Mithali Raj: మూడేళ్ల తర్వాత మళ్లీ నం.1

తాజా వార్తలు

Published : 06/07/2021 20:35 IST

Mithali Raj: మూడేళ్ల తర్వాత మళ్లీ నం.1

ఇంటర్నెట్‌డెస్క్‌: టీమ్‌ఇండియా మహిళా జట్టు సారథి మిథాలి రాజ్‌ మంగళవారం ఐసీసీ వన్డే ర్యాంకింగ్స్‌లో అగ్రస్థానం సంపాదించింది. మూడేళ్ల తర్వాత తిరిగి తన స్థానాన్ని సొంతం చేసుకోవడం విశేషం. మిథాలి 2018 ఫిబ్రవరిలో చివరిసారి ఈ జాబితాలో అందరికన్నా ముందుండేది. ఇటీవల ఇంగ్లాండ్‌తో జరిగిన మూడు వన్డేల సిరీస్‌లో భారత్‌ 2-1 తేడాతో ఓటమిపాలైనా ఆమె మూడు అర్థశతకాలు బాదడంతో తిరిగి నంబర్‌ 1 స్థానాన్ని కైవసం చేసుకుంది. తొలి వన్డేలో 72 పరుగులు సాధించిన ఆమె రెండో మ్యాచ్‌లో 59, మూడో మ్యాచ్‌లో 75నాటౌట్‌తో అద్భుతంగా ఆకట్టుకుంది.

మరోవైపు యువ ఓపెనర్‌ షెఫాలి వర్మ గత రెండు వన్డేల్లో 44, 19 పరుగులు చేయడంతో ఏకంగా 49 స్థానాలు ఎగబాకి 71వ స్థానానికి చేరింది. అలాగే సీనియర్‌ పేసర్‌ ఝులన్‌గోస్వామి నాలుగు స్థానాలు మెరుగుపర్చుకొని 53వ ర్యాంక్‌ సాధించింది. ఇక బౌలర్ల జాబితాలో టీమ్‌ఇండియా ఆల్‌రౌండర్‌ దీప్తి శర్మ ఒక స్థానాన్ని మెరుగుపర్చుకోవడంతో 12వ ర్యాంక్‌ సాధించింది. ఇక ఇంగ్లాండ్‌ ఓపెనర్‌ లారెన్‌ విన్‌ఫీల్డ్‌ 14 ర్యాంకులు ఎగబాకి 41వ స్థానం సంపాదించగా.. సోఫియా డంక్లీ అనే బ్యాటర్‌ 80 స్థానాలు ఎగబాకి 76వ ర్యాంక్‌ సొంతం చేసుకుంది. ఇంగ్లాండ్‌ స్పిన్నర్‌ సోఫి ఎక్లిస్టోన్‌ నాలుగు స్థానాలు మెరుగుపర్చుకొని కెరీర్‌లోనే అత్యుత్తమ ర్యాంక్‌ ఆరుకు చేరుకుంది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని