రిజర్వేషన్లు పెంచకుండా స్థానిక ఎన్నికలొద్దు

బీసీ సంక్షేమ సంఘం జాతీయ అధ్యక్షుడు జాజుల శ్రీనివాస్‌గౌడ్‌

ఖైరతాబాద్‌, న్యూస్‌టుడే: రాష్ట్రంలో బీసీల రిజర్వేషన్లు తేల్చిన తర్వాతే స్థానిక సంస్థల ఎన్నికలు నిర్వహించాలని బీసీ సంక్షేమ సంఘం జాతీయ అధ్యక్షుడు జాజుల శ్రీనివాస్‌గౌడ్‌ ప్రభుత్వాన్ని కోరారు. స్థానిక సంస్థల ఎన్నికల అనంతరం సమగ్ర కులగణన చేపట్టాలన్నారు. గురువారం సోమాజిగూడలోని ప్రెస్‌క్లబ్‌లో విలేకరులతో ఆయన మాట్లాడుతూ.. లోక్‌సభ ఎన్నికలు ముగిసినందున ఎన్నికల కమిషన్‌ అనుమతితో కులగణన ప్రారంభించాలన్నారు. బీసీ కులగణన, స్థానిక సంస్థల ఎన్నికలు, రిజర్వేషన్ల పెంపుపై సీఎంతో చర్చిస్తామన్నారు. సమావేశంలో బీసీ కులసంఘాల ఐకాస ఛైర్మన్‌ చిన్న శ్రీశైలం యాదవ్‌, బీసీ సంక్షేమ సంఘం రాష్ట్ర కార్యనిర్వాహక అధ్యక్షుడు కుల్కచర్ల శ్రీనివాస్‌ ముదిరాజ్‌, బీసీ మహిళా రాష్ట్ర అధ్యక్షురాలు మణిమంజరి, బీసీ జన సైన్యం రాష్ట్ర అధ్యక్షులు నగేశ్‌, సతీష్‌యాదవ్‌, శివాచారి, సంతోష్‌ పాల్గొన్నారు.