Ts News: ప్రధాని మోదీ, కేసీఆర్ విధానాలు ప్రమాదకరంగా మారాయి: రేవంత్‌ రెడ్డి

తాజా వార్తలు

Published : 03/10/2021 15:41 IST

Ts News: ప్రధాని మోదీ, కేసీఆర్ విధానాలు ప్రమాదకరంగా మారాయి: రేవంత్‌ రెడ్డి

హైదరాబాద్‌: కాంగ్రెస్‌ పార్టీ అంటే దళితుల పార్టీ అని టీపీసీసీ అధ్యక్షుడు రేవంత్ రెడ్డి స్పష్టం చేశారు. దేశానికి ఓ దళితుడిని రాష్ట్రపతిని చేసిన ఘనత కూడా కాంగ్రెస్‌ పార్టీకే దక్కుతుందన్నారు. రాజ్యసభలో సభాపక్ష నాయకునిగా మల్లికార్జున ఖర్గే, తెలంగాణలో శాసనసభాపక్షనేతగా భట్టి విక్రమార్క లాంటి దళిత నాయకులకు కాంగ్రెస్ పార్టీ సముచిత స్థానం కల్పించిందని పేర్కొన్నారు. ఏపీలో కూడా దళిత బిడ్డ శైలజానాథ్‌ను పీసీసీ అధ్యక్షుడిగా నియమించిందని తెలిపారు. దళిత గిరిజన బలహీన వర్గాలను కాంగ్రెస్ ఏనాడూ నిర్లక్ష్యం చేయలేదన్నారు. హైదరాబాద్ ఇందిరా భవన్‌లో కాంగ్రెస్ ఎస్సీ విభాగం కార్యవర్గ సమావేశానికి రేవంత్‌ రెడ్డి హాజరై మాట్లాడారు. కాంగ్రెస్ తీసుకొచ్చిన విశాఖ ఉక్కు సహా ప్రభుత్వ రంగ సంస్థలను ప్రధాని మోదీ అమ్ముతున్నారని ధ్వజమెత్తారు. కేసీఆర్ సీఎం అయ్యాక ఉస్మానియా, కాకతీయ విశ్వవిద్యాలయాలను నిర్వీర్యం చేశారని విమర్శించారు. మంత్రి మల్లారెడ్డి, పల్లా రాజేశ్వర్‌రెడ్డిలకు ప్రైవేటు యూనివర్శిటీలు ఇచ్చి రిజర్వేషన్లు లేకుండా చేశారని ఆక్షేపించారు. కేసీఆర్ పాలనలో పేదలకు చదువు దూరం అయిందని.. మోదీ, కేసీఆర్ విధానాలు ప్రమాదకరంగా మారాయని రేవంత్‌ రెడ్డి మండిపడ్డారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని