Sukruthiveni: సందేశమిచ్చే గాంధీ తాత చెట్టు

ప్రముఖ దర్శకుడు సుకుమార్‌ కుమార్తె సుకృతి వేణి బండ్రెడ్డి బాలనటిగా తెరకు పరిచయం కానుంది. ఆమె ప్రధాన పాత్రలో పద్మావతి మల్లాది తెరకెక్కించిన ఆ చిత్రం ‘గాంధీ తాత చెట్టు’. మైత్రీ మూవీ మేకర్స్‌, సుకుమార్‌ రైటింగ్స్‌, గోపీ టాకీస్‌ సంస్థలు సంయుక్తంగా నిర్మించాయి. తబితా సుకుమార్‌ సమర్పిస్తున్నారు. ఈ సినిమాని త్వరలో ప్రేక్షకుల ముందుకు తీసుకురానున్నట్లు చిత్ర వర్గాలు తెలిపాయి. పర్యావరణ పరిరక్షణ ముఖ్య ఉద్దేశంగా రూపొందించిన సినిమా ఇది. ఇప్పటికే ఈ సినిమా పలు చిత్రోత్సవాల్లో సత్తా చాటింది. తాజాగా ఈ చిత్రానికి గానూ 14వ దాదా సాహెబ్‌ ఫాల్కే చిత్రోత్సవాల్లో సుకృతి ఉత్తమ బాలనటిగా పురస్కారం అందుకుంది.