‘వైఎస్‌ఆర్‌ పదాన్ని వాడకుండా చూడండి’

ఎన్నికల  సంఘాన్ని కోరిన మహబూబ్‌ బాషా

దిల్లీ: యువజన శ్రామిక రైతు కాంగ్రెస్ పార్టీ పేరును వైఎస్‌ఆర్ కాంగ్రెస్ అని వాడుతున్నారని ఎన్నికల సంఘానికి అన్న వైఎస్సార్ కాంగ్రెస్ పార్టీ అధ్యక్షుడు మహబూబ్ బాషా ఫిర్యాదు చేశారు. వైఎస్‌ఆర్ అనే పదాన్ని ఇతర పార్టీ పేర్లలో వాడకుండా చూడాలని ఆయన ఎన్నికల సంఘాన్ని కోరారు. వైఎస్సార్ అనే పదంతో రిజిస్ట్రీ అయిన ఏకైక పార్టీ అన్న వైఎస్‌ఆర్‌ కాంగ్రెస్‌  బాషా తెలిపారు.

‘‘వైకాపా వారి అధికార పత్రాలపై పూర్తి పేరు వాడకుండా వైఎస్‌ఆర్ అని రాయడంపై ఎన్నికల సంఘం ఎదుట అభ్యంతరం వ్యక్తం చేశాం. ఇటీవల ఓ ఎంపీకి ఇచ్చిన షోకాజ్‌ నోటీసులో వైఎస్‌ఆర్‌ అని రాయడంతో అది మా పార్టీది అని కొందరు అనుకుంటున్నారు. వైఎస్‌ఆర్‌ అనే పదం ఇతర పార్టీలు వాడకూడదని ఎస్ఈసీ గతంలోనే చెప్పింది’’ అని మహబూబ్‌ బాషా తెలిపారు.