పెరుగుతున్న చలి

ఈనాడు, హైదరాబాద్‌: రాష్ట్రంలో మళ్లీ చలి తీవ్రత క్రమంగా పెరుగుతోంది. తూర్పు, ఆగ్నేయ భారత ప్రాంతాల నుంచి తెలంగాణ వైపు తక్కువ ఎత్తులో గాలులు వీస్తున్నాయి. ఆదివారం తెల్లవారుజామున అత్యల్పంగా సోనాల(ఆదిలాబాద్‌ జిల్లా)లో 12.7 డిగ్రీల ఉష్ణోగ్రత నమోదైంది. శనివారం రాత్రి నుంచి ఆదివారం రాత్రి వరకూ కొన్ని ప్రాంతాల్లో వర్షాలు కురిశాయి. అత్యధికంగా నూతనకల్‌(సూర్యాపేట జిల్లా)లో 7 సెంటీమీటర్లు, సరూర్‌నగర్‌(హైదరాబాద్‌)లో 6, మోతె(సూర్యాపేట)లో 3 సెంటీమీటర్ల వర్షం కురిసింది. ఉదయం పూట కొన్ని ప్రాంతాల్లో దట్టమైన పొగమంచు కురుస్తోంది. సోమవారం నుంచి పగటిపూట పొడి వాతావరణం ఉంటుంది.