AP: కరోనాతో 96మంది మృతి
close

తాజా వార్తలు

Updated : 08/05/2021 19:20 IST

AP: కరోనాతో 96మంది మృతి

అమరావతి: ఆంధ్రప్రదేశ్‌లో కరోనా వైరస్‌ విజృంభణ కొనసాగుతోంది. వరుసగా నాలుగు రోజుల పాటు 20వేలకు పైగా పాజిటివ్‌ కేసులు నమోదు కాగా, శుక్రవారం కాస్త తగ్గినట్లు కనిపించింది. అయితే, గత 24 గంటల్లో మళ్లీ 20వేల మందికి పైగా కరోనా బారిన పడినట్లు వైద్య ఆరోగ్యశాఖ కార్యదర్శి అనిల్‌ సింఘాల్‌ తెలిపారు. మొత్తం 1,10,571 శాంపిల్స్‌ పరీక్షించగా, 20,065మంది కరోనా పాజిటివ్‌గా నిర్థారణ అయింది. పాజిటివిటీ రేటు 19.75శాతం ఉండగా, అత్యధికంగా 96మంది మృతి చెందినట్లు వెల్లడించారు.

చిత్తూరులో అత్యధికంగా  2,269 కరోనా బారిన పడ్డారని, ఆ తర్వాత తూర్పుగోదావరి  2,370, విశాఖ 2525లలో అత్యధిక కేసులు నమోదైనట్లు వివరించారు. రాష్ట్రంలో వివిధ ఆస్పత్రుల్లో 7,065 ఐసీయూ పడకలు అందుబాటులోకి తీసుకురాగా, ఇప్పటికే  6,300లకు పైగా పడకలు కరోనా బాధితులతో నిండిపోయానని వివరించారు. గత 24గంటల్లో 19,272మంది కరోనా నుంచి పూర్తిగా కోలుకున్నారు. దీంతో రాష్ట్రంలో కరోనా నుంచి కోలుకున్న వారి సంఖ్య 10,69,432కు చేరింది. ప్రస్తుతం రాష్ట్రంలో 1,87,392 యాక్టివ్‌ కేసులు ఉన్నాయి.  కొవిడ్‌ వల్ల పశ్చిమగోదావరిలో 14మంది చనిపోగా, విశాఖలో 12, అనంతపురం 10, గుంటూరు 10, తూర్పుగోదావరి 9, విజయనగరం 9, కర్నూలు 7, నెల్లూరు 7, చిత్తూరు 6, కడప 5, కృష్ణా 4, శ్రీకాకుళం 3 చొప్పున మృత్యువాతపడ్డారు. దీంతో రాష్ట్రంలో కరోనా బారిన పడి చనిపోయిన వారి సంఖ్య 8615కు చేరింది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని