kalanjali_200
Comments
0
Recommend
0
Views
789
సమీక్ష
అంతర్జాతీయ మార్కెట్ల బాటలోనే
279 పాయింట్లు పెరిగిన సెన్సెక్స్‌
సెన్సెక్స్‌ వరుసగా రెండో రోజూ దూసుకెళ్లింది. అంతర్జాతీయ మార్కెట్లు లాభాల బాట పట్టడంతో.. మన సూచీలు అదే దారిలో నడిచాయి. ఇటీవల నష్టపోయిన బ్లూచిప్‌ షేర్లకు కొనుగోళ్ల మద్దతు లభించడం కలిసొచ్చింది. లోహ, ఆరోగ్య సంరక్షణ, బ్యాంకింగ్‌, వాహన రంగాల షేర్లు లాభాలను నమోదు చేశాయి. వారం మొత్తం మీద చూస్తే.. గత అయిదు వారాల్లో నాలుగో వారం సైతం సూచీలకు నష్టాలొచ్చాయి.

లాభాల జోరు: సెన్సెక్స్‌ ఉదయం 24360.36 పాయింట్ల వద్ద లాభాల్లో ప్రారంభమైంది. అదే జోరును కొనసాగిస్తూ.. 24672.90 పాయింట్ల వద్ద ఇంట్రాడే గరిష్ఠాన్ని తాకింది. చివరకు 278.54 పాయింట్ల లాభంతో 24,616.97 వద్ద సెన్సెక్స్‌ ముగిసింది. ఇక నిఫ్టీ సైతం ఇంట్రాడేలో 7,500 మార్కును దాటి 7,503.15 దగ్గర ఇంట్రాడే గరిష్ఠానికి చేరింది. చివరకు 85.10 పాయింట్లు పెరిగి 7,489.10 దగ్గర స్థిరపడింది. ఈ వారంలో సెన్సెక్స్‌ 253.72 పాయింట్లు, నిఫ్టీ 74.45 పాయింట్లు కోల్పోయాయి.

మెరిసిన రిలయన్స్‌ ఇన్‌ఫ్రా: తమ సిమెంటు వ్యాపార విభాగాన్ని బిర్లా కార్పొరేషన్‌ విక్రయించడంతో.. రిలయన్స్‌ ఇన్‌ఫ్రాస్ట్రక్చర్‌ (ఆర్‌ ఇన్‌ఫ్రా) షేరు పరుగులు తీసింది. ఇంట్రాడేలో 8.18 శాతం పెరిగిన షేరు, చివరకు 6.75 శాతం లాభంతో రూ.437.50 వద్ద ముగిసిందిఇక మెరుగైన త్రైమాసిక ఫలితాల నేపథ్యంలో ఐషర్‌ మోటార్స్‌ షేర్లు 7 శాతం లాభంతో రూ.18,128.45 దగ్గర స్థిరపడ్డాయి.
సెన్సెక్స్‌ 30 షేర్లలో 22 లాభాలతో ముగిశాయి. లుపిన్‌ అత్యధికంగా 9.04% దూసుకెళ్లింది. యాక్సిస్‌ బ్యాంక్‌ 4.40%, సిప్లా 3.58%, టాటా స్టీల్‌ 3.47%, టాటా మోటార్స్‌ 3.47%, డాక్టర్‌ రెడ్డీస్‌ 3.38%, ఎస్‌బీఐ 3.16%లు రాణించిన వాటిలో ఉన్నాయి. గెయిల్‌ (3.62%), మారుతీ సుజుకీ (1.86%), అదానీ పోర్ట్స్‌ (1.58%), ఎన్‌టీపీసీ (1.03%)లు మాత్రం నష్టాలను చవిచూశాయి. బీఎస్‌ఈలో 1,620 షేర్లు లాభాల్లోనూ, 1,016 షేర్లు నష్టాలతోనూ ముగిశాయి. మొత్తం టర్నోవరు రూ.2,742.06 కోట్ల నుంచి రూ.2,853.97 కోట్లకు పెరిగింది.
Your Rating:
-
Overall Rating:
0

అభివృద్ధికి గులామ్‌ తెరాసకు ‘మహా’ సలామ్‌

అభివృద్ధికి ఓటర్లు జైకొట్టారు. విశ్వనగరం దిశగా మహా నగరాన్ని ముందుకు నడిపిస్తున్న తెలంగాణ రాష్ట్ర సమితి (తెరాస)కు చిరస్మరణీయమైన విజయాన్ని అందించారు. గ్రేటర్‌ కార్పొరేషన్‌ చరిత్రలో తొలిసారిగా వందకు...

కృష్ణమ్మ చేరితేనే జలాభిషేకం

మహాశివరాత్రి పర్వదినాన కోటప్పకొండ తిరునాళ్లకు వచ్చే భక్తులకు ఈసారి తాగునీటి కష్టాలు తప్పేలా లేవు. ఏటా తిరునాళ్లకు అయిదు లక్షలమందికిపైగా భక్తులు స్వామివారిని దర్శించుకుని తరిస్తుంటారు.

ఉపాధికి.. జన్‌ధన్‌ వెన్నుదన్ను

తపాలా కార్యాలయాల ద్వారా బయోమెట్రిక్‌ విధానంతో ఉపాధి కూలీలకు వేతనాల చెల్లింపు సకాలంలో జరగడం లేదు. నగదు బదిలీతో కూలీల వ్యక్తిగత బ్యాంకు ఖాతాల్లోకి కూలీ డబ్బులను జమచేస్తే....

భగీరథయత్నం !

గుడ్లవల్లేరు వద్ద ఆరు చమురు యంత్రాలతో నీటిని బంటుమిల్లి కాల్వకు తోడుతున్నారు. ఈ నీరు కమలాపురం లాకుల వద్దనుంచి బంటుమిల్లికి చేరే విధంగా ఏర్పాట్లు చేసుకున్నారు.