కుట్లు, అల్లికలు, వంటావార్ఫూ.. అంటే అమ్మాయిలే ఎందుకు గుర్తుకురావాలి. ఏం అబ్బాయిలు ఎందుకు గుర్తుకురారు? ఇంటిపని ఇద్దరిదీ. ఆ విషయం మగపిల్లలకు అర్థం కావాలి. అందుకే వారికోసం ప్రత్యేకంగా పాఠాలు నేర్పుతున్నాయి స్పెయిన్‌ పాఠశాలలు..

ఆడపని... మగపని అని విభజించి చిన్నారుల మనసులో చెడుబీజాలు వేయడం వల్ల భవిష్యత్తులో లైంగిక అసమానతలు రావడానికి ఆస్కారం ఉంది. అలా రాకుండా ఉండేందుకు స్పెయిన్‌లోని స్కూళ్లు హోమ్‌ ఎకనామిక్స్‌ పేరుతో అబ్బాయిలకు కొత్త పాఠాలు నేర్పుతున్నాయి. అందులో భాగంగా అబ్బాయిలు దుస్తులు ఇస్త్రీ చేయడం, కుట్లు, వంటావార్పు వంటివీ నేర్చుకుంటారు. ఇలా చేయడం వల్ల భవిష్యత్తులో మహిళలు చేసే పనిపట్ల చిన్నచూపు ఉండదని ఉపాధ్యాయులు భావిస్తున్నారు. అన్నట్టు ఈ పాఠాలు బోధించేది ఎవరో తెలుసా? ఆ స్కూల్‌ ఉపాధ్యాయులతోపాటు ఆ బడిలో చదువుకుంటున్న పిల్లల తండ్రులూ ఉన్నారు.