ప్రధాని వ్యాయామ శిక్షకుడిగా మంచిర్యాల వాసి

మంచిర్యాల క్రీడావిభాగం, న్యూస్‌టుడే: ప్రధాని నరేంద్రమోదీ రాష్ట్ర పర్యటనలో భాగంగా మూడ్రోజుల పాటు హైదరాబాద్‌లోనే బస చేస్తుండగా ఆయనకు ప్రత్యేక వ్యాయామ శిక్షకుడిగా మంచిర్యాల పట్టణానికి చెందిన గడప రాజేష్‌ నియమితులయ్యారు. ఈ నెల 2 నుంచి 4వరకు ట్రెడ్‌మిల్‌, జిమ్‌ సైకిల్‌ సాధనకు శిక్షకుడిగా వ్యవహరించనున్నారు. ఈ మేరకు గురువారం తెలంగాణ క్రీడాప్రాధికార సంస్థ నుంచి ఉత్తర్వులు వచ్చాయి. ప్రస్తుతం అతను హైదరాబాద్‌లోని జింఖానా మైదానంలో అథ్లెటిక్స్‌ కోచ్‌(సాట్స్‌)గా విధులు నిర్వర్తిస్తున్నారు. మూడ్రోజులపాటు దేశ ప్రధాని వ్యాయామ సాధనలో భాగస్వామిని కావడం ఆనందంగా ఉందని రాజేష్‌ తెలిపారు.