BCCI: దేశీయ ఆటగాళ్లకు బీసీసీఐ గుడ్‌న్యూస్‌.. మ్యాచ్‌ ఫీజు పెంపు - bcci hikes match fee for domestic cricketers
close
Published : 21/09/2021 01:35 IST
Facebook Share Twitter Share WhatsApp Share Telegram Share Link Share

BCCI: దేశీయ ఆటగాళ్లకు బీసీసీఐ గుడ్‌న్యూస్‌.. మ్యాచ్‌ ఫీజు పెంపు

దిల్లీ: దేశవాళీ టోర్నీల్లో ఆడే క్రికెటర్లకు భారత క్రికెట్‌ బోర్డు(బీసీసీఐ) శుభవార్త చెప్పింది. మ్యాచ్‌ ఫీజును పెంచుతున్నట్లు బీసీసీఐ సెక్రటరీ జై షా సోమవారం ట్విటర్‌ వేదికగా వెల్లడించారు. ఇకపై 40 మ్యాచ్‌ల కంటే ఎక్కువ ఆడిన సీనియర్‌ ఆటగాళ్లకు రూ.60వేలు, అండర్‌- 23 ప్లేయర్లకు రూ.25వేలు, అండర్‌-19 ఆటగాళ్లకు రూ.20వేలు మ్యాచ్ ఫీజు ఇవ్వనున్నట్లు తెలిపారు. సోమవారం జరిగిన బీసీసీఐ అపెక్స్‌ కౌన్సిల్‌ సమావేశంలో ఈ నిర్ణయం తీసుకున్నారు. 

దీంతో పాటు కరోనా కారణంగా కోల్పోయిన గత సీజన్‌కు గానూ.. ఆటగాళ్లకు మ్యాచ్‌ ఫీజులో 50శాతం పరిహారం కింద ఇవ్వనున్నట్లు వెల్లడించారు. 2019-20 దేశవాళీ సీజన్‌లో పాల్గొన్న క్రికెటర్లకు 2020-21 సీజన్‌కు గానూ ఈ పరిహారం అందనున్నట్లు చెప్పారు. కొవిడ్‌ నేపథ్యంలో బీసీసీఐ గతేడాది రంజీ ట్రోఫీని రద్దు చేసిన విషయం తెలిసిందే. 

ప్రస్తుతం సీనియర్‌ దేశీయ క్రికెటర్లు రంజీ లేదా విజయ్‌ హజారే ట్రోఫీలకు గానూ మ్యాచ్‌కు రూ.35వేల చొప్పున ఫీజు అందుకుంటున్నారు. ఇక ముస్తఖ్‌ అలీ ట్రోఫీ అయితే గేమ్‌కు రూ.17,500చొప్పున బీసీసీఐ ఆటగాళ్లకు చెల్లిస్తోంది. ఈ ఏడాది అక్టోబరు 20 నుంచి ముస్తఖ్‌ అలీ ట్రోఫీ ప్రారంభం కానుంది. ఆ తర్వాత నవంబరు 16, 2021 నుంచి ఫిబ్రవరి 19, 2022 రంజీ ట్రోఫీ, ఫిబ్రవరి 23, 2022 నుంచి మార్చి 26, 2022 వరకు విజయ్‌ హజారే ట్రోఫీ జరగనుంది.


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని