‘అంచనాల’ రూపకల్పనలోసంస్కరణలపై కసరత్తు

ఈనాడు, హైదరాబాద్‌: ప్రాజెక్టులు, నిర్మాణాల అంచనాల రూపకల్పనలో సంస్కరణలు చేపట్టేందుకుశాఖలు కసరత్తు  ప్రారంభించాయి. నీటిపారుదలశాఖ ప్రత్యేక ప్రధాన కార్యదర్శి రజత్‌కుమార్‌ నేతృత్వంలో ఆర్థిక శాఖ ప్రత్యేక ప్రధాన కార్యదర్శి రామకృష్ణారావుతోపాటు పంచాయతీరాజ్‌, రోడ్లు-భవనాలు, పురపాలక, పట్టణాభివృద్ధి శాఖలు, హెచ్‌ఎండీఏ కార్యదర్శులు, ఈఎన్‌సీలు గురువారం సమావేశమయ్యారు. ప్రభుత్వం చేపడుతున్న నిర్మాణాల అంచనాల ప్రతిపాదనల్లో విద్యుత్‌, ఇతరత్రా సామగ్రి ధరలు పెరిగితే ఆ ప్రభావం మొత్తం అంచనాలపై కనిపిస్తోందని, దీని విషయంలో తీసుకురావాల్సిన మార్పులపై చర్చ జరిగినట్లు తెలిసింది.