సిన్హాకు సంపూర్ణ మద్దతు: అక్బరుద్దీన్‌

ఈనాడు, హైదరాబాద్‌: యశ్వంత్‌ సిన్హాకు తమ పార్టీ సంపూర్ణ మద్దతు ఇస్తున్నట్లు మజ్లిస్‌ శాసనసభాపక్ష నేత అక్బరుద్దీన్‌ ఒవైసీ తెలిపారు. సీఎం కేసీఆర్‌, తెరాస ప్రజాప్రతినిధులతో భేటీ అనంతరం సిన్హా ఐటీసీ కాకతీయ హోటల్‌లో మజ్లిస్‌ ప్రజాప్రతినిధులతో సమావేశమయ్యారు. ఈ సందర్భంగా అక్బరుద్దీన్‌ తమ ఎమ్మెల్యేలు, ఎమ్మెల్సీలను పరిచయం చేశారు. రాష్ట్రపతి పదవికి యశ్వంత్‌ అన్ని విధాలా అర్హులని.. తమ ఓట్లు ఆయనకే వేస్తామని చెప్పారు. బెంగళూరు బయల్దేరిన యశ్వంత్‌కు ‘బేగంపేట’లో మంత్రులు కేటీఆర్‌, తలసాని, మహమూద్‌ అలీలు వీడ్కోలు పలికారు.