టీకాల ప్రక్రియకు ఎల్లుండి ప్రధాని మోదీ శ్రీకారం

దిల్లీ: దేశవ్యాప్తంగా కరోనా టీకా ఇచ్చే కార్యక్రమానికి ప్రధాని నరేంద్ర మోదీ శనివారం శ్రీకారం చుట్టనున్నారు. వీడియో సమావేశం ద్వారా దీన్ని ప్రారంభించనున్నారు. ఈ సందర్భంగా ఎంపిక చేసిన ఆసుపత్రులకు చెందిన వైద్య సిబ్బందితో మాట్లాడనున్నారు. ఇందుకోసం ఉత్తర్‌ప్రదేశ్‌, హరియాణా, దిల్లీల్లోని కొన్ని ఆసుపత్రుల్లో ఏర్పాట్లు చేస్తున్నారు. కరోనా చికిత్సలో ముందు వరుసలో ఉన్న దిల్లీలోని లోక్‌నాయక్‌ జయప్రకాశ్‌ నారాయణ్‌ ఆసుపత్రిలోని ఆరోగ్య సిబ్బందికి టీకాలు ఇవ్వనున్నారు. ఈ కార్యక్రమంలో దిల్లీ ముఖ్యమంత్రి అరవింద్‌ కేజ్రీవాల్‌ పాల్గొననున్నారు.