Crime News: మామ కుటుంబంపై కత్తితో అల్లుడు దాడి

తాజా వార్తలు

Updated : 18/10/2021 11:38 IST

Crime News: మామ కుటుంబంపై కత్తితో అల్లుడు దాడి

నలుగురికి గాయాలు.. చికిత్స పొందుతూ మామ మృతి 
కృష్ణా జిల్లాలో ఘటన

మైలవరం: కృష్ణా జిల్లా మైలవరం మండలం వెదురుబీడెంలో దారుణం చోటుచేసుకుంది. కుటుంబ కలహాలతో ఓ వ్యక్తి కత్తితో దాడి చేయడంతో నలుగురు గాయపడ్డారు. పోలీసులు తెలిపిన వివరాల ప్రకారం.. వెదురుబీడెం గ్రామానికి చెందిన కొలుసు కొండలరావు (40)కు ముగ్గురు కుమార్తెలు. మొదటి కుమార్తె ధనలక్ష్మిని గన్నవరం మండలం బల్లిపర్రుకు చెందిన వీర్ల రాంబాబు (30)తో నాలుగేళ్ల క్రితం వివాహమైంది. వారికి కుమార్తె, కుమారుడు ఉన్నారు. 

పెళ్లి సమయంలో కట్నంగా ఇచ్చిన భూమిని అమ్మాలని రాంబాబు రోజూ గొడవ చేస్తున్నాడు. దీంతో ధనలక్ష్మి ఆదివారం సాయంత్రం పుట్టింటికి వచ్చింది. సోమవారం తెల్లవారుజామున 4 గంటల సమయంలో మామ ఇంటికి రాంబాబు వెళ్లాడు. నిద్రిస్తున్న మామ కొండలరావుతో పాటు అత్త, భార్య, మరదలిపై కత్తితో దాడి చేశాడు. గాయపడిన వారిని స్థానికులు 108లో మైలవరం ప్రభుత్వాసుపత్రికి తరలించారు. వీరిలో భార్య, అత్తమామల పరిస్థితి ఆందోళనకరంగా ఉండటంతో విజయవాడ తీసుకెళ్లారు. అక్కడ చికిత్స పొందుతూ మామ కొండలరావు మృతిచెందారు. అత్త పరిస్థితి కూడా విషమంగా ఉంది. ఈ ఘటనపై కేసు నమోదు చేసి నిందితుని కోసం గాలిస్తున్నట్లు ఎస్సై రాంబాబు తెలిపారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని