క్లిక్‌ మనిపించు... కిరాకు పుట్టించు

తాజావార్తలు

క్లిక్‌ మనిపించు... కిరాకు పుట్టించు
స్మార్ట్‌ఫోన్లకు జూమ్‌ లెన్సులొచ్చాయ్‌
ఫొటోలు తీసుకోవడం ఇప్పుడెంతో సులభం
ఈనాడు, హైదరాబాద్‌ : కొత్త ప్రదేశానికి వెళితే మనకు నచ్చే.. మనసు మెచ్చే... ఆశ్చర్యపరిచే, ఆహ్లాదం పంచే, ఆకట్టుకునే విషయాలు ఎన్నో. వాటిలో కొన్నింటినైనా కెమెరాల్లో బంధించి చిరకాలం పదిల పరచుకోవాలనే ఆరాటం చాలా మందిది. ఇక్కడే ఇప్పుడు సగటు వ్యక్తికి చిక్కొచ్చిపడింది. ఇదివరకు డిజిటల్‌ కెమెరాలను తప్పనిసరిగా వెంట తీసుకెళ్లేవాడు. స్మార్ట్‌ఫోన్‌ వచ్చాక కెమెరాకు మంగళం పాడేశాడు. అంతా మొబైల్‌తోనే తీస్తున్నారు. ఇది చాలా తేలికైపోయింది. ఇంత వరకు బాగానే ఉన్నా రాత్రివేళల్లో, జూమ్‌ ఫొటోలను తీసుకోలేక పోతున్నామనే ఆవేదన. స్మార్ట్‌ఫోన్‌ కెమెరా స్క్రీన్‌ను జూమ్‌ చేస్తే చిత్రం స్పష్టత దెబ్బతింటుంది. ఇటువంటి సమస్య లేకుండా దూరంగా ఉండే ఫొటోలను చిత్రికరించేందుకు మొబైల్‌ జూమ్‌ లెన్స్‌లు మార్కెట్లోకి వచ్చాయి. చాలామంది వీటిని ఉపయోగిస్తున్నారు. ఈ నేపథ్యంలో యాత్రలకు వెళుతున్న వారికి స్మార్ట్‌ఫోన్‌ సరిపోతుందా? డిజిటల్‌ కెమెరా తీసుకెళ్లాలా? నిపుణులు ఏమంటున్నారు?
స్మార్ట్‌ఫోన్‌లోనే 16, 32 మెగా పిక్సెల్‌ కెమెరాలు అందుబాటులోకి రావడంతో ఇప్పుడు ప్రతి ఒక్కరి చేతిలో కెమెరా ఉన్నట్లే. వీటిలో ఫొటోలు డిజిటల్‌ కెమెరాలో మాదిరి స్పష్టంగా ఉంటున్నాయి. పక్కవాళ్లను కెమెరాలు అడగడం, అదనపు బరువు మోయడం తగ్గిందని చాలామంది సంబరపడ్డారు. ఫలితంగా డిజిటల్‌ కెమెరాల విక్రయాలు గణనీయంగా పడిపోయాయి. ‘స్టూడియోలకు వెళ్లి కుటుంబ సభ్యులు బృంద చిత్రాలు దిగడం పూర్తిగా పోయింది. మొబైల్‌లోనే సెల్ఫీతో సరిపెట్టేస్తున్నారు’ ఇటీవల హైదరాబాద్‌లో జరిగిన ఫొటో ఎక్స్‌పోను సందర్శించడానికి వచ్చిన ఫొటోగ్రాఫర్లు వ్యక్తం చేసిన అభిప్రాయమిది. అంతగా స్మార్ట్‌ఫోన్లతో ఫొటోలను క్లిక్‌ మనిపించడం వ్యాపించింది.

వేగంగా మార్పులు చేర్పులు
ఫొటోలను తీయడమే కాదు మొబైల్స్‌లో వాటిని మార్చుకునే(ఎడిటింగ్‌) అవకాశం ఉండటంతో వేగంగా ఈ పక్రియను పూర్తి చేస్తున్నారు. డిజిటల్‌ కెమెరాలో అవకాశం ఉన్నప్పటికీ ప్రాథమిక అంశాలనే మార్చుకోవచ్చు చేయవచ్చు. అంతకుమించి కావాలంటే పీసీపైనే సాధ్యం. అదే మొబైల్‌లో యాప్స్‌ను డౌన్‌లోడ్‌ చేసుకుని ఫొటోను ఎలా కావాలంటే అలా ఎడిటింగ్‌ చేసుకునే సౌలభ్యం ఉంది. డిజిటల్‌ కెమెరాలో ఫొటోలు మాత్రమే తీయగలం. వాటిని ఎవరైనా పంపించాలంటే మొబైల్‌, ట్యాబ్లెట్‌, పీసీకి మొదట ట్రాన్స్‌ఫర్‌ చేసి అక్కడి నుంచి మాత్రమే షేర్‌ చేయగలం. మొబైల్‌లో డాటా కనెక్షన్‌, వైఫై ఉంటే ఫొటో తీసిన మరుక్షణంలోనే సామాజిక మాధ్యమాల్లో షేర్‌ చేయవచ్చు. ఈ కారణంగా ఎక్కువమంది మొబైల్‌లోనే మంచి కెమెరా ఆప్షన్‌ ఉన్న వాటిని ఎంచుకుంటున్నారు. తీసిన ఫొటోలను భద్రపరచు

