Vyavastha Review: రివ్యూ: వ్యవస్థ (వెబ్సిరీస్).. హెబ్బా పటేల్ హత్య చేసిందా?
హెబ్బా పటేల్, కార్తిక్ రత్నం, సంపత్రాజ్ ప్రధాన పాత్రల్లో తెరకెక్కిన వెబ్సిరీస్ ‘వ్యవస్థ’. ‘జీ 5’లో స్ట్రీమింగ్ అవుతోన్న ఈ సిరీస్ ఎలా ఉందంటే?
Vyavastha Review; వెబ్సిరీస్: వ్యవస్థ; నటీనటులు: కార్తిక్ రత్నం, హెబ్బా పటేల్, సంపత్రాజ్, కామ్నా జఠ్మలాని, గురురాజ్, రామారావు జాదవ్ తదితరులు; ఛాయాగ్రహణం: అనిల్ బండారి; సంగీతం: నరేశ్ కుమరన్; దర్శకత్వం: ఆనంద్ రంగా; నిర్మాత: పట్టాభి ఆర్. చిలుకూరి; దర్శకత్వం: ఆనంద్ రంగా; ఓటీటీ వేదిక: ZEE5
ప్రతివారం.. సినిమాల్లానే కొత్త వెబ్సిరీస్లూ ప్రేక్షకుల ముందుకొస్తున్నాయి. అలా ఈ వారం వచ్చిన సిరీస్ల్లో ‘వ్యవస్థ’ (Vyavastha) ఒకటి. కార్తిక్ రత్నం (karthik rathnam), హెబ్బా పటేల్ (Hebah Patel), సంపత్రాజ్ (Sampath Raj) తదితరులు ప్రధాన పాత్రల్లో దర్శకుడు ఆనంద్ రంగా (Anand Ranga) తెరకెక్కించిన ఈ సిరీస్ కథేంటి? ఎలా ఉందంటే?(Vyavastha Web Series Review)..
ఇదీ కథ: యామిని (హెబ్బా పటేల్), అజయ్ నూతన దంపతులు. కొత్త పెళ్లికొడుకు శోభనం గదిలోకి వెళ్లగానే తుపాకీ పేలిన శబ్దం రాగా బంధువులు, పని మనుషులు కంగారు పడి తలుపులు తెరిచి లోపలికి వెళ్తారు. రక్తపు మడుగులో ఉన్న అజయ్ మృతదేహాన్ని, యామిని చేతిలో గన్ చూసిన వాళ్లంతా షాక్ అవుతారు. సమాచారం అందిన పోలీసులు యామినిని అరెస్ట్ చేస్తారు. కేసు నుంచి బయటపడేందుకు సీనియర్ లాయర్ అవినాష్ చక్రవర్తి (సంపత్ రాజ్)ని యామిని ఫ్యామిలీ సంప్రదిస్తుంది. అయితే, కోర్టు వాదనలో భాగంగా తన తరఫు న్యాయవాదిని మార్చుకుంటున్నానని ట్విస్ట్ ఇస్తుంది యామిని. ఆమెకు న్యాయం చేసేందుకు వంశీకృష్ణ (కార్తిక్ రత్నం) రంగంలోకి దిగుతాడు. తనను కాదన్న యామినిపై లాయర్ చక్రవర్తి ఎలా పగ తీర్చుకున్నాడు? యామినితోపాటు వంశీ కూడా ఆ కేసులో ఎందుకు ఇరుక్కున్నాడు? యామినికి అతడు న్యాయం చేశాడా?అసలు అజయ్ను చంపిందెవరు?.. ఈ ప్రశ్నలన్నింటికీ సమాధానం సిరీస్ చూసి తెలుసుకోవాల్సిందే (Vyavastha Review).
