CA: 2018 ఘటన కంటే ముందే బాల్ టాంపరింగ్కు సీఏ ప్రతినిధులు అనుమతిచ్చారు: జేమ్స్
ఆసీస్ ఆటగాడు డేవిడ్ వార్నర్ మేనేజర్ జేమ్స్ ఎర్స్కిన్ సంచలన వ్యాఖ్యలు చేశాడు. బాల్ టాంపరింగ్ వ్యవహారంలో వార్నర్ను విలన్ చేశారని ఆరోపించాడు. అలాగే సీఏ ప్రతినిధులు కూడా టాంపరింగ్కు అనుమతి ఇచ్చారని పేర్కొన్నాడు.
ఇంటర్నెట్ డెస్క్: ఆసీస్ స్టార్ బ్యాటర్ డేవిడ్ వార్నర్, స్టీవ్ స్మిత్ బాల్ టాంపరింగ్ వ్యవహారం మరోసారి చర్చకు దారితీసింది. సాండ్పేపర్ గేట్గా పిలిచే స్కాంలో వారిద్దరూ నిషేధం ఎదుర్కొని మరీ వచ్చిన సంగతి తెలిసిందే. 2018లో దక్షిణాఫ్రికాతో కేప్టౌన్ వేదికగా బాల్ టాంపరింగ్కు పాల్పడ్డారని స్మిత్, వార్నర్పై వేటు పడింది. తాజాగా డేవిడ్ వార్నర్ మేనేజర్ జేమ్స్ ఎర్స్కిన్ సంచలన వ్యాఖ్యలు చేశాడు. బాల్ టాంపరింగ్ చేసేందుకు ఆటగాళ్లను క్రికెట్ ఆస్ట్రేలియా ప్రతినిధులు అనుమతి ఇచ్చారని ఆరోపించాడు.
‘‘2018లో బాల్ టాంపరింగ్ సంఘటన జరగకముందే ఇలా చేయడానికి క్రికెట్ ఆస్ట్రేలియా ప్రతినిధులు అనుమతి ఇచ్చారు. 2016లో హోబర్ట్ వేదికగా దక్షిణాఫ్రికాతో ఆసీస్ టెస్టు మ్యాచ్ ఆడింది. ఆ మ్యాచ్లో ఆసీస్ ఓడింది. దీంతో డ్రెస్సింగ్ రూమ్లో ఉన్న ఇద్దరు సీనియర్ ఎగ్జిక్యూటివ్లు ఆటగాళ్లను చీవాట్లు పెట్టారు. ‘అప్పుడు బంతిని రివర్స్ స్వింగ్ చేయడమే ఏకైక మార్గం ఉంది. అందుకోసం టాంపరింగ్ చేయాలి’ అని వార్నర్ అనడంతో ‘అదే చేసేయండి’ అంటూ ఆ సీనియర్ ఎగ్జిక్యూటివ్లు చెప్పారు. అయితే వారికి సీఏ అనుమతి ఉందో లేదో నేను చెప్పలేను. కానీ వార్నర్ మాత్రం క్రికెట్ ఆస్ట్రేలియాను కాపాడాడు. అలాగే మిగతా క్రికెటర్లను కూడా రక్షించాడు. ఏదైనా జరిగితే ఎవరూ కూడా కారణాలను వినడానికి ఆసక్తి చూపరని తెలుసు. చివరికి ఇప్పుడు వార్నర్ను పెద్ద విలన్గా చిత్రీకరించారు’’ అని ఆరోపించాడు. అయితే ఎర్స్కిన్ వ్యాఖ్యలపై క్రికెట్ ఆస్ట్రేలియా స్పందించలేదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
శ్రీలీల సమ్మర్ షో.. అరియానా హాట్ ‘గ్లో’
-
టీచర్ను కొట్టిన ప్రిన్సిపల్.. వీడియో వైరల్
-
ఫ్రీగా ఇస్తాం.. ఈ విల్లా తీసుకోండి..!
-
నిద్రపోయిన స్టేషన్ మాస్టర్.. నిలిచిపోయిన ఎక్స్ప్రెస్ రైలు!
-
కొనసాగుతున్న లేఆఫ్లు.. 4 నెలల్లో 80 వేల మంది ఉద్యోగులపై వేటు
-
మనీ స్వైపింగ్ స్కామ్.. బ్యాంక్ మెసేజ్లతో కొత్త మోసం!