Bhatti Vikramarka: కేసీఆర్‌.. సభకు రాకుండా నల్గొండకు వెళ్తారా?: భట్టి

హైదరాబాద్‌: కృష్ణా జలాలపై అసెంబ్లీలో చర్చ చేపట్టి, తీర్మానం చేసి దిల్లీకి పంపుదామంటే.. ప్రధాన ప్రతిపక్ష నేత కేసీఆర్‌ సభకు రాలేదని డిప్యూటీ సీఎం భట్టి విక్రమార్క విమర్శించారు. అసెంబ్లీకి రాని వ్యక్తి.. మంగళవారం నల్గొండ సభకు వెళ్తారా? అని ప్రశ్నించారు. ఈఎన్‌సీ మురళీధర్‌రావును భారాస తమకు అనుకూలంగా మాట్లాడించిందని ఆరోపించారు. ఆయన రిటైరైనా పదేళ్లు భారాస సర్కారు కొనసాగించిందన్నారు. అసెంబ్లీలో కృష్ణా జలాలపై చర్చ సందర్భంగా భారాస ఎమ్మెల్యే హరీశ్‌ రావు సభను తప్పుదోవ పట్టిస్తున్నారని మండిపడ్డారు. ప్రభుత్వంలో భారాస ఏజెంట్లు చాలా మంది ఉన్నారని, వారిపై త్వరలోనే చర్యలు తీసుకుంటామని తెలిపారు.