బుల్లి ట్రాక్టర్‌.. ఇంటర్‌ విద్యార్థి సృష్టి!

పంజాబ్‌కు చెందిన ఓ యువకుడు రూపొందించిన అతి చిన్న ట్రాక్టర్‌ అందరి దృష్టిని ఆకర్షిస్తోంది. చిన్నప్పటి నుంచి ట్రాక్టర్లు అంటే అమితమైన ఆసక్తి ఉన్న గుర్విందర్‌ అనే ఇంటర్‌ విద్యార్థి ఈమేరకు 3 అడుగుల ట్రాక్టర్‌ను తయారు చేశాడు. బఠిండాలోని ఓ రైతు కుటుంబంలో జన్మించిన గుర్విందర్‌ చిన్న చిన్న మోటర్లను ఉపయోగించి దీన్ని రూపొందించాడు. కొవిడ్‌ లాక్‌డౌన్‌ సమయంలో కేవలం రూ. 40 వేలతో దీన్ని తయారుచేసినట్లు తెలిపాడు. తాను రూపొందించిన ట్రాక్టర్‌ లీటరుకు 35 కి.మీ.ల మైలేజీ ఇస్తుందని, 4 క్వింటాళ్ల వరకు బరువును మోయగలదని చెబుతున్నాడు.