ఎలా ఉందంటే? ఒకప్పటి కంటే ఇప్పుడు కోర్టురూమ్ డ్రామా కథలు విరివిగా తెరకెక్కుతున్నాయి. ఒకే జానర్లో ఎన్ని సినిమాలు/సిరీస్లొచ్చినా కొత్తదనం ఉంటే ప్రేక్షకులు తప్పక ఆదరిస్తారు. ఆ నమ్మకంతోనే ‘వ్యవస్థ’ టీమ్ ముందడుగేసింది. కానీ, వైవిధ్యాన్ని చూపించలేకపోయింది. హీరోయిన్ తమ తొలిరాత్రే భర్తను ఎందుకు చంపాల్సి వచ్చింది? వారి మధ్య ఏం గొడవలున్నాయి? ఆమెకు శిక్ష పడుతుందా?.. ఇలా తొలి ఎపిసోడ్ ప్రారంభ సన్నివేశాలు ఉత్సుకత రేకెత్తించినా తర్వాతర్వాత కథలో వేగం తగ్గిపోతుంది. ‘నా పేరు కావాలంటే 32వ పేజీలో చూడండి.. అది ఓపెన్ చేస్తే నా పేరు కావాలంటే 64వ పేజీలో చూడండి’ అని చిన్నారులు ఆడుకున్నట్టే.. ఆ రూమ్లో ఏం జరిగింది? యామినితోపాటు ఇంకెవరైనా ఉన్నారా? తదితర ఆసక్తికర అంశాలను తదుపరి ఎపిసోడ్లో చూపిస్తారేమో అనుకుంటూ 8వ ఎపిసోడ్ వరకు దర్శకుడు ప్రేక్షకుల్ని లాక్కెళ్లారు. యామిని లైఫ్స్టైల్ ఏంటి? అజయ్ని ఎందుకు పెళ్లి చేసుకుంది?అజయ్ నేపథ్యమేంటి?ప్రధానమైన ఇలాంటి అంశాలను ఎలివేట్ చేసుంటే సిరీస్ ఉత్కంఠభరితంగా ఉండేది. కోర్టురూమ్ డ్రామా కథలనగానే కీలక కేసు విషయమై ఇద్దరు న్యాయవాదులు తమ తమ క్లైయింట్ల తరఫున పోటాపోటీగా వాదిస్తారని, కేసుకు సంబంధించి పూర్వపరాలను పరిశీలించి చిక్కుముడులు విప్పుతుంటారని అని అనుకోవడం సహజం. ఈ సిరీస్లో అది లోపించింది. అసలు విషయాన్ని పక్కనపెట్టి అవినాష్ చక్రవర్తి బ్యాక్గ్రౌండ్ని హైలైట్ చేశారు (Vyavastha Review).
‘చెక్మేట్’ పేరుతో ఓ సామ్రాజ్యాన్ని నిర్మించుకోవడం, తనకు వ్యతిరేకంగా ఉన్న వారి కేసులను ఇతర లాయర్లు ఎవరూ వాదించకుండా అందర్నీ తన గుప్పిట్లోకి తీసుకోవడం.. ఇలా చక్రవర్తి ఎలివేషన్ సీన్లతోనే దాదాపు సిరీస్ అంతా సాగుతుంది. అతడి గ్యాంగ్ గురించీ ఎక్కువగా ప్రస్తావిస్తూ ప్రేక్షకుల సహనానికి పరీక్ష పెట్టారు. న్యాయం పేరుతో అన్యాయంగా వ్యవహరించే అలాంటి లాయర్పై గెలిచేందుకు వంశీకృష్ణలాంటి జూనియర్ లాయర్ రంగంలోకి దిగడం, యామిని కేసు విషయంలో ఎత్తుకు పైఎత్తు వేసే సీన్లు ఫర్వాలేదనిపిస్తాయి. తమ మధ్య ఎలాంటి సంబంధం లేకుండా ఉండి ఉంటే యామినికి వంశీ సాయం చేయడమనేది అర్థవంతంగా ఉండేది. వీరిద్దిరికి ఓ ఫ్లాష్బ్యాక్ ట్రాక్ నడపడంతో కథ బలం కోల్పోయినట్టైంది. అంత నిజాయతీగా ఉండే హీరో.. బంధం కోసమే పోరాడినట్టు అనిపిస్తుంది. అవినాష్ భార్య గాయత్రి (కామ్నా జఠ్మలాని) విదేశంలో ఉన్న తన కూతురికి ఫోన్ చేసి ‘చెక్మేట్’ బాధ్యతలు తీసుకునే సమయం వచ్చిందని చెప్పే క్లైమాక్స్ సీన్.. మరో సిరీస్ ఉంటుందేమో అనిపించేలా చేస్తుంది. మరి, మరో ‘వ్యవస్థ’ వస్తుందా?అంటే వేచి చూడాల్సిందే (Vyavastha Review).
