ట్విటర్ ప్రత్యామ్నాయాలివీ?
ట్విటర్ను ఎలాన్ మస్క్ కొనటం.. కొత్త మార్పులకు శ్రీకారం చుట్టటం.. బ్లూ టిక్ కోసం సబ్స్క్రిప్షన్ ప్రవేశ పెట్టటం.. పెద్ద ఎత్తున ఉద్యోగులను తొలగించటం వంటి పరిణామాలను చూస్తూనే ఉన్నాం.
ట్విటర్ను ఎలాన్ మస్క్ కొనటం.. కొత్త మార్పులకు శ్రీకారం చుట్టటం.. బ్లూ టిక్ కోసం సబ్స్క్రిప్షన్ ప్రవేశ పెట్టటం.. పెద్ద ఎత్తున ఉద్యోగులను తొలగించటం వంటి పరిణామాలను చూస్తూనే ఉన్నాం. కొందరు దీన్ని బాహాటంగానే విమర్శిస్తున్నారు. చిన్న వాక్యాల్లోనే సందేశాన్ని అందించే ట్విటర్ నుంచి వైదొలగుతున్నారు కూడా. అమెరికాలో ఇటీవల ఒక పెద్ద సెలబ్రిటీ ట్విటర్ను వీడటం చర్చనీయాంశంగానూ మారింది. మరి ట్విటర్కు ప్రత్యామ్నాయ మార్గాలేవైనా ఉన్నాయా? లేకేం..
మాస్టడాన్
ఇదో ఓపెన్ సోర్స్ మైక్రోబ్లాగింగ్ పర్వీస్. కొత్తదేమీ కాదు. యూజెన్ రోఖో 2016లోనే దీన్ని సృష్టించారు. తాజా పరిణమాల నేపథ్యంలో ట్విటర్కు సరైన ప్రత్యామ్నాయంగా బాగా ప్రాచుర్యం పొందుతోంది. మాస్టడాన్ కేంద్రీయ పద్ధతిలో ఉండదు. వివిధ స్వతంత్ర, యూజర్ మేనేజ్డ్ సర్వర్లతో పనిచేస్తుంది. దీన్ని ట్విటర్ మాదిరిగానే వాడుకోవచ్చు. ఇతరులను ట్యాగ్ చేయొచ్చు. మీడియాను షేర్ చేసుకోవచ్చు. ఇతరుల ఖాతాలనూ ఫాలో కావొచ్చు. ఇప్పటికే పెద్ద పెద్ద సెలబ్రిటీలు ఇందులో జాయిన్ అయ్యారు.
కూ
ఇది మనదేశానికి చెందిన మైక్రో బ్లాగింగ్ సంస్థ. కొవిడ్-19 మహమ్మారి విజృంభించిన సమయలో పురుడు పోసుకుంది. ఇప్పటికే ఈ యాప్ను 5 కోట్లకు పైగా మంది డౌన్లోడ్ చేసుకున్నారు. మొత్తం 10 భాషల్లో అందుబాటులో ఉంది. అభిప్రాయాలను కలబోసుకోవటమే కాదు.. తాజా వార్తలపై చర్చలు, వ్యక్తిగత సమాచారం అప్డేట్లు, అత్యంత ఆసక్తికరమైన రోజువారీ అంశాలను పంచుకోవటం వంటివీ చేయొచ్చు. సెలబ్రిటీలు, ఇతరుల ఖాతాలను ఫాలో కావొచ్చు. ఇతరులతో ఛాట్ చేయొచ్చు కూడా.
టంబ్లర్
నిజానికి దీన్నొక బ్లాగ్ అనుకోవచ్చు. కానీ ఇతరులను అనుసరించటానికి, వారి తాజా పోస్టులను చూడటానికీ వీలు కల్పిస్తుంది. తమ టెక్స్ట్, ఫొటో లేదా జిఫ్లను జోడించి సొంత విషయాలూ పోస్ట్ చేసుకోవచ్చు. టంబ్లర్లో సుమారు 53 కోట్ల బ్లాగులున్నాయి. తమ అంశాలు ఏ సమయంలో పోస్ట్ కావాలో కూడా నిర్ణయించుకోవచ్చు. ట్యాగ్స్ను జోడించుకోవటం ద్వారా ఆయా అంశాలకు సంబంధించిన పోస్ట్లను వినియోగదారులకు చేరువయ్యేలా చూసుకోవచ్చు.
కౌంటర్ సోషల్
దీన్ని నిజంగానే మంచి మైక్రోబ్లాగింగ్ సైట్ అనుకోవచ్చు. ఎందుకంటే ఇది ట్రోల్స్ను అనుమతించదు. వేధింపులు, ప్రకటనలు, నకిలీ వార్తలూ ఉండవు. బాట్ ఖాతాలు, అసత్య సమాచార నెట్వర్క్లను పూర్తిగా పక్కన పెట్టిన మొట్టమొదటి సామాజిక వేదిక ఇదే. ఈ యాప్ రష్యా, చైనా, ఇరాన్, ఉత్తర కొరియా, పాకిస్థాన్, సిరియా వంటి దేశాలను నిషేధించింది కూడా.
బ్లూస్కై
ఇది ట్విటర్ వ్యవస్థాపకుడు జాక్ డోర్సే ప్రారంభించిన సామాజిక వేదిక. ఆయన దీన్ని 2019లో ఆరంభించారు. ఇందులో 30వేల మందికి పైగా చేరారు. ప్రస్తుతానికి బీటా పరీక్షల కోసమే వినియోగదారులకు అనుమతి ఇస్తున్నారు. ట్విటర్ను మస్క్ చేజిక్కించుకున్నాక చాలామంది స్వచ్ఛందంగా దాన్నుంచి వైదొలుగుతున్నారు. వీరికి బ్లూస్కై మంచి ప్రత్యామ్నాయంగా కనిపిస్తోంది.
క్లబ్హౌజ్
కొవిడ్ విజృంభణ సమయంలో విడుదలైన ఇది ప్రధానంగా ఆడియో కేంద్రీకృత యాప్. ఇందులో ప్రత్యేకమైన ఛాట్ రూమ్లు ఉంటాయి. వీటిల్లో ఎవరైనా చేరి బృందాలుగా ఏర్పడొచ్చు. ప్రపంచంలో ఎక్కడ ఉన్నా సరే. దీంతో ఇతరులతో కలిసి మాట్లాడుకోవచ్చు. వారు చెప్పేది వినొచ్చు. కొత్త విషయాలు నేర్చుకోవచ్చు. ట్యాబ్లెట్లు, స్మార్ట్ఫోన్లలో అందుబాటులో ఉంటుంది.
రెడిట్
ఇది చాలా ఆదరణ పొందిన వెబ్సైట్. నిజానికి దీన్ని ట్విటర్తో పోల్చలేం. పనితీరు పూర్తిగా భిన్నం. దీని ద్వారా ఆయా అంశాలపై ఆసక్తి గల వ్యక్తులతో చర్చలు జరపొచ్చు. వాటి గురించి తెలుసుకోవచ్చు.
కోహోస్ట్
ఇదింకా పూర్తిస్థాయిలో విడుదల కాలేదు. బీటా వర్షన్ మాత్రమే అందుబాటులో ఉంది. ఇది దాదాపు ట్విటర్ మాదిరిగానే పనిచేస్తుంది. తాము ఫాలో అయ్యేవారి పోస్టులను చూడటానికి వీలు కల్పిస్తుంది. ప్రకటనలు ఉండవు. ట్రాకింగ్ కూడా ఉండదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
స్పామ్ కాల్స్ బెడద పోవాలంటే?
రోజురోజుకీ అవాంఛిత స్పామ్ కాల్స్ బెడద ఎక్కువవుతోంది. ప్రచారం, ఫిషింగ్, మాల్వేర్ వ్యాప్తి, మోసాల కోసం పెద్దఎత్తున వీటిని వాడుకుంటారు. అనుకోకుండా వీటికి సమాధానం ఇస్తే మనం అసలు వ్యక్తులమేనని మోసగాళ్లు గుర్తిస్తారు కూడా. -
సైబర్ ఘోరం!
డెస్క్టాప్, ల్యాప్టాప్, మొబైల్ ఫోన్లు, ట్యాబ్లెట్లు.. ఇలా అన్ని పరికరాలతో అంతర్జాలాన్ని రోజూ వాడుకుంటూనే ఉంటాం. దీని వాడకం పెరుగుతున్నకొద్దీ సైబర్ దాడుల సంఖ్యా ఎక్కువవుతూ వస్తోంది. -
అనుచిత యాడ్స్ క్లిక్ చేయొద్దు!
కస్టమర్ సర్వీస్ నంబర్లు, ఆసుపత్రులు, సాఫ్ట్వేర్స్, యాప్స్.. ఇలా ఎన్నో అవసరపడుతుంటాయి. గూగుల్ సెర్చ్లో వీటి కోసం తరచూ వెతుకుతూనే ఉంటాం. మనమే కాదు.. సైబర్ నేరగాళ్లు, హ్యాకర్లు కూడా ఇదే పనిలో ఉంటారు. -
ప్రొఫైల్ గోప్యంగా..
