Delhi: అరవింద్‌ కేజ్రీవాల్‌కు చేదు అనుభవం..!
దిల్లీ ముఖ్యమంత్రి అరవింద్‌ కేజ్రీవాల్‌ కు చేదు అనుభవం ఎదురైంది. లెఫ్టినెంట్‌ గవర్నర్‌ను కలిసేందుకు ముందస్తు అనుమతిని ఎల్జీ కార్యాలయం తిరస్కరించింది.
దిల్లీ: దిల్లీ ముఖ్యమంత్రి అర్వింద్‌ కేజ్రీవాల్‌, లెఫ్టినెంట్‌ గవర్నర్‌ వీకే సక్సేనా మధ్య అధికార పోరు తారస్థాయికి చేరింది. లెఫ్టినెంట్‌ గవర్నర్‌ను కలిసేందుకు సీఎం ముందస్తు అనుమతి కోరగా.. ఎల్జీ కార్యాలయం నిరాకరించినట్లు ఆమ్‌ ఆద్మీ పార్టీ (APP) వర్గాలు వెల్లడించాయి. అయితే, దీనిపై ఇప్పటి వరకు ఎల్జీ కార్యాలయం స్పందించలేదు. ఇటీవల చోటు చేసుకున్న పరిణామాలతోపాటు, పరిపాలన సంబంధిత అంశాలపై చర్చించేందుకు తన కార్యాలయానికి రావాల్సిందిగా ముఖ్యమంత్రి కేజ్రీవాల్‌కు లెఫ్టినెంట్‌ గవర్నర్‌ వీకే సక్సేనా (VK saksena) సోమవారం లేఖ రాశారు. ఆహ్వానం అందుకున్న కేజ్రీవాల్‌.. వీలు చూసుకొని కలుస్తానని, ఎప్పుడు కలుస్తానన్న విషయాన్ని ఎల్జీ కార్యాలయానికి సమాచారమిస్తానని తిరిగి లేఖ రాశారు. అయితే, దీనిపై సానుకూలంగా స్పందించని ఎల్జీ కార్యాలయం.. ముందస్తు అనుమతి ఇవ్వడం కుదరదని, వివిధ కార్యక్రమాలతో శుక్రవారం వరకు లెఫ్టినెంట్‌ గవర్నర్‌ చాలా బిజీగా ఉన్నారని చెప్పినట్లు తెలుస్తోంది.
గత కొన్ని నెలలుగా లెఫ్టినెంట్‌ గవర్నర్‌, కేజ్రీవాల్‌ ప్రభుత్వం మధ్య పొసగడం లేదు. ఇటీవల జరిగిన దిల్లీ మున్సిపల్‌ ఎన్నికలతో వీరిద్దరి మధ్య అధికార పోరు తీవ్రమైంది. మేయర్‌ను ఎన్నుకునే సమయంలో ప్రిసైడింగ్‌ ఆఫీసర్‌గా భాజపాకి చెందిన వ్యక్తిని నియమించడంతోపాటు, హజ్‌కమిటీ సభ్యుల ఎంపికలోనూ లెఫ్టినెంట్‌ గవర్నర్‌ వ్యవహరించిన తీరుపై కేజ్రీవాల్‌ అసహనంతో ఉన్నారు. స్థానిక ప్రభుత్వాన్ని పక్కకు నెట్టి కేంద్రానికి అనుకూలంగా వ్యవరిస్తున్నారని ఆప్‌ ఆరోపిస్తోంది. ఈ నేపథ్యంలో ఎల్జీ అనుమతి నిరాకరించడం ప్రాధాన్యత సంతరించుకుంది.
Trending
గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
30న తెనాలికి చంద్రబాబు
ఎన్నికల ప్రచారంలో భాగంగా ఈ నెల 30న తెదేపా అధినేత చంద్రబాబు గుంటూరు జిల్లా తెనాలి రానున్నారని జనసేన రాజకీయ వ్యవహారాల కమిటీ ఛైర్మన్, కూటమి నియోజకవర్గ అభ్యర్థి నాదెండ్ల మనోహర్ వెల్లడించారు. -
వైకాపా బాధితులకు న్యాయం చేయాలి
వైకాపా పాలనలో అన్యాయానికి గురైన బాధితులకు న్యాయం చేయాలని కోరుతూ శనివారం నుంచి నిరవధిక నిరాహార దీక్ష చేపట్టనున్నట్లు ఆదర్శ మహిళా మండలి అధ్యక్షురాలు కోవూరు శ్రీలక్ష్మి వెల్లడించారు. -
అమరవీరుల స్తూపాన్ని శుద్ధి చేసిన కాంగ్రెస్ నేతలు
ఉద్యమ సమయంలో విద్యార్థుల మరణాలకు కారణమైన మాజీ మంత్రి హరీశ్రావు అసెంబ్లీ ఎదురుగా ఉన్న గన్పార్కులోని అమరవీరుల స్తూపం వద్ద అడుగుపెట్టి మలినం చేశారంటూ కాంగ్రెస్ నేతలు ఆక్షేపించారు. -
పేదల అభ్యున్నతే భారాస లక్ష్యం
తెలంగాణ రాష్ట్ర సమితి.. భారత రాష్ట్ర సమితిగా పరిణతి చెంది.. రైతులు, శ్రామికులు, బడుగు బలహీన వర్గాలు, పేదల అభ్యున్నతే లక్ష్యంగా పోరాటం కొనసాగిస్తోందని ఆ పార్టీ కార్యనిర్వాహక అధ్యక్షుడు, మాజీ మంత్రి కేటీఆర్ తెలిపారు. -
కాంగ్రెస్లో కొనసాగుతున్న చేరికలు
కాంగ్రెస్లో చేరికలు కొనసాగుతున్నాయి. మాజీ మంత్రి సంభాని చంద్రశేఖర్ అసెంబ్లీ ఎన్నికల్లో సత్తుపల్లి టికెట్ ఆశించారు. -
సంక్షిప్త వార్తలు (8)
దేశవ్యాప్తంగా శుక్రవారం జరిగిన రెండోదశ లోక్సభ ఎన్నికల పోలింగు భాజపా సారథ్యంలోని ఎన్డీయేకు శుభసూచకమని, అధికార కూటమికి అపూర్వమైన మద్దతు లభించినట్లు ప్రధాని మోదీ తెలిపారు.
Powered By Margadarsi Computers
Contents of eenadu.net are copyright protected.Copy and/or reproduction and/or re-use of contents
or any part thereof, without consent of UEPL is illegal.Such persons will be prosecuted.
This website follows the DNPA Code of Ethics.
