ముఖ గుర్తింపు విధానం నుంచి మినహాయించండి!

అంధ ఉద్యోగ, ఉపాధ్యాయ సంఘం వినతి

ఈనాడు, హైదరాబాద్‌: తెలంగాణలోని పాఠశాలల్లో హాజరు నమోదుకు కొత్త విద్యాసంవత్సరం నుంచి చేపడుతున్న ముఖగుర్తింపు (ఫేషియల్‌ రికగ్నిషన్‌) విధానం నుంచి అంధ ఉపాధ్యాయులకు మినహాయింపునివ్వాలని రాష్ట్ర అంధ ఉపాధ్యాయ, ఉద్యోగ సంఘం అధ్యక్ష, ప్రధాన కార్యదర్శులు కె.మల్లేశం, రాఘవేందర్‌రెడ్డి, ఇతర నేతలు అనిల్‌కుమార్‌, జి.మల్లేశ్‌, నాగేంద్రమ్మలు విద్యాశాఖ ముఖ్యకార్యదర్శి బుర్రా వెంకటేశాన్ని కోరారు. ఈ మేరకు మంగళవారం సచివాలయంలో ఆయనను కలిసి వినతిపత్రం సమర్పించారు. అంధ ఉపాధ్యాయులు కొత్త విధానంలో నమోదు చేసుకోలేరని తెలిపారు.