close

తాజా వార్తలు

Updated : 02/05/2021 13:51 IST
Facebook Share Twitter Share WhatsApp Share Telegram Share

Election Results: విజయోత్సవాలపై ఈసీ సీరియస్‌

దిల్లీ: నాలుగు రాష్ట్రాలు, కేంద్ర పాలిత ప్రాంతాల అసెంబ్లీ ఎన్నికల ఫలితాలు వెలువడుతున్న వేళ ఆధిక్యంలో ఉన్న పార్టీ కార్యకర్తలు కొవిడ్‌ ఉద్ధృతిని మరచి సంబరాలు చేసుకుంటున్నారు. నిషేధం ఉన్నప్పటికీ కొన్ని ప్రాంతాల్లో విజయోత్సవ ర్యాలీలు చేపడుతుండంతో కేంద్ర ఎన్నికల సంఘం ఈ విషయంపై ఆగ్రహం వ్యక్తం చేసింది. అలాంటి వారిపై కఠిన చర్యలు తీసుకోవాలని ఆయా రాష్ట్రాల ప్రధాన కార్యదర్శులను ఆదేశించింది. విజయోత్సవ ర్యాలీలు జరిపేవారిపై ఎఫ్‌ఐఆర్‌ నమోదు చేయడంతో పాటు సంబంధిత పోలీస్‌ స్టేషన్‌ పరిధిలోని ఎస్‌హెచ్ఓను సస్పెండ్‌ చేయాలని ఎన్నికల సంఘం ఆదేశించింది.

దేశంలో కరోనా ఉద్ధృతి నేపథ్యంలో ఎన్నికల విజయోత్సవ ర్యాలీలపై ఈసీ ఇటీవల నిషేధం విధించిన విషయం తెలిసిందే. ఎన్నికల్లో గెలిచిన అభ్యర్థులు, పార్టీ కార్యకర్తలు ఎలాంటి సంబరాలు నిర్వహించొద్దని స్పష్టం చేసింది. అంతేగాక, విజేతలుగా నిలిచిన అభ్యర్థులు రిటర్నింగ్‌ అధికారి నుంచి ధ్రువీకరణ పత్రాలు తీసుకునే సమయంలో వారి వెంట ఇద్దరు మించి ఉండరాదని ఆదేశించింది. లెక్కింపు కేంద్రానికి వెళ్లే అభ్యర్థులకు కరోనా నెగెటివ్‌ రిపోర్ట్‌ తప్పనిసరి చేసింది. రాజకీయ పార్టీలు, నేతలు ఈ నిబంధనలు తప్పనిసరిగా పాటించాలని ఆదేశించింది. అయినప్పటికీ నేడు పలు చోట్ల కార్యకర్తలు సంబరాలు చేసుకుంటున్నారు.

ఇవీ చదవండి


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని