NCW: చీర ధరించిన మహిళకు ప్రవేశ నిరాకరణ.. మహిళా కమిషన్‌ ఆగ్రహం
close
Published : 24/09/2021 13:42 IST
Facebook Share Twitter Share WhatsApp Share Telegram Share Link Share

NCW: చీర ధరించిన మహిళకు ప్రవేశ నిరాకరణ.. మహిళా కమిషన్‌ ఆగ్రహం

దిల్లీలోని రెస్టారెంటుకు సమన్లు 

దిల్లీ: చీర ధరించి వచ్చిన మహిళను లోపలికి అనుమతించని దిల్లీలోని ఓ రెస్టారెంటు వ్యవహారంపై దర్యాప్తు జరపాలని దిల్లీ పోలీస్‌ కమిషనర్‌ను జాతీయ మహిళా కమిషన్‌ (ఎన్‌సీడబ్ల్యూ) ఆదేశించింది. ఆ ఘటనపై తగిన చర్యలు తీసుకోవాలనీ సూచించింది. ఈ నెల 28న తమ ఎదుట హాజరుకావాలని ఆ రెస్టారెంట్‌ మార్కెటింగ్, ప్రజాసంబంధాల డైరెక్టర్‌కు నోటీసు జారీ చేసింది. ‘భారతీయ సంస్కృతిలో చీర ఓ భాగం. భారతీయ మహిళల్లో అత్యధిక మంది చీరను ధరిస్తారు. వస్త్రధారణ ఆధారంగా మహిళలను రెస్టారెంటులోకి ప్రవేశించనీయకపోవడం గౌరవప్రదంగా జీవించే ఆమె హక్కుకు విఘాతం కలిగించినట్లే’నని ఎన్‌సీడబ్ల్యూ ఒక ప్రకటనలో పేర్కొంది. గౌరవప్రద వస్త్రధారణ జాబితాలో చీరకట్టును చేర్చని రెస్టారెంట్‌ విధానాలను, సిబ్బంది ప్రవర్తనను తీవ్రంగా ఖండిస్తున్నట్లు కమిషన్‌ తెలిపింది. దిల్లీలోని రెస్టారెంటులో ఆదివారం జరిగిన ఘటనను బాధిత మహిళ సామాజిక మాధ్యమాల్లో పోస్టు చేయగా అది విస్తృత ప్రచారంలోకి వచ్చిన విషయం తెలిసిందే.


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని