడ్లో అలరిస్తున్న నటుడు విక్కీ కౌశల్. ఆయన కీలక పాత్రలో మేఘనా గుల్జార్ దర్శకత్వంలో వచ్చిన బయోగ్రాఫికల్ వార్ డ్రామా ‘సామ్ బహదూర్’. భారతదేశపు మొదటి ఫీల్డ్ మార్షల్ సామ్ మానెక్షా జీవిత కథ ఆధారంగా ఈ చిత్రం రూపొందింది. (Sam Bahadur Review in telugu) గత నెలలో ప్రేక్షకుల ముందుకు వచ్చిన ఈ మూవీ బాక్సాఫీస్ వద్ద రూ.125 కోట్లకు పైగా వసూళ్లు రాబట్టింది. జనవరి 26వ తేదీ నుంచి జీ5 ఓటీటీ వేదిక స్ట్రీమింగ్ అవుతున్న ఈ సినిమా ఎలా ఉంది?
కథేంటంటే: 1934లో బ్రిటిష్ ప్రభుత్వం ఏర్పాటు చేసిన ఇండియన్ మిలటరీ అకాడమీ మొదటి బ్యాచ్లో క్యాడెట్గా శిక్షణ పొందుతాడు మానెక్షా (విక్కీ కౌశల్). సైన్యం అంటే ఎనలేని గౌరవం. వృత్తి విషయంలో అంకితభావంతో ఉండే మానెక్షా.. విడిగా ఉన్నప్పుడు సరదాగా, చిలిపిగా తన మాటల గారడీతో ప్రతి ఒక్కరినీ కట్టిపడేస్తాడు. శిక్షణ పూర్తయిన తర్వాత సెకండ్ లెఫ్టినెంట్గా ఫిరోజ్పూర్కు వెళ్తాడు. అక్కడే సిల్లో బోడే (సాన్య మల్హోత్ర)ను చూసి తొలి చూపులోనే ఇష్టపడతాడు. ఏకంగా పెళ్లి ప్రపోజల్ పెట్టేస్తాడు. మానెక్షాను సిల్లో కూడా ఇష్టపడుతుంది. భారత్కు స్వాత్రంత్యం వచ్చిన తర్వాత మేజర్ యహ్యాఖాన్ విన్నపాన్ని తిరస్కరిస్తూ మానెక్షా భారత సైన్యంలోనే కొనసాగుతాడు. భారత్లో కశ్మీర్ విలీనం, చైనాతో యుద్ధం, తూర్పు పాకిస్థాన్ విముక్తి పోరాటం ఇలా చరిత్రలో అరుదైన అధ్యాయాల్లో మానెక్షా ఎలాంటి పాత్ర పోషించారు? (Sam Bahadur Review in telugu) క్లిష్ట సమయాల్లో ప్రధానులను (ఇందిరాగాంధీ) సైతం ఒప్పించి ఆయన తీసుకున్న సాహసోపేతమై నిర్ణయాలు ఏంటి? తెలియాలంటే సినిమా చూడాల్సిందే!
