Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..?
Yodha Movie Review in telugu చిత్రం: యోధ; నటీనటులు: సిద్ధార్థ్ మల్హోత్రా, రాశీఖన్నా, దిశాపటానీ, రోనిత్ రాయ్, తనూజ్ విర్వానీ, తదితరులు; ఎడిటింగ్: శివకుమార్ వి.పనికర్; సంగీతం: జాన్ స్టీవర్ట్ ఎడూరి; సినిమాటోగ్రఫీ: జిష్ణు భట్టాచార్యజీ; నిర్మాతలు: హిరూ యశ్ జోహర్, కరణ్ జోహర్, నిర్మాణ సంస్థలు: అమెజాన్ ఎంజీఎం స్టూడియోస్, ధర్మ ప్రొడెక్షన్స్; రచన: సాగర్ ఆంబ్రే; దర్శకత్వం: సాగర్ ఆంబ్రే, పుష్కర్ ఓఝా; విడుదల తేదీ: 15-03-2024
ఈ వారం హిందీ నుంచి వచ్చిన ప్రధాన చిత్రాల్లో ఒకటి ‘యోధ’ (Yodha Movie Review). యాక్షన్ కథల్లో బాగా ఒదిగిపోతాడనే పేరున్న సిద్ధార్థ్ మల్హోత్రా ఇందులో కథానాయకుడు. ‘షేర్షా’ తర్వాత ఆయన మరోసారి కమాండోగా నటించిన చిత్రమిదే. హైజాక్ నేపథ్యంలో సాగే ఈ చిత్రం ఎలాఉందో తెలుసుకునే ముందు కథేమిటో చూద్దాం (Yodha Movie Review).
కథేంటంటే: తన తండ్రి సురేంద్ర కటియాల్ (రోనిత్ రాయ్) స్ఫూర్తితో యోధా టాస్క్ఫోర్స్లో కమాండోగా చేరతాడు అరుణ్ కటియాల్ (సిద్ధార్థ్ మల్హోత్రా). దూకుడుగా వ్యవహరిస్తూ ఆపరేషన్స్లో పాల్గొనడం అరుణ్ శైలి. ఆ క్రమంలో కొన్నిసార్లు నిబంధనల్ని కూడా అతిక్రమిస్తుంటాడు. ఆయన భార్య ప్రియంవద కటియాల్ (రాశీఖన్నా) కేంద్రప్రభుత్వంలో ఉన్నతోద్యోగి. అరుణ్ చేపట్టిన ఓ ఆపరేషన్ ఫెయిల్ కావడంతో ప్రసిద్ధ శాస్త్రవేత్త అయిన అనుజ్ నాయర్ ప్రయాణిస్తున్న విమానం హైజాక్కి గురికావడంతో, ఉగ్రవాదుల చేతుల్లో ఆయన దారుణ హత్యకి గురవుతాడు. అదంతా సమన్వయలోపంతో జరిగిందని, అరుణ్ తన వాదనని వినిపిస్తాడు. ఆ ఆపరేషన్ ప్రభావం అరుణ్, ప్రియంవద వైవాహిక జీవితంపై పడుతుంది. ఆ సంఘటన తర్వాత యోధ టాస్క్ఫోర్స్ భవితవ్యమే ప్రశ్నార్థకం అవుతుంది. ఆ తర్వాత కొత్త బాధ్యతల్ని చేపట్టిన అరుణ్ కటియాల్ ఎయిర్ కమాండోగా దిల్లీ నుంచి లండన్ వెళ్లే విమానం ఎక్కుతాడు. ఆ సమయంలో ఇస్లామాబాద్లో ఇండియా, పాక్ మధ్య చర్చలు జరుగుతుంటాయి. ఆ చర్చల్ని టార్గెట్ చేసిన ఉగ్రవాదులు అరుణ్ ప్రయాణిస్తున్న విమానాన్ని హైజాక్ చేసి దారి మళ్లించేందుకు ప్లాన్ చేస్తారు. అరుణ్ పేరుని వాడుకుంటూ హైజాక్ని పూర్తి చేయాలనేది ఉగ్రవాదుల ఎత్తుగడ. ఎంతో పకడ్బందీగా ప్లాన్ చేసి ఈ హైజాక్ కుట్రని అరుణ్ ఎలా ఛేదించాడు?ఉగ్రవాదుల కుట్రలని ఎలా తిప్పికొట్టాడనేది తెరపై చూసి తెలుసుకోవాల్సిందే.