ఎవరెలా చేశారంటే? ‘కేరాఫ్ కంచరపాలెం’, ‘నారప్ప’ తదితర హిట్ చిత్రాల్లో నటించి తనకంటూ ప్రత్యేక గుర్తింపు తెచ్చుకున్న కార్తిక్ రత్నం ఇందులోనూ సత్తా చాటాడు. జూనియర్ లాయర్ వంశీకృష్ణగా తనలోని కొత్త కోణాన్ని ఆవిష్కరించాడు. ఇప్పటికే ఎన్నో సినిమాల్లో నెగెటివ్ రోల్స్తో మెప్పించిన సంపత్రాజ్ తనదైన శైలిలో నటించి చక్రవర్తి పాత్రకు జీవం పోశారు. హెబ్బాపటేల్ కీలక పాత్ర పోషించినా అభినయానికి స్కోప్ లేదు. ‘రణం’, ‘బెండు అప్పారావు’ తదితర చిత్రాల్లో మెరిసిన కామ్నా జఠ్మలాని ఈ సిరీస్తో రీ ఎంట్రీ ఇచ్చారు. గాయత్రిగా అంత ప్రభావం చూపలేకపోయారు. ఈ సిరీస్కు నేపథ్య సంగీతం ప్రధాన బలం. ఛాయాగ్రహణం ఓకే. ఎడిటింగ్ విషయంలో మరింత శ్రద్ధ చూపించాల్సింది. ‘ఓయ్’ సినిమాతో ఫీల్గుడ్ లవ్స్టోరీ అందించిన దర్శకుడు ఆనంద్ రంగ ఈ సిరీస్కు న్యాయం చేయలేకపోయారు (Vyavastha Review).
బలాలు: + కార్తిక్రత్నం, సంపత్ రాజ్ల నటన, + కోర్టులో కొన్ని సన్నివేశాలు
బలహీనతలు: - కథ; - కథనం
చివరిగా: సీనియర్, జూనియర్ లాయర్ల మధ్య పోటీ ఈ ‘వ్యవస్థ’.
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..?
తాజా వార్తలు (Latest News)
-
‘చొరబాటుదారు’ వ్యాఖ్యలు.. మోదీపై ఫిర్యాదును పరిశీలిస్తున్నామన్న ఈసీ..!
-
వాట్సప్లో కొత్త ఫీచర్.. ఇంటర్నెట్ లేకున్నా ఫొటోలు పంపించొచ్చు!
-
టీ20 వరల్డ్ కప్తో రీ ఎంట్రీ?.. తలుపులు మూసుకుపోయాయన్న సునీల్ నరైన్
-
రెడ్మీ కొత్త వైఫై ట్యాబ్.. రూ.20 వేలకే రోబో వాక్యూమ్ క్లీనర్
-
హనుమాన్ జన్మోత్సవ్.. ప్రశాంత్వర్మ ప్లాన్ మామూలుగా లేదుగా!
-
శిరోముండనం కేసు.. హైకోర్టులో విచారణ వాయిదా