ఎలా ఉందంటే: సాధారణ కథలతో పోలిస్తే జీవిత కథలను సినిమాలుగా తీసేటప్పుడు చాలా విషయాలను పరిగణనలోకి తీసుకోవాలి. మరీ ముఖ్యంగా భారతదేశ సార్వభౌమత్వాన్ని, సమగ్రతను కాపాడేలా దేశం కోసం పనిచేసిన గొప్ప వ్యక్తుల జీవిత చరిత్రల విషయంలో మరింత జాగరూకత వహించాలి. అలాంటి వ్యక్తుల్లో మొదటి ఫీల్డ్మార్షల్ మానెక్షా ఒకరు. ఆయన జీవిత కథను భావి తరాలకు స్ఫూర్తినిచ్చేలా అద్భుత చిత్రంగా తీయడంలో దర్శకుడు మేఘనా గుల్జార్ విజయం సాధించారు. (Sam Bahadur Review in telugu) ఇండియన్ మిలటరీ అకాడమీలో మానెక్షా శిక్షణ పొందే సన్నివేశాలతో కథను మొదలు పెట్టిన దర్శకుడు.. ఎక్కువగా ఆయన వ్యక్తిగత జీవితం, అనవసర విషయాల జోలిక పోకుండా, కేవలం వృత్తిపరమైన కీలక ఘట్టాలను ఆవిష్కరిస్తూ కథను నడిపించాడు. కశ్మీర్ విషయంలో భారత్-పాకిస్థాన్ మధ్య జరిగిన మొదటి యుద్ధ సమయంలో మానెక్ షా సలహాలు, కశ్మీర్ వెళ్లి మరీ అక్కడి రాజును దిల్లీకి తీసుకొచ్చే సీన్ అలరిస్తుంది. మానెక్షా అధికార దుర్వినియోగానికి పాల్పడ్డారంటూ జరిగే విచారణ సందర్భంగా వచ్చే సన్నివేశాలు ఆకట్టుకుంటాయి.
భారత్-చైనా యుద్ధ సమయంలో నెహ్రూ శాంతి మంత్రాలు వల్లిస్తుంటే, ‘వాళ్లేమీ (చైనా) సాధారణ పరిస్థితిని కోరుకోరు. యుద్ధంలో గెలవడానికే ప్రయత్నిస్తారు. నేను కూడా అంతే. నాకు ఇక్కడ పనిలేకపోతే, నేను వెళ్లిపోవడానికి సిద్ధమే’, ‘దేశం కోసం చనిపోవడం సైనికుడి బాధ్యత కాదు. శత్రువుని చంపి, దేశాన్ని కాపాడటం’ అంటూ మానెక్షా పలికే సంభాషణలు ఉద్విగ్నంగా ఉంటాయి. ప్రధాని ఇందిరా గాంధీ ముందు మాట్లాడటానికి ఎవరికీ ధైర్యం ఉండేది కాదు. అలాంటిది తూర్పు పాకిస్థాన్ విముక్తి పోరాటానికి మద్దతు తెలుపుతూ పాకిస్థాన్పై ఇందిర యుద్ధ ప్రతిపాదన తెస్తే.. ‘మేము ఇప్పుడు సిద్ధంగా లేము. మీరు యుద్ధం ఆదేశిస్తే ఇప్పుడే రాజీనామా చేస్తా. ఎందుకంటే ఓడిపోయే యుద్ధం నేను చేయను’ అంటూ ఆమె నిర్ణయాన్నే మానెక్షా ధైర్యంగా తోసిపుచ్చే సీన్ హైలైట్. (Sam Bahadur Review in telugu) యుద్ధ సమయంలో ఇక సైనికులను ఉద్దేశిస్తూ ‘సైనికుడి గౌరవం అతడు ధరించే దుస్తుల్లో ఉంటుంది’ అంటూ ఆయన ఇచ్చే స్ఫూర్తి ప్రసంగం రొమాలు నిక్కబొడుచుకునేలా చేస్తుంది. కథా పరంగా ఎలాంటి లోటుపాట్లూ లేకపోయినా, కీలక సన్నివేశాల ముందు జరిగే డ్రామాతో కథనం కాస్త నెమ్మదిగా సాగినట్లు అనిపిస్తుంది.