ఎలా ఉందంటే: ఈమధ్య ఏరియల్ యాక్షన్ కథలపై మక్కువ ప్రదర్శిస్తోంది భారతీయ చిత్ర పరిశ్రమ. ‘ఫైటర్’, ‘ఆపరేషన్ వాలెంటైన్’ తర్వాత ఆ జోనర్లో రూపొందిన మరో చిత్రమిది. కాకపోతే ఆ సినిమాల్లో యుద్ధాలు ముఖ్య భూమిక పోషిస్తాయి. ‘యోధ’ అందుకు భిన్నంగా విమానంలో సాగే హైజాక్, యాక్షన్ చిత్రం. దేశభక్తి కోణం, విభిన్నమైన యాక్షన్ సన్నివేశాలు ఆకట్టుకున్నప్పటికీ, వాటన్నిటికంటే కూడా మలుపులు ఈ సినిమాకి ప్రధానబలం. హీరో యోధ టాస్క్ఫోర్స్లో చేరడం, తొలి ఆపరేషన్ విజయవంతంగా పూర్తి చేయడం వంటి సన్నివేశాలతో సినిమా ఆరంభమవుతుంది. శాస్త్రవేత్త ఎపిసోడ్ నుంచే కథలో ఉత్కంఠ మొదలవుతుంది. శాస్త్రవేత్తని కాపాడేందుకు అరుణ్ చేసే ప్రయత్నం ఆసక్తి రేకెత్తిస్తుంది. కానీ అది ఫెయిల్ కావడం నుంచి కథలో డ్రామా మొదలవుతుంది. అరుణ్ ఎయిర్ కమాండో అయ్యాక ఎదురయ్యే సవాళ్లు మరింత ఆకట్టుకుంటాయి. ఫ్లైట్లో హైజాకర్లు ఎవరున్నారో ఒక పట్టాన అర్థం కాదు. ఎలా హైజాక్ చేయనున్నారనేది అంతుచిక్కదు. అలాంటి సవాళ్ల మధ్య కథానాయకుడు చేసిన పోరాటం మెప్పిస్తుంది. ఊహించని రీతిలో హైజాకర్లు తెరపైకి రావడం కథలో కీలకంగా మారుతుంది. ఏరియల్ వ్యూతో కూడిన సన్నివేశాలు, విమానంలో పోరాట ఘట్టాలు మెప్పిస్తాయి. కశ్మీర్ ఉగ్రవాద నేపథ్యం పాత సినిమాల్ని గుర్తు చేస్తాయి తప్ప అందులో కొత్తదనం లేదు. విమానంలో ఉగ్రవాదులు ఎవరనేది తెలిసినప్పటి నుంచి కథలో ఆకర్షణీయమైన సన్నివేశాలేవీ కనిపించవు. దాంతో మిగతా భాగమంతా సాదాసీదాగా అనిపిస్తుంది.
ఎవరెలా చేశారంటే: సిద్ధార్థ్ మల్హోత్రా మరోసారి తనలోని యాక్షన్ హీరోని తెరపై పూర్తిస్థాయిలో ఆవిష్కరించాడు. యాక్షన్ ఘట్టాల్లో ఆయన ప్రతిభ మెప్పిస్తుంది. భావోద్వేగాలు పండించడంలో ఫర్వాలేదనిపిస్తాడు. రాశీ ఖన్నా ప్రాధాన్యమున్న పాత్రలో కనిపిస్తుంది. మరో కథానాయిక దిశాపటానీ పాత్ర ప్రేక్షకుల్ని ఆశ్చర్యపరుస్తుంది. ఆమె చేసిన పోరాట ఘట్టాలు కూడా ఆకట్టుకుంటాయి. సన్నీ హిందూజా నెగెటివ్ షేడ్స్లో ఉన్న నటనని ప్రదర్శించాడు. రోనిత్ రాయ్ చేసింది చిన్న పాత్రే కానీ, గుర్తుండిపోతుంది. దర్శకులు సాగర్ ఆంబ్రే, పుష్కర్ ఓఝా మలుపులతో కూడిన కథనం రాసుకున్నప్పటికీ, ప్రధాన కథాంశంతో మాత్రం ప్రేక్షకులకు కొత్తదనాన్ని పంచలేకపోయారు. పోరాట ఘట్టాలు, మాటలు సినిమాకి ప్రధాన బలం. నిర్మాణం ఉన్నతంగా ఉంది.
- బలాలు
- + కథలో మలుపులు
- + సిద్ధార్థ్ మల్హోత్రా, రాశీఖన్నా
- + పోరాట ఘట్టాలు
- బలహీనతలు
- - కొత్తదనం లేని కథ
- - ఊహకు అందే సన్నివేశాలు
- చివరిగా: యోధ.. కొన్ని మలుపులతో థ్రిల్ చేస్తాడు..!
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే?