డీఎంకేలో విలీనం?

తాజావార్తలు

x
డీఎంకేలో విలీనం?
అవకాశాన్ని పరిశీలిస్తున్న మక్కళ్‌ డీఎండీకే
నేడు నిర్వాహకుల సమావేశంలో తుది నిర్ణయం
చెన్నై: విజయకాంత్‌ శిబిరం నుంచి వైదొలగి కొత్త పార్టీగా ఆవిర్భవించిన మక్కళ్‌ డీఎండీకే ఇప్పుడు డీఎంకేలో విలీనంపై ఆలోచిస్తోంది. రాష్ట్రంలో డీఎంకే బలమైన ప్రతిపక్షంగా ఉండటంతో ఈ దిశగా నిర్ణయం తీసుకోవాలని భావిస్తోంది. ఈ విషయమై సోమవారం పార్టీ నిర్వాహకులతో కీలక సమాలోచన జరుగనుందని సమాచారం. గత శాసనసభ ఎన్నికల్లో ప్రజా సంక్షేమ కూటమితో డీఎండీకే పొత్తుకు నిరసనగా చంద్రకుమార్‌ అధ్యక్షతన ముగ్గురు ఎమ్మెల్యేలు, పది జిల్లాల కార్యదర్శులు బయటకు వచ్చేశారు. వారందరూ కలిసి మక్కళ్‌ డీఎండీకే ఏర్పాటు చేసిన విషయం తెలిసిందే. ఆ ఎన్నికల్లో డీఎంకేతో పొత్తు పెట్టుకుని మూడు సీట్లలో పోటీకి అవకాశం దక్కించుకున్నప్పటికీ ఒక్క సీటును కూడా గెలవలేదు. త్వరలో స్థానిక సంస్థల ఎన్నికలు జరుగనున్న నేపథ్యంలో పార్టీ స్థితిగతులపై నిర్వాహకులతో పార్టీ అధ్యక్షుడు చంద్రకుమార్‌ సమాలోచనలు నిర్వహిస్తున్నారు. మళ్లీ డీఎంకేతో పొత్తుపెట్టుకుని స్థానిక సంస్థల ఎన్నికల్లో పోటీపడాలని కొందరు సూచించగా.... ప్రస్తుత పరిస్థితుల్లో పార్టీని కొనసాగించడం దుర్లభమని మరికొందరు పేర్కొన్నారు. డీఎంకే బలమైన ప్రతిపక్షంగా ఆవిర్భవించిన నేపథ్యంలో ఆ పార్టీకి కొన్ని షరతులు విధించి విలీనం చేయాలని సూచించారు. ఈ సూచనలపై చంద్రకుమార్‌, పార్టీ ఇతర శ్రేణులు సుముఖంగా ఉన్నారని సమాచారం. పార్టీ నిర్వాహకుల అభిప్రాయం కూడా తీసుకున్న తర్వాత తదుపరి నిర్ణయం ప్రకటించనున్నట్లు తెలిసింది. రాష్ట్రవ్యాప్తంగా డీఎండీకే నిర్వాహకులు, కార్యకర్తలు ఇంకా మక్కళ్‌ డీఎండీకేలో చేరేందుకు ఆసక్తి చూపిస్తుండటంతో ఈ పరిణామాలను పూర్తిగా పరిశీలించిన తర్వాత నిర్ణయం తీసుకోవడం మంచిదని మరికొందరు చంద్రకుమార్‌కు సూచించారని సమాచారం. ఈ విషయాన్ని పార్టీ ఆర్గనైజింగ్‌ కార్యదర్శి ఎస్సార్‌ పార్తిబన్‌ కూడా నిర్ధారించారు. సోమవారం నిర్వాహకుల సమావేశం జరుగనున్నట్లు ప్రకటించినప్పటికీ వేదిక మాత్రం ఖరారు కాలేదు. విలీనం గురించి ఇప్పటికే డీఎంకేతో మంతనాలు జరుగుతున్నాయని, ఈ సమాలోచనలోని మెజారిటీ అభిప్రాయం మేరకు తమ నిర్ణయం ప్రకటిస్తామని నేతలు పేర్కొంటున్నారు.
FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు
Property Handling 300x50

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.