అమరావతికి మరో హైకోర్టు న్యాయమూర్తి
close

తాజావార్తలు


అమరావతికి మరో హైకోర్టు న్యాయమూర్తి
గుంటూరుకు చెందిన జడ్జి రజనికి పదోన్నతి
నేడు ప్రమాణ స్వీకారం
గుంటూరు: గుంటూరుకు చెందిన న్యాయమూర్తి తేలప్రోలు రజని హైకోర్టు న్యాయమూర్తిగా పదోన్నతి పొందారు. మంగళవారం ఉమ్మడి రాష్ట్ర హైకోర్టులో ఆమె ప్రమాణ స్వీకారం చేయనున్నారు. 40 ఏళ్ల తర్వాత గుంటూరుకు చెందిన మహిళ హైకోర్టులో న్యాయమూర్తిగా నియమితులు కావడం విశేషం. రాజధాని అమరావతి పరిధిలోకి చెందిన పలువురు ఇప్పటికే న్యాయమూర్తులుగా ఎంపికై రాష్ట్రంలో, దేశంలో మంచి పేరు తెచ్చుకున్నారు. గత ఏడాది గుంటూరుకు చెందిన జస్టిస్‌ లావు నాగేశ్వరారవు సుప్రీం కోర్టు న్యాయమూర్తిగా నియమితులు కాగా... జిల్లా న్యాయమూర్తి హోదాలో జి.శ్యాంప్రసాద్‌ హైకోర్టు న్యాయమూర్తిగా నియమితులయ్యారు. తాజాగా ఉమ్మడి రాష్ట్ర హైకోర్టుకు నలుగురు జిల్లా న్యాయమూర్తులు హైకోర్టు న్యాయమూర్తులుగా పదోన్నతి పొందగా, వారిలో గుంటూరుకు చెందిన న్యాయమూర్తి రజనికి అవకాశం లభించింది. 40 ఏళ్ల క్రితం జిల్లాకు చెందిన జస్టిస్‌ అమరేశ్వరి హైకోర్టు తొలి మహిళా న్యాయమూర్తిగా ఎంపిక కాగా.. ఆ తర్వాత ఇప్పుడు జడ్జి రజనిని ఈ పదవి వరించడం విశేషం.

ప్రకాశం జిల్లా చెన్నుపల్లికి చెందిన న్యాయమూర్తి రజని గుంటూరులో న్యాయవాదిగా స్థిరపడ్డారు. ఆమె భర్త నగరంలో వైద్య ప్రముఖుడుగా పనిచేసేవారు. 2002లో నేరుగా జిల్లా న్యాయమూర్తిగా ఎంపికైన రజని వివిధ జిల్లాల్లో న్యాయమూర్తులుగా కొనసాగుతూ ప్రస్తుతం హైదరాబాద్‌లో పనిచేస్తున్నారు. ఆమె హైకోర్టు జడ్జిగా నియమితులు కాగా ఆమెతో పాటు ఎంపికైన మరో ఇరువురికి గుంటూరు జిల్లా న్యాయశాఖతో అనుబంధం ఉంది. ఎన్‌.బాలయోగి గుంటూరులో మేజిస్ట్రేట్‌గా, సీనియర్‌ సివిల్‌ జడ్జిగా, అదనపు జిల్లా జడ్జిగా పనిచేశారు. మరో జడ్జి షమీమ్‌ అక్తర్‌ నరసరావుపేటలో కొత్తగా ఏర్పాటు చేసిన అదనపు జిల్లా కోర్టు తొలి జడ్జిగా పనిచేశారు. హైకోర్టుకు న్యాయమూర్తులుగా నియమితులైన నలుగురిలో ముగ్గురికి గుంటూరుతో ప్రత్యేక అనుబంధం ఉండటం విశేషం. న్యాయమూర్తి రజని తండ్రి వెంకటప్పయ్య కూడా గుంటూరు బార్‌ అసోసియేషన్‌లో కొద్ది కాలం న్యాయవాదిగా విధులు నిర్వహించారు. గతేడాది మహిళా న్యాయవాదులు నిర్వహించిన కార్యక్రమంలోనూ జడ్జి రజని పాల్గొన్నారు. ఆమె హైకోర్టు న్యాయమూర్తిగా నియమితులవడం పట్ల గుంటూరు బార్‌ అసోసియేషన్‌ న్యాయవాదులు హర్షం వ్యక్తం చేస్తున్నారు. రాజధాని అమరావతి పరిధిలో గతేడాది సుప్రీం కోర్టు, హైకోర్టుల్లో న్యాయమూర్తులుగా ఇరువురు నియమతులు కాగా, ఈ ఏడాది తొలి రోజుల్లోనే మరొకరికి అవకాశం లభించటం విశేషం.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2017 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.