Tamil Nadu: వాననీటిలో చిక్కిన కారు.. వైద్యురాలి మృతి - telugu news Car entangled in rain water Doctor killed
close
Published : 19/09/2021 07:51 IST
Facebook Share Twitter Share WhatsApp Share Telegram Share Link Share

Tamil Nadu: వాననీటిలో చిక్కిన కారు.. వైద్యురాలి మృతి

కాంచీపురం, న్యూస్‌టుడే: రైల్వే అండర్‌ బ్రిడ్జి వద్ద నిలిచిన వర్షపు నీటిలో కారు చిక్కుకొని ఓ వైద్యురాలు ప్రాణాలు కోల్పోయిన ఘటన తమిళనాడులో చోటుచేసుకుంది. పోలీసులు తెలిపిన వివరాల ప్రకారం.. పుదుక్కోట జిల్లా తురైయూర్‌ పరిధికి చెందిన శివకుమార్‌, సత్య(35) దంపతులు. కృష్ణగిరి జిల్లా హోసూర్‌లోని ప్రభుత్వ ఆసుపత్రిలో సత్య వైద్యురాలిగా పనిచేస్తున్నారు. శుక్రవారం సాయంత్రం అత్తగారితో కలిసి ఆమె కారులో తురైయూర్‌కు బయలుదేరారు. తురైయూర్‌ సమీపానికి చేరుకోగానే భారీ వర్షం మొదలైంది. దీంతో అక్కడ ఉన్న రైల్వే అండర్‌ బ్రిడ్జి వద్ద భారీగా వాననీరు చేరింది. ఆ మార్గంలోనే వెళ్తున్న వీరి కారు నీటిలో చిక్కుకుపోయింది. సత్య అత్తగారు కారులోనుంచి సురక్షితంగా బయటకు వచ్చారు. డ్రైవింగ్‌ సీటులో ఉన్న సత్య సీటుబెల్టు లాక్‌ అవడంతో బయటకురాలేక ప్రాణాలు కోల్పోయారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని