Shoaib Akhtar: పాక్‌ తొలి రౌండ్లోనే పోతుందేమో..: షోయబ్‌ అక్తర్‌

లాహోర్‌: బాబర్‌ అజామ్, రిజ్వాన్‌తో పాటు పాకిస్థాన్‌ బ్యాట్స్‌మెనందరినీ టీ20 ప్రపంచకప్‌లో ప్రత్యర్థి బౌలర్లు బౌన్సర్లతో పరీక్షిస్తారని మాజీ ఫాస్ట్‌బౌలర్‌ షోయబ్‌ అక్తర్‌ అన్నాడు. అలాంటప్పుడు ఏం చేస్తారని పాక్‌ బ్యాట్స్‌మెన్‌ను అతడు ప్రశ్నించాడు.

‘‘నేను ఇంతకుముందే చెప్పినట్లు.. పాకిస్థాన్‌ టీ20 ప్రపంచకప్‌లో తొలి రౌండ్లోనే నిష్క్రమిస్తుందన్న భయం కలుగుతోంది. ప్రపంచకప్‌లో మిగతా జట్లు పాకిస్థాన్‌పై ఏం చేయబోతున్నాయో అందరికీ తెలుసు. బాబర్, రిజ్వాన్, ఇఫ్తికార్‌.. ఇలా పాక్‌ బ్యాట్స్‌మెన్‌ అందరికీ బౌన్సర్లు వేస్తారు. ఆస్ట్రేలియాలో బౌన్సర్లు వేయరని అనుకోవద్దు. అవి మాత్రమే వేస్తారు. మరి అప్పుడు ఏం చేస్తారు?’’ అని అక్తర్‌ అన్నాడు. పాకిస్థాన్‌ మిడిల్‌ ఆర్డర్‌ బాగా లేదని, ఓపెనర్లు రాణించకపోతే ఒత్తిడికి గురవుతుందని చెప్పాడు.


మరిన్ని

ap-districts
ts-districts