గిరిజనుల హక్కుల కోసం పోరాడుతూనే ఉంటాను

గిరిజనులకు అటవీభూములు, ఇతర వనరులపై ఉన్న హక్కుల పరిరక్షణకు కాంగ్రెస్‌ ఎల్లప్పుడూ పోరాటం చేస్తూనే ఉంది. కేంద్రంలోని మోదీ ప్రభుత్వం తనకు సన్నిహితులైన పెట్టుబడిదారులకు లబ్ధి చేకూర్చడానికి కొత్త నియమ నిబంధనల పేరుతో వారి హక్కులను లాక్కోవడానికి కుట్ర పన్నుతోంది. వారికి న్యాయం జరగడానికి నా చివరి శ్వాస వరకూ పోరాడుతాను.

- రాహుల్‌ గాంధీ

గాలిలో దీపంలా నియామక ప్రక్రియ

దేశంలో ఉద్యోగ నియామక ప్రక్రియ గాలిలో దీపంలా మారింది. దీంతో పోటీ పరీక్షలకు సిద్ధమవుతున్న విద్యార్థుల్లో తీవ్ర ఆందోళన నెలకొంది. యువత తమ జీవితంలో అత్యంత కీలకమైన సమయాన్ని నిరసనలు, కోర్టు కేసులతో కోల్పోతున్నారు. ఇప్పటికైనా ఉద్యోగాల కల్పనపై దృష్టిపెట్టకపోతే యువతతోపాటు దేశ భవిష్యత్తు కూడా అంధకారంలోకి పోతుంది.

- వరుణ్‌ గాంధీ

పెరుగుట విరుగుట కొరకే..

మోదీ ప్రభుత్వం మధ్యప్రదేశ్‌లో కమల్‌నాథ్‌ సర్కారును కూల్చివేసే ప్రయత్నాలకు ఆటంకం కలగకూడదనే ఉద్దేశంతోనే 2020 మార్చిలో లాక్‌డౌన్‌ను వాయిదా వేసింది. ఇప్పుడు బిహార్‌లో తమ సంకీర్ణ ప్రభుత్వం కూలిపోతోందని తెలిసే పార్లమెంటు సమావేశాలను షెడ్యూల్‌ కన్నా ముందే ముగించింది. పెరుగుట విరుగుట కొరకే.

- జైరాం రమేశ్‌