సామాజిక మాధ్యమాల్లో ప్రొఫైల్ను భద్రంగా కాపాడుకోవటం చాలా చాలా ముఖ్యం. క్రీడాకారులు, సినీ నటులు, నాయకుల వంటి ఆదరణ పొందిన, ప్రజలతో సంబంధం గలవారంటే ఏమో అనుకోవచ్చు. -
వాట్సప్ కొత్త ఫీచర్లు
వాట్సప్ పలు కొత్త ఫీచర్లను ప్రవేశ పెట్టటం మీద దృష్టి సారించింది. మీడియా అప్లోడ్ క్వాలిటీ, కమ్యూనిటీ గ్రూపుల కోసం ఈవెంట్ రిమైండర్స్, ఏఐ ఆధారిత ఇమేజెస్, ఛానల్ ఫార్వర్డింగ్ వంటివి వీటిల్లో ఉన్నాయి -
వెబ్ పేజీలు త్వరగా లోడ్ కావాలంటే?
అత్యవసరంగా ఫోన్లో ఏదో వెబ్సైట్ను క్లిక్ చేస్తాం. కానీ అది ఎంతకీ ఓపెన్ కాకపోతే? బాగా చికాకు కలుగుతుంది. గుండ్రంగా తిరుగుతూ ఉండే చక్రాన్ని చూడటం ఎవరికైనా ఇబ్బందే. -
నోటి మాటతోనే ఎమోజీ జత
నోటి మాటను రాత రూపంలోకి మార్చే ప్రక్రియ (వాయిస్ డిక్టేషన్) ఇటీవల బాగా అభివృద్ధి చెందింది. కానీ ఈ ఫీచర్ వాడకం పరిమతమే. ముఖ్యంగా కొన్ని యాసలు అర్థం చేసుకోవటంలో టూల్స్ ఇబ్బంది పడుతుంటాయి. -
వావ్.. జీపీటీ-4ఓ!
ఓపెన్ ఏఐ సంస్థ ఇటీవల అధునాతన లార్జ్ లాంగ్వేజ్ మోడల్(ఎల్ఎల్ఎం)ను పరిచయం చేసింది. దీని పేరు జీపీటీ-4ఓ. ఛాట్జీపీటి ద్వారా దీన్ని ఎవరైనా వాడుకోవచ్చు. జీపీటీ-4 కన్నా ఎక్కువ సామర్థ్యాలు గల దీనిలోని కొన్ని ఫీచర్లేంటో చూద్దాం. -
పాస్వర్డ్కు పరీక్ష
ఆన్లైన్ ఖాతాలకు పాస్వర్డే శ్రీరామరక్ష. మరి పాస్వర్డ్ బలంగా ఉందో, బలహీనంగా ఉందో అనేది తెలుసుకోవటమెలా? ఇందుకు బోలెడన్ని యాప్స్, వెబ్సైట్స్ అందుబాటులో ఉన్నాయి. -
ఆ నంబర్లకూ వాట్సప్ మెసేజ్
వాట్సప్లో మన ఫోన్లో సేవ్ అయిన కాంటాక్టులకే మెసేజ్లు, ఫొటోలు, డాక్యుమెంట్ల వంటివి పంపటానికి వీలుంటుంది. -
జీమెయిల్ జిందగీ
స్మార్ట్ఫోన్లు మన జీవితంలో విడదీయలేని భాగంగా మారిపోయాయి. వ్యక్తిగత పనులకే కాదు.. ఉద్యోగ, వృత్తి అవసరాలకూ తప్పనిసరయ్యాయి. -
ఆడియో ఎమోజీ!
ఎమోజీలనగానే బుల్లి బుల్లి బొమ్మలే గుర్తుకొస్తాయి. మరి ఆడియో రూపంలో ఉంటే? గూగుల్ ఫోన్ వీటిని కొత్తగా పరిచయం చేసింది. -
యూట్యూబ్ స్క్రీన్షాట్ ఇలా..
