Boris Johnson: సునాక్ వద్దు... మరెవరినైనా ఎన్నుకోండి
బ్రిటన్ ప్రధాని ఎన్నికలో మాజీ ఆర్థిక మంత్రి రిషి సునాక్ను ఎలాగైనా ఓటమిపాలు చేయాలని తాత్కాలిక ప్రధాని బోరిస్ జాన్సన్ అంతర్గతంగా ప్రచారం చేస్తున్నట్టు సమాచారం. సునాక్ను తప్ప.. మరెవరినైనా బలపరచండని తన వర్గం ఎంపీలకు
మద్దతుదారులకు బోరిస్ జాన్సన్ ఉద్బోధ!
రిషి తనకు ద్రోహం చేశాడంటూ ప్రచారం...
లండన్: బ్రిటన్ ప్రధాని ఎన్నికలో మాజీ ఆర్థిక మంత్రి రిషి సునాక్ను ఎలాగైనా ఓటమిపాలు చేయాలని తాత్కాలిక ప్రధాని బోరిస్ జాన్సన్ అంతర్గతంగా ప్రచారం చేస్తున్నట్టు సమాచారం. సునాక్ను తప్ప.. మరెవరినైనా బలపరచండని తన వర్గం ఎంపీలకు జాన్సన్ సూచించినట్టు తెలుస్తోంది. తనపై అభియోగాలు రావడం, పలువురు మంత్రులు రాజీనామా చేయడంతో... అధికార కన్జర్వేటివ్ పార్టీకి చెందిన జాన్సన్ ఈనెల 7న ప్రధాని పదవికి రాజీనామా చేసిన సంగతి తెలిసిందే. అయితే- రిషి తనకు ద్రోహం చేశారని, ఆయన కారణంగానే సొంత పార్టీ నేతలు కూడా తనకు దూరమయ్యారని బోరిస్ ఆగ్రహంతో ఉన్నట్టు చెబుతున్నారు. తదుపరి ప్రధానిగా ఎవరు ఉండాలన్న విషయంలో తలదూర్చబోనని, బరిలో ఉన్న ఏ అభ్యర్థినీ బలపరచనని జాన్సన్ బహిరంగంగా వెల్లడించినా... సునాక్ ఎట్టి పరిస్థితుల్లోనూ ప్రధాని కాకూడదంటూ తన మద్దతుదారులతో ఆయన మంతనాలు సాగిస్తున్నట్టు ‘ద టైమ్స్’ కథనం పేర్కొంది. విదేశాంగమంత్రి లిజ్ ట్రస్ లేదంటే జాకబ్ రీస్, డోరిస్, పెన్నీ మోర్డాంట్లలో ఎవరో ఒకరికి మద్దతివ్వాలని ఆయన సూచించినట్టు తెలిపింది.
వ్యక్తిగత ద్వేషంతోనే..?
10 డౌనింగ్ స్ట్రీట్ రిషిని వ్యక్తిగతంగా ద్వేషిస్తోందని, బోరిస్ను పదవి నుంచి తప్పించేందుకు సునాక్ కొన్ని నెలలుగా ప్రయత్నాలు చేసినట్టు భావిస్తోందని టైమ్స్ కథనం పేర్కొంది. ‘‘సునాక్ను ఓడించేందుకు బోరిస్ పట్టుదలతో ఉన్నట్టు జరుగుతున్న ప్రచారం ఉత్తదే. అయితే, రిషి తనకు ద్రోహం చేశాడన్న బాధ మాత్రం ప్రధానికి ఉంది’’ అని ఆయన సన్నిహితుడొకరు వ్యాఖ్యానించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బైక్పై స్టంట్లు.. ‘స్పైడర్ మ్యాన్’ను అరెస్ట్ చేసిన పోలీసులు!
-
మాల్దీవుల జలాల్లోకి.. మళ్లీ చైనా పరిశోధక నౌక
-
యుద్ధాలు ఆపాలంటే ఇదొక్కటే మార్గం: పూరి జగన్నాథ్
-
అలెన్ హెర్బల్ కంపెనీలో భారీ అగ్ని ప్రమాదం
-
వృద్ధురాలి స్ఫూర్తి.. ఆక్సిజన్ సపోర్ట్తోనే పోలింగ్ కేంద్రానికి!