ఏపీలో మరో కొత్త రాజకీయ పార్టీ.. ప్రకటించిన విశ్రాంత ఐఏఎస్‌

గుంటూరు: ఏపీలో మరో కొత్త రాజకీయ పార్టీ తెరపైకి వచ్చింది. ‘లిబరేషన్‌ కాంగ్రెస్‌ పార్టీ’ని ఏర్పాటు చేసినట్టు విశ్రాంత ఐఏఎస్‌ అధికారి విజయ్‌ కుమార్‌ ప్రకటించారు. గుంటూరులోని నాగార్జున యూనివర్సిటీ ప్రాంగణంలో ఏర్పాటు చేసిన అధికజన మహాసంకల్ప సభలో ఆయన పార్టీ పేరును వెల్లడించారు.

‘‘జగన్‌.. పేదల కోసం యుద్ధం చేస్తా అంటున్నారు. పెత్తందార్లు దోచుకున్న భూములను పేదలకిచ్చి నిజాయితీ చాటుకోండి. దౌర్జన్యంగా లాక్కున్న వారికి ఆస్తులు చెందేలా చట్టాన్ని మార్చారు. సర్వే చేయించి అసలైన లబ్ధిదారులకు భూములు ఇవ్వాలి. అసుపత్రులకు వెళ్లలేక గిరిజన మహిళలు చనిపోతున్నారు’’ అని విజయ్‌ కుమార్‌ వ్యాఖ్యానించారు.