ఎవరెలా చేశారంటే: కథలు, పాత్రల ఎంపిక విషయంలో వైవిధ్యాన్ని ప్రదర్శిస్తున్న విక్కీ కౌశల్.. సామ్ బహదూర్ అలియాస్ మానెక్ షా పాత్రలో ఒదిగిపోయారు. ఆయన ఆహార్యం, డైలాగ్ డిక్షన్తో కట్టిపడేశారు. సినిమాలో ఎక్కడా పరిధి దాటి నటించలేదు. కొన్ని సన్నివేశాల్లో మానెక్ షాను ఆవాహన చేసుకున్నాడేమో అనిపిస్తుంది. ఇందిరాగాంధీ పాత్రకు తగిన విధంగా ఫాతిమా సన్ షేక్ కనిపించిన తీరు హుందాగా ఉంది. మానెక్ షా భార్య సిల్లోగా సాన్య మల్హోత్ర కూడా ఒదిగిపోయారు. (Sam Bahadur Review in telugu) ప్రతి నటుడు, నటి తమకు ఇచ్చిన పాత్రలకు న్యాయం చేశారు. సాంకేతికంగా సినిమా చాలా బాగుంది. నాటి వాతావరణం రీక్రియేట్ చేయడంలోనూ, దాన్ని అంతే సహజంగా తెరపై ఆవిష్కరించడంలోనూ సినిమాటోగ్రఫీ, ఎడిటింగ్ విభాగాలు చక్కగా పనిచేశాయి. సాంకేతిక సిబ్బంది, ప్రొడక్షన్ హౌస్ పడిన కష్టం ప్రతిదీ తెరపై కనిపిస్తుంది. అనవసర కమర్షికల్ హంగులకు పోకుండా, మానెక్షా జీవిత కథను వక్రీకరించకుండా ప్రతి భారతీయుడికీ కనెక్ట్ అయ్యేలా ‘సామ్ బహదూర్’ను మేఘనా గుల్జార్ తీశారు.
కుటుంబంతో కలిసి చూడొచ్చా: నవ భారత చరిత్ర గతిని మలుపుతిప్పిన గొప్ప వ్యక్తుల గురించి నేటి యువత తప్పక తెలుసుకోవాలి. ఫీల్డ్ మార్షల్ మానెక్ షా అలాంటి వారే. కుటుంబమంతా కలిసి చూడదగిన చిత్రం. కానీ, ఒకే ఒక్క సమస్య. తెలుగు ఆడియో ఇచ్చి ఉంటే బాగుండేది. (Sam Bahadur Review in telugu) ఇలాంటి చిత్రాలను ఇతర భారతీయ భాషల్లోనూ అనువదించాల్సిన అవసరం ఉంది.
- బలాలు
- + విక్కీ కౌశల్ నటన
- + దర్శకత్వం
- + సినిమాటోగ్రఫీ, ఇతర సాంకేతిక బృందం పనితీరు
- బలహీనతలు
- - అక్కడక్కడా నెమ్మదిగా సాగే కథనం
- చివరిగా: సెల్యూట్.. ‘సామ్ బహదూర్..’
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: బహిష్కరణ.. అంజలి వేశ్యగా నటించిన వెబ్సిరీస్ ఎలా ఉందంటే?
హీరోయిన్ అంజలి, శ్రీతేజ ప్రధాన పాత్రల్లో రూపొందిన వెబ్సిరీస్ ‘బహిష్కరణ’. ‘జీ 5’లో స్ట్రీమింగ్ అవుతున్న ఈ సిరీస్ రివ్యూ మీకోసం.. -
రివ్యూ: బ్యాడ్ న్యూజ్.. విక్కీ కౌశల్, త్రిప్తి దిమ్రీ మూవీ అలరించిందా?
Bad Newz movie review: విక్కీ కౌశల్, త్రిప్తి దిమ్రీ కీలక పాత్రల్లో నటించిన రొమాంటిక్ ఎంటర్టైన్ ఎలా ఉంది? -
రివ్యూ: డార్లింగ్.. ప్రియదర్శి, నభానటేష్ల కామెడీ ఎంటర్టైనర్ మెప్పించిందా?
ప్రియదర్శి, నభానటేష్ జంటగా నటించిన రొమాంటిక్, కామెడీ ఎంటర్టైనర్ ఎలా ఉందంటే? -
రివ్యూ: భారతీయుడు2.. కమల్, శంకర్ కాంబో మరోసారి హిట్ అయిందా?
indian 2 review: కమల్హాసన్, సిద్ధార్థ్, రకుల్ కీలక పాత్రల్లో శంకర్ దర్శకత్వంలో రూపొందిన ‘భారతీయుడు2’ తెలుగు ప్రేక్షకులను మెప్పించిందా? -
రివ్యూ: ధూమం.. ఫహద్ ఫాజిల్ నటించిన థ్రిల్లర్ ఎలా ఉంది?
