Fixing : బ్రెండన్.. ఓ వ్యాపారి.. ఫిక్సింగ్!
ఫిక్సింగ్ భూతం మళ్లీ కలకలం రేపుతోంది. స్పాట్ ఫిక్సింగ్ కోసం ఓ భారత వ్యాపారి తనను సంప్రదించడం గురించి ఐసీసీకి ఆలస్యంగా సమాచారమిచ్చినందుకు తనపై నిషేధం పడబోతోందని జింబాబ్వే మాజీ కెప్టెన్ బ్రెండన్ టేలర్
దిల్లీ: ఫిక్సింగ్ భూతం మళ్లీ కలకలం రేపుతోంది. స్పాట్ ఫిక్సింగ్ కోసం ఓ భారత వ్యాపారి తనను సంప్రదించడం గురించి ఐసీసీకి ఆలస్యంగా సమాచారమిచ్చినందుకు తనపై నిషేధం పడబోతోందని జింబాబ్వే మాజీ కెప్టెన్ బ్రెండన్ టేలర్ స్వయంగా వెల్లడించాడు. ఆ వ్యాపారితో సమావేశం సందర్భంగా తెలివి తక్కువతనంతో కొకైన్ తీసుకున్నానని, దాన్ని అడ్డంపెట్టుకుని తనను బ్లాక్మెయిల్ చేశారని చెప్పాడు. తాను బుకీల వలలో ఎలా పడ్డాడో.. ట్విట్టర్లో ఉంచిన ప్రకటనలో వివరించాడు బ్రెండన్. స్పాన్సర్షిప్స్, జింబాబ్వేలో టీ20 లీగ్ ప్రారంభం గురించి చర్చించడానికని ఓ వ్యాపారి 2019 అక్టోబరులో తనను భారత్కు పిలిచాడని అతడు తెలిపాడు.‘‘ఆ వ్యాపారితో సమావేశం సందర్భంగా అంతా మద్యం సేవించాం. వాళ్లు నాకు కొకైన్ అందించారు. వాళ్లూ తీసుకునే ఉన్నారు. తర్వాతి రోజు వాళ్లు నా హోటల్ గదిలోకి దూసుకొచ్చి.. అంతకుముందు రాత్రి నేను కొకైన్ తీసుకుంటుండగా తీసిన వీడియోను చూపించారు. తమ కోసం అంతర్జాతీయ క్రికెట్లో స్పాట్ ఫిక్సింగ్ చేయకపోతే వీడియోను జనాలకు చేరేలా చేస్తామని బెదిరించారు. నేను దిక్కుతోచని స్థితిలో పడ్డా. నా హోటల్ గదిలో వాళ్లు ఆరుగురు ఉండడంతో చాలా భయమేసింది. స్పాట్ ఫిక్సింగ్ కోసం వాళ్లు నాకు 15 వేల డాలర్లు ఇచ్చారు. పని పూర్తి చేశాక మరో 20 వేల డాలర్లు ఇస్తామని చెప్పారు. ముందు విమానమెక్కి భారత్ నుంచి బయటపడొచ్చనుకుని ఆ డబ్బు తీసుకున్నా. ఆ సమయంలో నాకు మరో మార్గం లేదు. తిరస్కరించే అవకాశమే లేదు’’ అని బ్రెండన్ వివరించాడు. ఆ ఘటన జరిగిన నాలుగు నెలల తర్వాత దాని గురించి ఐసీసీకి చెప్పాలని బ్రెండన్ నిర్ణయించుకున్నాడు. అయితే తానెప్పుడూ ఫిక్సింగ్ చేయలేదని బ్రెండన్ స్పష్టం చేశాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్