సమస్యలు చెబితే ఎదురుదాడి ఎందుకు?:పెద్దిరెడ్డి

హైదరాబాద్‌: రైతులకు ఎలాంటి ఇబ్బందులు తలెత్తకుండా ప్రతి ధాన్యపు గింజనూ కొనుగోలు చేస్తామని సీఎం కేసీఆర్‌ చేసిన ప్రకటనలు.. క్షేత్రస్థాయిలో అమలు కావడం లేదని భాజపా నేత, మాజీ మంత్రి ఇనుగాల పెద్దిరెడ్డి ఆరోపించారు. భాజపా కార్యాలయంలో మాజీ మంత్రి విజయ రామారావుతో కలిసి నిర్వహించిన మీడియా సమావేశంలో ఆయన మాట్లాడారు. కోటి మెట్రిక్‌ టన్నుల ధాన్యాన్ని కొనుగోలు చేస్తామని ప్రకటించిన సీఎం.. దాన్ని అమలు చేయడం లేదని విమర్శించారు. భాజపా నేతలు రైతాంగ సమస్యలను ప్రభుత్వం దృష్టికి తీసుకెళ్తుంటే మంత్రులు ఎదురుదాడికి దిగుతున్నారని ఆగ్రహం వ్యక్తం చేశారు. విజయరామారావు మాట్లాడుతూ కరోనా నియంత్రణలో ప్రధాని మోదీ కృషి అభినందనీయమని కేసీఆర్‌ కీర్తిస్తుంటే మంత్రి కేటీఆర్‌, సహచర మంత్రులు తెరాస వల్లనే ఇదంతా సాధ్యమైందటూ అసత్య ప్రచారాలు చేస్తున్నారని విమర్శించారు. సొమ్ము దిల్లీది.. సోకు రాష్ట్ర ప్రభుత్వానిదిలా ఉందని వ్యాఖ్యానించారు.