బర్త్‌డే స్పెషల్‌: సోనూసూద్‌

తాజావార్తలు

బర్త్‌డే స్పెషల్‌: సోనూసూద్‌
హైదరాబాద్‌: ‘వదల బొమ్మాళీ.. నిన్నొదల.. పశుపతి.. అఘోరాధిపతి’ అంటూ అరుంధతి చిత్రంలో అందర్నీ భయపెట్టిన నటుడు సోనూసూద్‌. ఈ చిత్రంతో సోనూసూద్‌ పేరు తెలుగు చిత్ర పరిశ్రమలో మార్మోగిపోయింది. ఆయనకు ఆ సినిమా అంత గుర్తింపును తెచ్చిపెట్టింది. అరుంధతిలో భయపెట్టినా, ఏక్‌నిరంజన్‌లో జానీభాయ్‌గా, కందిరీగలో భవానీగా కామెడీ విలన్‌ పాత్రల్లో నవ్వించినా ఆయనకే చెల్లింది. ఏకకాలంలో హీరో, విలన్‌ పాత్రలతో ప్రయోగాలు చేస్తున్న విలక్షణ నటుడు సోనూసూద్‌. శనివారం ఆయన పుట్టిన రోజు సందర్భంగా జన్మదిన శుభాకాంక్షలు.

ఇంజనీరింగ్‌ చదివిన సోనూ స్నేహితుల సలహాతో మోడలింగ్‌లోకి అడుగుపెట్టి సినిమాల్లోకి వచ్చారు. పంజాబ్‌లో జన్మించిన ఆయన కేవలం ఒక్క భాషకే తన నటనను పరిమితం చేయకుండా తెలుగు, తమిళం, హిందీ, కన్నడ సినిమాల్లో నటించారు. అతడు, దూకుడు, జులాయి, యువ, దబాంగ్‌, జోదాఅక్బర్‌, ఆషిక్‌ బనాయా అప్నే తదితర చిత్రాల్లో నటించిన ఆయన పలు ఇంగ్లీష్‌ చిత్రాల్లో కూడా నటించారు.

ఈ ఘనతకు ఆమే కారణం..
తన విజయం వెనుక ఉన్న స్త్రీ అమ్మేనని సోనూ ఎప్పుడూ అంటుంటారు.సినిమాల్లోకి రాకముందు తాను సాధారణ అబ్బాయినేనని, ఎక్కువ చెప్పాలంటే, అమ్మచాటు బిడ్డలా పెరిగానని చెప్పుకొస్తారాయన. సోనూది పంజాబ్‌లోని మోగా పట్టణం. ఆయన తండ్రి వ్యాపారవేత్త, తల్లి అధ్యాపకురాలు. ఆయన చదువుకోవడానికి నాగ్‌పూర్‌ వచ్చారు. తన పొడవు ఆరడుగులపై ఉండటంతో మోడల్‌గా పనికొస్తావు ప్రయత్నించు అని స్నేహితులు సలహా ఇచ్చారు. దీంతో చదువుకుంటూనే నాగ్‌పూర్‌లో స్థానిక ఫ్యాషన్‌ షోలలో మోడల్‌గా చేశారు. ఇంజినీరింగ్‌ తర్వాత అవకాశాల కోసం దిల్లీలో కొన్నాళ్లు ఉన్నారు. రెండు మూడు వాణిజ్య ప్రకటనల్లో చేశారు. 1995లో మిస్టర్‌ ఇండియా పోటీల్లో పాల్గొన్నారు. మోడలింగ్‌ తర్వాత సినిమాల్లోకి వెళ్లాలా? వద్దా అనే సందేహంలో ఉండగా సోనూ అమ్మ ప్రోత్సహించింది. దీంతో సోనూ ముంబయికి వచ్చారు.

తొలి అవకాశం..

