close

తాజా వార్తలు

Updated : 18/11/2020 11:11 IST
Facebook Share Twitter Share WhatsApp Share Telegram Share

పోలవరంపై అపోహలకు తావులేదు: మంత్రి అనిల్‌కుమార్

పోలవరం: పోలవరం ప్రాజెక్టు నిర్మాణంలో ఎటువంటి అపోహలకు తావులేదని, సామర్థ్యం మేరకే నీటి నిల్వ చేస్తామని రాష్ట్ర జలవనరుల శాఖ మంత్రి అనిల్‌ కుమార్‌ యాదవ్‌ అన్నారు. ప్రాజెక్టు పనులను మంగళవారం ఆయన పరిశీలించి ఇంజినీరింగ్‌ అధికారులతో సమీక్షించారు. అనంతరం మంత్రి మీడియాతో మాట్లాడారు. వచ్చే 3 నెలల్లో ఏఏ పనులు చేయాలనే దానిపై సమీక్ష జరిపినట్లు చెప్పారు. కేంద్ర జలసంఘం నిబంధనల ప్రకారం ప్రాజెక్టులో దశల వారీగా లక్ష్యం మేరకు నీటిని నిల్వ చేస్తామన్నారు. 2021 డిసెంబర్‌ నాటికి ప్రాజెక్టు నిర్మాణం పూర్తి చేస్తామని చెప్పారు. రూ.55 వేల కోట్ల ప్రాజెక్టులో రూ.17 వేల కోట్లు ఖర్చు చేసిన గత పాలకులు గొప్పగా చెప్పుకుంటున్నారని, పునరావాసాన్ని వారు పూర్తిగా విస్మరించారని మంత్రి ఆక్షేపించారు.

‘పోలవరం జాతీయ ప్రాజెక్టు, ప్రతి రూపాయి ఖర్చు బాధ్యత కేంద్రానిదే. 2014 భూ సేకరణ చట్టప్రకారం కేంద్రమే నిధులివ్వాలి. ప్రాజెక్టుకు ప్రధాని మోదీ అన్ని రకాలుగా సహకరిస్తున్నారు. పోలవరం ఎత్తు తగ్గిస్తామంటూ ప్రతిపక్ష నేతలు అవగాహన లేకుండా మాట్లాడుతున్నారు. డెడ్‌ స్టోరేజ్‌ నుంచి విశాఖకు నీళ్లు తరలించేందుకు ప్రయత్నిస్తున్నాం. డ్యాం పూర్తిస్థాయి ఎత్తులో నీరు నిలుపుతాం, అంగుళం కూడా తగ్గదు. పోలవరం ప్రాజెక్టు వద్ద వైఎస్‌ఆర్‌ విగ్రహం పెడుతున్నాం’ అని మంత్రి అనిల్‌ కుమార్‌ తెలిపారు.



Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

చిత్ర వార్తలు

సినిమా
మరిన్ని

దేవతార్చన