యూట్యూబ్లో ఏదో వీడియో చూస్తుంటాం. ఒక సన్నివేశం బాగా నచ్చొచ్చు. లెక్కల వంటి పాఠాలు చూస్తున్నప్పుడు వాటిని వెంటనే నోట్ చేసుకోలేకపోవచ్చు. -
వాట్సప్ ఛాట్ ఫిల్టర్
వాట్సప్ గత కొన్నిరోజులుగా గోప్యతను కాపాడుతూనే ఎన్నో వినూత్న ఫీచర్లు పరిచయం చేస్తోంది. ఎక్కువ మందికి మెటా ఏఐని అందుబాటులోకి తేవటం దగ్గరి నుంచి యాప్ నుంచే బస్ టికెట్లు కొనుక్కోవటానికి వీలు కల్పించటం వరకూ ఎన్నో సదుపాయాలను ఆరంభించింది. -
సైన్ఇన్ లేకుండానే ఛాట్జీపీటీ
ఛాట్జీపీటీని వాడుకోవాలంటే ముందు సైన్ఇన్ కావాల్సి ఉంటుంది. పాస్వర్డ్ను మరచిపోవటం వంటి సందర్భాల్లో ఇది కష్టంగా అనిపిస్తుంటుంది. -
ఎక్స్లో కమ్యూనిటీ నోట్స్
ఎన్నికలకు సన్నద్ధం అవుతున్న తరుణంలో ఎక్స్ (ట్విటర్) మనదేశంలో కమ్యూనిటీ నోట్స్ను అందుబాటులోకి తెచ్చింది. ఈ ఫీచర్కు కంట్రిబ్యూట్ చేయటానికి కొత్తవారికీ ఆహ్వానం పలికింది -
వైఫై పాస్వర్డ్ మరిచారా?
ఇంటికి వచ్చిన అతిథులో, పరిచయం ఉన్నవారో వైఫై పాస్వర్డ్ అడుగుతుంటారు. చాలాసార్లు అదేంటో గుర్తుకురాదు. మరెలా? చేతిలో ఫోన్ ఉంటే ఇట్టే తెలుసుకోవచ్చు. ఐఫోన్ వాడేవారైతే- సెటింగ్స్ ద్వారా వైఫై విభాగంలోకి వెళ్లాలి. -
సైబర్ నేరాలకు చక్షు కళ్లెం
మోసపూరిత కాల్స్, మెసేజ్ల వంటి సైబర్ నేరాలను అరికట్టటానికి టెలికం విభాగం కొత్త పోర్టల్ను పరిచయం చేసింది. సంచార్ సాథీ కార్యక్రమంలో భాగంగా తీసుకొచ్చిన దీని పేరు చక్షు. -
యాపిల్ పాడ్కాస్ట్లు అక్షరాల్లో..
పాడ్కాస్ట్లు ఎంత పాపులర్ అవుతున్నాయో చూస్తూనే ఉన్నాం. దీన్ని దృష్టిలో పెట్టుకునే యాపిల్ సంస్థ పాడ్కాస్ట్లను మరింత విస్తృతంగా అందుబాటులోకి తేవటానికి, వాటిల్లోని అంశాలను, విషయాలను తేలికగా కనుక్కోవటానికి ఓ వినూత్న ఫీచర్ను ప్రవేశపెట్టింది -
ఫొటోతోనే వీడియో..
షేక్స్పియర్ స్వగతాన్ని మోనాలిసా పాట రూపంలో పాడితే? అదెలా సాధ్యమని ఆశ్చర్యపోకండి. కృత్రిమ మేధ(ఏఐ)తో ఇలాంటి అద్భుతాలు ఎన్నయినా చేయొచ్చు -
చిటికెలో వెబ్సైట్
కొద్ది నిమిషాల్లో వెబ్సైట్ను సృష్టించుకోవాలని అనుకుంటున్నారా? అయితే విక్స్ ఏఐ వెబ్సైట్ బిల్డర్ సాయం తీసుకోవచ్చు. ఇది ఏఐ ఛాట్బాట్ సాయంతో సెకండ్లలోనే వెబ్సైట్ను తయారుచేస్తుంది మరి.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
రైలుబండి.. దొంగలున్నారు జాగ్రత్తండీ
-
ఆటల్లో మనమెక్కడ?ఐదేళ్ల వైకాపా పాలనలో క్రీడలపై తీవ్ర నిర్లక్ష్యం
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి
-
గుడిమెట్ల కొండల్లో వజ్రాల వేట
-
ప్రాణాలతో స్వదేశానికి వస్తానని అనుకోలేదు: గల్ఫ్ బాధితుడు వీరేంద్రకుమార్
-
పేదలకు ఇళ్లు కట్టిస్తానని టోకరా.. ఎమ్మెల్యేనే బురిడీ కొట్టించిన నిందితుడి అరెస్టు