సోనూ ముంబైలో మొదట మోడలింగ్‌తో పాటు జిమ్‌లో ఇన్‌స్ట్రక్టర్‌గా పనిచేస్తూ సినిమాలకు ప్రయత్నించేవారు. ఇలా 2000లో తమిళ సినిమాలో తొలి అవకాశం వచ్చింది. ఆ తర్వాత తమిళంతోపాటు తెలుగు, హిందీ, కన్నడ చిత్రాలతో మెప్పిస్తూ.. దాదాపు 60కుపైగా చిత్రాల్లో నటించారు. అలాగని ఆయన అవకాశం వచ్చిన ప్రతి సినిమాలో నటించేయలేదు. తనకు హీరో, విలన్‌ అనే తేడా లేదని కథ, పాత్ర నచ్చితేనే సినిమాలో చేయడానికి ఇష్టపడతానని సోనూ అంటారు.

ఆ తర్వాతే అనుష్కతో సినిమా..
శరీర దారుఢ్యానికి సోనూసూద్‌ ఎక్కువ ప్రాధాన్యత ఇస్తారు. ఆయనకు ఇది కాలేజీ రోజుల నుంచే అలవాటైంది. సినిమాల్లోకి రాకముందు నుంచేరోజుకి రెండు గంటలు వ్యాయామం, 40 నిమిషాలు జాకింగ్‌ చేసేవారట. అనుష్క, సోనూ ముంబయిలో ఒకే జిమ్‌లో ఇన్‌స్ట్రక్టర్స్‌గా పనిచేశారట. తర్వాత వీరిద్దరూ కలిసి సూపర్‌, అరుంధతి సినిమాల్లో నటించారు. ఆయనకి వ్యాయామంపై ఎంత ఆసక్తి అంటే.. సినిమా షూటింగ్‌ మధ్యలో ఎప్పుడైనా ఖాళీ దొరికితే ఫిట్‌నెస్‌ గురించే ఎక్కువగా మాట్లాడుతారట. ఎన్టీఆర్‌, నాగార్జున, ప్రభాస్‌తో కలిసి పనిచేస్తున్నప్పుడు దీని గురించే మాట్లాడుకునే వాళ్లమని చెబుతుంటారు.

పేద పిల్లలకు సాయం.. ఉచితంగా జిమ్‌.. సైకిళ్లు
సోనూసూద్‌ మంచి నటుడే కాదు. మనసున్న వ్యక్తి కూడా. వెన్నుతట్టి నడిపించిన తన తల్లి చనిపోవడంతో ఆమె పేరున ట్రస్టు ఏర్పాటు చేశారు. తల్లి పేరున పుస్తకాలు, బట్టలు కొని పేద పిల్లలకు పంచుతూ ఉంటారు. పంజాబ్‌లోని ప్రభుత్వ పాఠశాలల్లో వసతుల మెరుగుకు ఆర్థికసాయం కూడా చేశారు. అంతేకాదె జిమ్‌ను ప్రారంభించి అందులో ఉచితంగా వ్యాయామం చేసుకునే సౌలభ్యాన్ని కల్పించారు. ఆర్థికంగా వెనుకబడిన 50 మందికి ఉచితంగా సైకిళ్లను పంపిణీ చేశారు. ఇలా సోనూసూద్‌ తన తోటివారికి ఆదర్శంగా నిలుస్తూ.. మంచి నటుడిగా అందరి మన్ననలు పొందుతున్నారు. ప్రస్తుతం ఆయన జాకీచాన్‌తోపాటు ‘కుంగ్‌ఫూ యోగా’, ప్రభుదేవా, తమన్నాతో కలిసి ‘అభినేత్రి’ చిత్రాల్లో నటిస్తున్నారు. గుర్తుండిపోయే మరిన్ని పాత్రలను సోనూసూద్‌ చేయాలని కోరుకుంటూ మరోసారి ఆయనకు పుట్టినరోజు శుభాకాంక్షలు.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు
Property Handling 300x50

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.