Published : 01/07/2020 01:22 IST

ఏ ఒక్కరూ పస్తులతో నిద్రపోవద్దనే..

గరీబ్‌ కల్యాణ్‌ అన్న యోజన పొడగించిన మోదీ: జావడేకర్‌

దిల్లీ: దేశంలో ఏ ఒక్కరూ పస్తులతో పడుకోకుండా ప్రధానమంత్రి నరేంద్ర మోదీ చర్యలు తీసుకున్నారని కేంద్ర మంత్రి ప్రకాశ్‌ జావడేకర్‌ అన్నారు. ప్రధాన మంత్రి గరీబ్‌ కల్యాణ్‌ అన్న యోజన (పీఎంజీకేఏవై)ను నవంబర్‌ వరకు పొడగించడంపై ఆయన హర్షం వ్యక్తం చేశారు.

అన్‌లాక్‌ తొలి దశ ముగిసి రెండో దశలోకి అడుగుపెడుతున్న తరుణంలో ప్రధాని నరేంద్రమోదీ మంగళవారం జాతినుద్దేశించి ప్రసంగించారు. పండుగల సీజన్‌ ఆరంభమవ్వడం, కరోనా వైరస్‌ నుంచి విముక్తి లభించకపోవడంతో ఉచిత రేషన్‌ పథకాన్ని దీపావళి లేదా నవంబర్‌ వరకు పొడగిస్తున్నామని తెలిపారు. 80 కోట్ల మందికి 5 కిలోల బియ్యం, గోధుమలు, కిలో కందిపప్పు చొప్పున ఉచితంగా అందజేస్తామని ప్రకటించారు. ఇందుకోసం రూ.90వేల కోట్లు ఖర్చుచేయనున్నామని వెల్లడించిన సంగతి తెలిసిందే.

‘80 కోట్ల మంది ప్రజలు. అంటే 16 కోట్ల కుటుంబాలు. 25 కిలోల బియ్యం, 5 కిలోల పప్పు రాబోయే ఐదు నెలలు ఉచితంగా పొందుతారు. ప్రపంచంలో మరే దేశంలోనూ ఇలాంటి ఆహార భద్రతా పథకం లేదు. ఇది అందరి ఆహార అవసరాలను తీరుస్తుంది’ అని జావడేకర్‌ అన్నారు. ఈ పథకంతో దేశంలో ఎవ్వరూ ఆకలితో పస్తులుండరని ఆయన పేర్కొన్నారు. పీఎంజీకేఏవై పథకాన్ని పొడగించినందుకు ప్రధాని మోదీకి కృతజ్ఞతలు చెప్పాల్సిందేనన్నారు.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని