మద్యం మత్తులో యువతుల రచ్చ.. రేంజ్‌ రోవర్‌ కారును అతివేగంతో నడిపి..

రేంజ్‌రోవర్‌తో మరో కారును ఢీకొట్టడంతో వ్యక్తి మృతి

చండీగఢ్‌: హరియాణాలోని అంబాలాలో ఇద్దరు యువతులు మద్యం మత్తులో రచ్చ చేశారు. రేంజ్‌ రోవర్‌ కారును మితిమీరిన వేగంతో నడిపి ఓ వ్యక్తి మృతికి కారణమయ్యారు. అంబాలాలోని దిల్లీ-అమృత్‌సర్‌ జాతీయ రహదారిపై మోహ్డా ధాన్యం మార్కెట్‌ వద్ద శనివారం ఈ ఘటన చోటుచేసుకుంది. రోడ్డుపక్కన ఆగి ఉన్న కారును యువతులు ఢీకొట్టడంతో.. అందులో ఉన్న మోహిత్‌ శర్మ (39) అనే వ్యక్తి మరణించారని, ఆయన భార్య దీప్తి, ఇద్దరు కుమార్తెలు గాయపడ్డారని పోలీసులు తెలిపారు. ఘటనా స్థలానికి చేరుకున్న ఓ ఎస్సై పైనా యువతులు చేయిచేసుకున్నారని వెల్లడించారు.