ఫహద్ ఫాజిల్, అపర్ణా బాలమురళి కీలక పాత్రల్లో నటించిన ‘ధూమం’ ఎలా ఉంది? తెలుగు ప్రేక్షకులకు నచ్చుతుందా? -
రివ్యూ: శశి మథనం.. ప్రేమికుడు ఎరక్కపోయి ఇరుక్కుంటే?
సోనియా సింగ్, పవన్ సిద్ధు నటించిన వెబ్సిరీస్ ఎలా ఉందంటే! -
రివ్యూ: వెబ్సిరీస్: మీర్జాపూర్ సీజన్-3.. క్రైమ్, యాక్షన్ సిరీస్-3 మెప్పించిందా?
Mirzapur Season 3 Review: యువతను విశేషంగా ఆకట్టుకున్న సిరీస్ల్లో మీర్జాపూర్ ఒకటి. ఇప్పుడు మూడో సీజన్ స్ట్రీమింగ్ అవుతోంది. -
రివ్యూ: ‘గురువాయూర్ అంబలనాదయిల్’.. మలయాళ బ్లాక్ బస్టర్ ఎలా ఉంది?
Guruvayoor Ambalanadayil Review: పృథ్వీరాజ్ సుకుమార్, బసిల్ జోసెఫ్ కీలక పాత్రల్లో విపిన్ దాస్ దర్శకత్వం వహించిన ‘గురువాయూర్ అంబలనాదయిల్’ ఎలా ఉందంటే? -
రివ్యూ: ‘కల్కి 2898 ఏడీ’.. ప్రభాస్ సైన్స్ ఫిక్షన్ మూవీ ఎలా ఉంది?
kalki 2898 ad review in telugu: ప్రభాస్ కథానాయకుడిగా నాగ్ అశ్విన్ దర్శకత్వంలో వచ్చిన ఎపిక్ సైన్స్ ఫిక్షన్ యాక్షన్ మూవీ ప్రేక్షకులను మెప్పించిందా? -
రివ్యూ: యక్షిణి.. సోషియో ఫాంటసీ వెబ్సిరీస్ ఎలా ఉంది?
Yakshini review in telugu: వేదిక, రాహుల్ విజయ్, మంచు లక్ష్మీ, అజయ్ కీలక పాత్రల్లో నటించిన ‘యక్షిణి’ వెబ్సిరీస్ ఎలా ఉందంటే? -
రివ్యూ: పరువు.. నివేదా పేతురాజ్ నటించిన వెబ్సిరీస్ ఎలా ఉందంటే?
హీరోయిన్ నివేదా పేతురాజ్ (Nivetha Pethuraj), నటుడు నరేశ్ అగస్త్య (Naresh Agastya), నాగబాబు (Nagababu) ప్రధాన పాత్రల్లో రూపొందిన వెబ్సిరీస్ ‘పరువు’ (paruvu). ‘జీ 5’లో విడుదలైన ఈ సిరీస్ రివ్యూ మీకోసం.. -
రివ్యూ: హరోం హర.. సుధీర్బాబు ఖాతాలో హిట్ పడిందా?
సుధీర్బాబు, మాళవిక శర్మ, సునీల్ కీలక పాత్రల్లో నటించిన ‘హరోం హర’ మూవీ ప్రేక్షకులను మెప్పించిందా? -
రివ్యూ: మహారాజ.. విజయ్ సేతుపతి 50వ మూవీ మెప్పించిందా?
Maharaja Review: వైవిధ్యమైన పాత్రలతో అలరిస్తున్న విజయ్సేతుపతి కెరీర్లో 50వ చిత్రం ‘మహారాజ’. తాజాగా ప్రేక్షకుల ముందుకు వచ్చిన ఈ సినిమా ఎలా ఉంది? ఏ మేరకు మెప్పించింది? -
రివ్యూ: మిరల్.. ‘ప్రేమిస్తే’ భరత్ నటించిన చిత్రం భయపెట్టిందా?
