పాత జ్ఞాపకాలను గుర్తుచేసుకున్న రాఠోడ్‌బాపురావు

అందర్‌బంద్‌ ఆశ్రమోన్నత పాఠశాలలో హిందీ పద్యం చదివి

వినిపిస్తున్న ఎమ్మెల్యే రాఠోడ్‌ బాపురావు

భీంపూర్‌, న్యూస్‌టుడే: బోథ్‌ ఎమ్మెల్యే రాఠోడ్‌బాపురావు ఉపాధ్యాయ పదవికి రాజీనామా చేసి రాజకీయాల్లోకి వచ్చారు. గతంలో హిందీ పండిత్‌గా అందర్‌బంద్‌ ఆశ్రమోన్నత పాఠశాలలో మూడేళ్లు పనిచేశారు. బుధవారం ఆ గ్రామానికి వెళ్లిన ఎమ్మెల్యే ఆ పాఠశాలను, బోధించిన పాఠాలను అప్పటి జ్ఞాపకాలను గుర్తుచేసుకున్నారు. కబీర్‌ దోహే చదవాలంటూ విద్యార్థులను అడిగారు. అనంతరం స్వయంగా ఓ పద్యం పాడి విద్యార్థుల్లో ఆయన ఉత్సాహం నింపారు. అంతేకాదు తరగతి గదిలో అడుగుపెడుతూనే ఎమ్మెల్యేగా రాలేదని, ఉపాధ్యాయుడిగా వచ్చానంటూ అక్కడి విద్యార్థులతో, ఉపాధ్యాయులతోనూ సరదాగా గడిపారు.