నోటుతో పాటు ఓటూ వేయండి

చేతికి సంకెళ్లతో ఫిరోజాబాద్‌ స్వతంత్ర అభ్యర్థి వినూత్న ప్రచారం

ఫిరోజాబాద్‌: ఉత్తర్‌ప్రదేశ్‌లోని ఫిరోజాబాద్‌ నియోజకవర్గం నుంచి పోటీ చేస్తున్న స్వతంత్ర అభ్యర్థి రాందాస్‌ మానవ్‌ వినూత్న రీతిలో ప్రచారం చేస్తూ ముందుకెళ్తున్నాడు. చేతులకు సంకెళ్లు వేసుకోవడంతో పాటు గిన్నెను పట్టుకొని ఓట్లు, నోట్లు అడుగుతూ ప్రచారం చేస్తున్నాడు. కూలీ కావడంతో ప్రచారం నిర్వహించేందుకు తన వద్ద డబ్బు లేదని.. అందుకే ఓట్లతో పాటు నోట్లు అడుగుతున్నానని రాందాస్‌ తెలిపారు. మూడోదశలో భాగంగా ఫిబ్రవరి 20 ఫిరోజాబాద్‌లో పోలింగ్‌ జరగనుంది. గాజుల వర్కర్ల యూనియన్‌ నేత అయిన రాందాస్‌.. గాజుల ఫ్యాక్టరీల్లో పని చేసే కార్మికులు దోపిడీకి గురవుతున్నారని తెలిపారు. కార్మికుల స్థితిగతులను మెరుగుపరిచేందుకే తాను ఎన్నికల బరిలోకి దిగినట్లు రాందాస్‌ పేర్కొంటున్నారు.