రేపు ఎన్టీఆర్‌ వర్ధంతి సందర్భంగా రక్తదాన శిబిరాలు: తెదేపా

ఈనాడు, హైదరాబాద్‌: ఎన్టీఆర్‌ వర్ధంతి సందర్భంగా ఈ నెల 18న(మంగళవారం) ఎన్టీఆర్‌ అమరజ్యోతి, లెజెండరీ రక్తదానం శిబిరం పేరుతో తెలంగాణవ్యాప్తంగా నిర్వహిస్తున్న కార్యక్రమాలను విజయవంతం చేయాలని తెలుగుదేశం రాష్ట్ర అధ్యక్షుడు బక్కని నర్సింహులు, పొలిట్‌బ్యూరో సభ్యుడు రావుల చంద్రశేఖరరెడ్డిలు పార్టీ శ్రేణులకు పిలుపునిచ్చారు. ఈ కార్యక్రమాలను కరోనా మార్గదర్శకాలను పాటిస్తూ చేపట్టాలని వారు ఒక ప్రకటనలో సూచించారు. ఎన్టీఆర్‌ ఘాట్‌ వద్ద, ఎన్టీఆర్‌ భవన్‌లో, రాష్ట్రవ్యాప్తంగా అన్ని నియోజకవర్గాల్లో ఎన్టీఆర్‌ విగ్రహాలకు పూలమాలలు వేసి ఘనంగా నివాళులు అర్పించనున్నట్లు పార్టీ మీడియా కార్యదర్శి ప్రకాశ్‌రెడ్డి తెలిపారు.