కునేలా బ్యాకప్‌కు క్లౌడ్‌ సేవలను వినియోగించుకునే అవకాశం... వెడల్పాటి స్క్రీన్‌లో చూసుకోవడానికి సౌకర్యంగా ఉండటం వంటి అంశాలు ఇందులో ఉన్నాయి. మొబైల్‌ ఎప్పుడూ వెంటే ఉంటుంది. ఎప్పుడు కావాలంటే అప్పుడు ఫొటో తీసుకోవచ్చు. అదే డిజిటల్‌ కెమెరాను ప్రత్యేకంగా వెంట తీసుకెళ్లాల్సి ఉంటుంది. దానితో ఫొటోలు తీసే పద్ధతి తెలిసి ఉండాలి. స్మార్ట్‌ ఫోన్లలో అన్నింటికీ మించి సెల్ఫీలను తీసుకునే సౌలభ్యం ఉండటం వల్ల ఎక్కువ మంది ఇష్టపడుతున్నారు. డిజిటల్‌లో ఇది కష్టం. కొత్తగా వస్తున్న ఫ్లిప్‌ అవుట్‌ స్క్రీన్లలో సెల్ఫీ ప్రివ్యూను కొన్ని కెమెరాలు చూపిస్తున్నా.. ధర ఎక్కువ.

రాత్రివేళల్లో చిక్కులు...
సాధారణంగా ఫొటోలు తీసుకోవడానికి స్మార్ట్‌ఫోన్లలో కెమెరా పనికి వస్తుంది. వెలుతురు తక్కువ సమయం, ఖరీదైన ఫోన్లలో మినహా రాత్రివేళల్లో వీటితో అంత స్పష్టంగా చిత్రం రాదనే ఫిర్యాదులు ఉన్నాయి. కదిలే చిత్రాలను మొబైల్‌లో అంత బాగా తీయలేం. దూరంగా ఉన్న వాటిని దృశ్యబద్ధం చేసేందుకు జూమ్‌ చేస్తే అస్పష్టంగా కనిపిస్తుంది. ఇటీవల వేసవిలో చాలామంది విహారయాత్రలకు వెళ్లారు. వారిలో చాలామంది ఇటువంటి ఇబ్బందికర పరిస్థితిని ఎదుర్కొన్నారు. కచ్చితంగా ఫొటో దిగాలనుకున్న సమయంలో మొబైల్‌లో బ్యాటరీ అయిపోవడం, చీకటి పడటం వంటి అనుభవాలతో కెమెరా తీసుకురాక పోతిమి అని వాపోయిన వారు ఎందరో ఉన్నారు.

విహారయాత్రలకు సెల్ఫీ స్టిక్‌లను తీసుకెళ్లడం ద్వారా మెరుగైన ఫొటోలను తీసుకోవచ్చు. దేనికదే ప్రత్యేకం
- ప్రదీప్‌ వర్మ, ఫొటోగ్రఫీ నిపుణులు
స్మార్ట్‌ఫోన్లతో డిజిటల్‌ పాకెట్‌ కెమెరాలు పూర్తిగా పోయాయి. ఫోనా, కెమెరానా అంటే రెండింటికీ సానుకూలతలు, ప్రతికూలతలు ఉన్నాయి. అవసరాన్ని బట్టి, వెళ్లే ప్రదేశాన్ని బట్టి అప్పటికప్పుడు నిర్ణయం తీసుకోవాల్సి ఉంటుంది. కొత్త ప్రదేశాలకు ఒకసారి కంటే ఎక్కువ సార్లు వెళ్లే అవకాశం ఉండదు. కాబట్టి అందరి చేతిలో స్మార్ట్‌ఫోన్లు ఉన్నప్పటికీ డిజిటల్‌ కెమెరాను తీసుకెళ్లడం మంచిది. వీటిలో లిథియం బ్యాటరీల వాడకంతో 600 నుంచి వెయ్యి ఫొటోల వరకు తీసుకోవచ్చు. ప్లాష్‌ ఉంటుంది కాబట్టి తక్కువ వెలుతురులోనూ వీటితో ఫొటోలు తీయవచ్చు. స్మార్ట్‌ఫోన్‌తో దిగిన ఫొటోలను వెంటనే ఇతరులతో పంచుకోవడం... వంటి సానుకూలతలు ఉన్నాయి. స్లోమోషన్‌ వీడియో స్మార్ట్‌ఫోన్లలో మాత్రమే సాధ్యం.
FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు
Property Handling 300x50

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.