ప్రశ్నించే గొంతుకను గెలిపించాలి: చాడ

తాజా వార్తలు

Updated : 24/11/2020 20:22 IST

ప్రశ్నించే గొంతుకను గెలిపించాలి: చాడ

హైదరాబాద్‌: గ్రేటర్‌ ఎన్నికల్లో ఉమ్మడిగా బరిలోకి దిగిన వామపక్ష నాయకులు ప్రచారాన్ని ముమ్మరం చేశారు. హిమాయత్‌ నగర్‌ ఏఐటీయూసీ భవన్‌ నుంచి అదే ప్రాంతంలోని వివిధ బస్తీలు, కాలనీల్లో సీపీఐ, సీపీఎం రాష్ట్ర కార్యదర్శులు చాడ వెంకట్‌రెడ్డి, తమ్మినేని వీరభద్రం మంగళవారం పాదయాత్ర నిర్వహించారు. హిమాయత్‌ నగర్‌ డివిజన్‌ సీపీఐ అభ్యర్థి ఛాయాదేవిని అధిక మెజారిటీతో గెలిపించాలని ఓటర్లను అభ్యర్థించారు. ఈ సందర్భంగా చాడ మాట్లాడుతూ.. గ్రేటర్‌లో ప్రశ్నించే గొంతుక కరవైందని.. ఈ ఎన్నికల్లో ప్రశ్నించే గొంతుకను గెలిపించాలని ఓటర్లకు పిలుపునిచ్చారు. 

మూసీ నది పరివాహక ప్రాంతంలో ఇటీవల కురిసిన వర్షాల వల్ల అనేక బస్తీలు నీటమునిగాయని.. తిండి లేక ఇంట్లో ఉన్న వస్తువులు పోగొట్టుకుని ప్రజలు రోడ్డున పడ్డారని చాడ ఆందోళన వ్యక్తం చేశారు. ఇళ్ల స్థలాల పట్టాలు, రెండు పడక గదుల ఇళ్ల నిర్మాణం, కాంట్రాక్టు ఔట్‌ సోర్సింగ్‌ ఉద్యోగాలను క్రమబద్ధీకరించాలని, ఖాళీగా ఉన్న పోస్టులను భర్తీ చేయాలన్న డిమాండ్‌తో తాము ప్రజల్లోకి వెళుతున్నట్లు ఈ సందర్భంగా చాడ వివరించారు. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని