మాదిగలకు తగిన సీట్లు కేటాయించాలి

దిల్లీలో తెలంగాణ మాదిగల ధర్నా

ఈనాడు, దిల్లీ: లోక్‌సభ ఎన్నికల్లో మాదిగలకు తగిన సీట్లు కేటాయించాలని కోరుతూ తెలంగాణ మాదిగ దండోరా, మాదిగ జేఏసీ ప్రతినిధులు దిల్లీలోని ఏఐసీసీ ప్రధాన కార్యాలయం ముందు గురువారం ధర్నా నిర్వహించారు. రాష్ట్రంలో 80లక్షలమంది ఉన్న మాదిగలను కాదని.. 12 లక్షలమంది ఉన్న మాలలకు నాగర్‌కర్నూల్‌, పెద్దపల్లి సీట్లు కేటాయించడంపై అభ్యంతరం వ్యక్తంచేశారు. పార్టీకోసం పనిచేస్తున్న మాదిగ నాయకులకు న్యాయం చేయాలని డిమాండ్‌ చేశారు. రాష్ట్రంలోని 3 రిజర్వుడు లోక్‌సభ స్థానాల్లో రెండింటిని మాదిగలకు కేటాయించాలని, పెద్దపల్లి లోక్‌సభ అభ్యర్థిని మార్చాలని డిమాండ్‌ చేశారు.