ప్రేమిస్తే సినిమా హీరో భరత్ నటించిన హారర్ థ్రిల్లర్ మూవీ ‘మిరల్’. ఓటీటీ ‘ఆహా’లో స్ట్రీమింగ్ అవుతోంది. రివ్యూ మీకోసం.. -
రివ్యూ: కల్కి.. టొవినో థామస్ యాక్షన్ ఫిల్మ్ ఎలా ఉంది?
మలయాళంలో మంచి టాక్ సొంతం చేసుకున్న టొవినో థామస్ యాక్షన్ ఫిల్మ్ ‘కల్కి’ మెప్పించిందా? -
రివ్యూ: మనమే.. శర్వానంద్, కృతిశెట్టిల మూవీ ఎలా ఉంది?
Manamey Movie Review: శర్వానంద్, కృతిశెట్టి జంటగా, శ్రీరామ్ ఆదిత్య దర్శకత్వంలో ఫ్యామిలీ రొమాంటిక్ డ్రామా మెప్పించిందా? -
రివ్యూ: సత్యభామ.. కాజల్ క్రైమ్ థ్రిల్లర్ మూవీ టాక్ ఏంటి?
కాజల్ ప్రధాన పాత్రలో సుమన్ చిక్కాల దర్శకత్వంలో వచ్చిన క్రైమ్, యాక్షన్ థ్రిల్లర్ మూవీ మెప్పించిందా? -
రివ్యూ: మిస్టర్ అండ్ మిసెస్ మహి: జాన్వీకపూర్ స్పోర్ట్స్ డ్రామా మెప్పించిందా?
Mr And Mrs Mahi Review: రాజ్కుమార్ రావ్, జాన్వీ కపూర్ జంటగా శరణ్ శర్మ తెరకెక్కించిన స్పోర్ట్స్ డ్రామా ఎలా ఉంది? -
రివ్యూ: కీచురాళ్ళు.. మలయాళ థ్రిల్లర్ తెలుగు ప్రేక్షకులను మెప్పించిందా?
మలయాళంలో విజయవంతమైన ‘కీడమ్’ సినిమా ఓటీటీ ‘ఈటీవీ విన్’లో ‘కీచురాళ్ళుగా’ స్ట్రీమింగ్ అవుతోంది. ఎలా ఉందంటే? -
రివ్యూ: గం గం.. గణేశా.. ఆనంద్ దేవరకొండ క్రైమ్ కామెడీ మూవీ మెప్పించిందా?
Gam Gam Ganesha Review: ఆనంద్ దేవరకొండ, ప్రగతి శ్రీవాస్తవ జంటగా నటించిన మూవీ ఎలా ఉంది? -
రివ్యూ: భజే వాయు వేగం.. కార్తికేయ హిట్ కొట్టారా?
కార్తికేయ గుమ్మకొండ హీరోగా నూతన దర్శకుడు ప్రశాంత్ రెడ్డి తెరకెక్కించిన చిత్రం ‘భజే వాయు వేగం’. శుక్రవారం ప్రేక్షకుల ముందుకొచ్చిన ఈ సినిమా ఎలా ఉందంటే?
తాజా వార్తలు (Latest News)
-
అంత డబ్బు నా వద్ద లేదు: జాన్వీకపూర్
-
జేడీ వాన్స్ వ్యాఖ్యలు వైరల్.. తీవ్రంగా ఖండించిన ప్రముఖ నటి
-
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
-
సౌదీ అరేబియాలో దుర్భర జీవితం.. బాధితుడిని కాపాడిన మంత్రి లోకేశ్
-
అగ్నిపథ్ పథకంపై విపక్షాల విమర్శలు.. ఖండించిన మోదీ
-
మెక్సికన్ డ్రగ్ లార్డ్ ఇస్మాయిల్ ‘ఎల్ మాయో’ జంబాడ అరెస్ట్