close

తాజా వార్తలు

బన్నీ సరసన వరుణ్‌తేజ్‌ భామ?

హైదరాబాద్‌: కథానాయకుడు అల్లు అర్జున్‌ సరసన దిశా పటానీ సందడి చేయనున్నట్లు తెలుస్తోంది. వేణు శ్రీరామ్‌ దర్శకత్వంలో బన్నీ హీరోగా తెరకెక్కనున్న సినిమా ‘ఐకాన్‌’. దిల్‌రాజు నిర్మాత. ఈ సినిమాలో కథానాయికగా రాశీ ఖన్నా నటించే అవకాశాలు ఉన్నట్లు తొలుత ప్రచారం జరిగింది. ఆ తర్వాత బాలీవుడ్‌ నటి ఆలియా భట్‌ను అనుకుంటున్నట్లు కూడా వార్తలొచ్చాయి.

ఇప్పుడు ఈ సినిమాలో బన్నీకి జోడీగా ఈమేనంటూ మరో నటి పేరు బయటికి వచ్చింది. పూరీ జగన్నాథ్‌-వరుణ్‌తేజ్‌ కాంబినేషన్‌లో వచ్చిన ‘లోఫర్‌’ సినిమాతో తెలుగు ప్రేక్షకుల్ని పలకరించిన దిశా పటానీ ‘ఐకాన్‌’ సినిమాలో నటించనున్నట్లు సమాచారం. ఈ మేరకు దర్శక, నిర్మాతలు ఇప్పటికే ఆమెను కలిసినట్లు ప్రచారం జరుగుతోంది. మరి ఈ వార్తల్లో ఏ మాత్రం నిజం ఉందో తెలియాలంటే అధికారిక ప్రకటన రావాల్సిందే. ‘ఆర్య’, ‘పరుగు’, ‘డీజే: దువ్వాడజగన్నాథమ్‌’ తర్వాత దిల్‌రాజు, బన్నీ కాంబినేషన్‌లో వస్తున్న నాలుగో సినిమా ‘ఐకాన్‌’. ప్రస్తుతం ఈ చిత్రం ప్రీ-ప్రొడక్షన్‌ పనులు జరుగుతున్నాయి.


Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.