సెమీస్‌లో మాళవిక

ఒడిషా ఓపెన్‌ బ్యాడ్మింటన్‌

కటక్‌: ఒడిషా ఓపెన్‌ బ్యాడ్మింటన్‌ టోర్నీలో భారత యువ క్రీడాకారిణి మాళవిక బాన్సోద్‌ సెమీఫైనల్లోకి దూసుకెళ్లింది. శుక్రవారం జరిగిన మహిళల సింగిల్స్‌లో క్వార్టర్‌ఫైనల్లో మాళవిక 21-13, 16-21, 21-17తో తాన్య హేమంత్‌పై విజయం సాధించింది. ఉన్నతి హుడా 21-10, 21-15తో సామియా ఇమాద్‌ ఫారూఖీపై, అష్మిత చాలిహ 21-17, 21-15తో రుచా సావంత్‌పై, స్మిత్‌ తోష్నివాల్‌ 8-21, 21-9, 21-14తో ఇషిక జైశ్వాల్‌ (అమెరికా)పై నెగ్గి సెమీస్‌ చేరుకున్నారు. పురుషుల సింగిల్స్‌ క్వార్టర్స్‌లో మూడో సీడ్‌ శుభంకర్‌ డేకు కిరణ్‌ జార్జ్‌ షాకిచ్చాడు. కిరణ్‌ 21-16, 10-21, 21-19తో శుభంకర్‌పై గెలిచాడు. కౌశల్‌ ధర్మేందర్‌ 14-21, 21-18, 21-18తో అభ్యాంష్‌పై, ప్రియాంషు రజావత్‌ 13-21, 21-14, 21-8తో మిథున్‌ మంజునాథ్‌పై, అన్షల్‌ యాదవ్‌ 21-15, 23-21తో తరుణ్‌ మన్నెపల్లిపై గెలుపొంది సెమీస్‌లో అడుగుపెట్టారు. మహిళల డబుల్స్‌ క్వార్టర్స్‌లో గాయత్రి గోపీచంద్‌ పుల్లెల- ట్రీసా జాలీ జోడీ 21-7, 21-3తో వైష్ణవి- ఎల్లోరా జంటపై నెగ్గింది.