అర్హత సులువు.. సీటే సవాలు!
బైపీసీ విద్యార్థులు స్వదేశంలో గానీ విదేశాల్లో గానీ మెడికల్ విభాగంలో ప్రవేశం పొందాలంటే రాయాల్సిన పరీక్ష- నేషనల్ ఎలిజిబిలిటీ కమ్ ఎంట్రన్స్ టెస్ట్ (నీట్). గత పరీక్షలకూ, ఈ పరీక్షకూ విధివిధానాల్లో పెద్దగా తేడా లేదు. ఈ ఏడాది కరోనా కారణంగా విద్యార్థులు సీనియర్ ఇంటర్లో భౌతిక అభ్యాసానికి దూరమయ్యారు. ఈ పరిస్థితుల్లో నీట్పై అవగాహన చాలా అవసరం!
నీట్-2021 ప్రణాళిక
బైపీసీ విద్యార్థులు స్వదేశంలో గానీ విదేశాల్లో గానీ మెడికల్ విభాగంలో ప్రవేశం పొందాలంటే రాయాల్సిన పరీక్ష- నేషనల్ ఎలిజిబిలిటీ కమ్ ఎంట్రన్స్ టెస్ట్ (నీట్). గత పరీక్షలకూ, ఈ పరీక్షకూ విధివిధానాల్లో పెద్దగా తేడా లేదు. ఈ ఏడాది కరోనా కారణంగా విద్యార్థులు సీనియర్ ఇంటర్లో భౌతిక అభ్యాసానికి దూరమయ్యారు. ఈ పరిస్థితుల్లో నీట్పై అవగాహన చాలా అవసరం!
నీట్ రాసేవారు పరీక్ష రాయడం, దాని ద్వారా మెడికల్, డెంటల్ కళాశాలల్లో సీటు సాధించడం రెండూ వేర్వేరు అంశాలుగా పరిగణించాలి. నీట్ ద్వారా కనీస అర్హత పొందితేనే ఏ కళాశాలలో అయినా ఏదో ఒక కేటగిరీలో సీటు పొందొచ్చు. విదేశాల్లో వైద్య విద్యను అభ్యసించాలన్నా నీట్లో అర్హత సాధించడం తప్పనిసరి.
నీట్ యూజీ- 2021 విధానంపై ఇప్పటివరకూ ఎన్టీఏ స్పష్టత ఇవ్వలేదు. నీట్- 2020 ప్రశ్నపత్రం 180 ప్రశ్నలు- 720 మార్కులుగా (ఫిజిక్స్ 45 ప్రశ్నలు, 180 మార్కులు, కెమిస్ట్రీ 45 ప్రశ్నలు, 180 మార్కులు, బయాలజీ 90 ప్రశ్నలు 360 మార్కులు) ఉంది. పై ప్రశ్నలన్నీ నాలుగు ఆప్షన్లతో బహుళైచ్ఛిక ప్రశ్నలు, సింగిల్ కరెక్ట్ ఆన్సర్/ బెస్ట్ ఆప్షన్. (సరైన సమాధానానికి +4, తప్పు సమాధానానికి -1 మార్కులు).
జేఈఈ మెయిన్లా నీట్లోనూ ప్రశ్నల్లో చాయిస్ ఇచ్చే అవకాశం ఉంది. ఈ చాయిస్ కూడా ప్రతి సబ్జెక్టులో రెండు సెక్షన్లుగా విడదీసి మొదటి సెక్షన్ అన్ని ప్రశ్నలను సమాధానం చేసేవిధంగా, రెండో సెక్షన్లో 5 ప్రశ్నలను చాయిస్గా ఇవ్వవచ్చు. దీనిపై ఎన్టీఏ అధికారిక నోటిఫికేషన్ కోసం ఎదురు చూడాల్సి ఉంటుంది. ఈ పద్ధతిలో మొత్తం 200 ప్రశ్నలకుగానూ ఫిజిక్స్లో 5 ప్రశ్నలు, కెమిస్ట్రీలో 5 ప్రశ్నలు, బయాలజీలో 10 ప్రశ్నలు చాయిస్ రావొచ్చు.
ఏదిఏమైనా నీట్లో అర్హత సాధించడం సులభం. గత మూడేళ్ల అర్హత మార్కులను గమనిస్తే ఏ మార్కు సాధిస్తే క్వాలిఫై అవ్వొచ్చో అవగాహన వస్తుంది.
కటాఫ్ మార్కు ఎలా?
జనరల్ కేటగిరీ విద్యార్థి క్వాలిఫై అవడమంటే 50 పర్సంటైల్ తెచ్చుకోవాలి. అంటే పరీక్ష రాసిన మొత్తం విద్యార్థుల మార్కులను ఆరోహణ క్రమంలో అమర్చి మధ్య విద్యార్థి అంటే 50వ పర్సంటైల్లో ఉన్న విద్యార్థి ఏ మార్కు సాధిస్తారో ఆ సంవత్సరం ఆ మార్కును కటాఫ్ మార్కుగా నిర్ణయిస్తారు. గత నాలుగేళ్లుగా ఈ కటాఫ్ మార్కు 119 నుంచి 147 లోపు (720 మార్కులకు) ఉంది.
అందుకని- ఈ మార్కు సాధించడం సాధారణ విద్యార్థికి కూడా సులువే. అవగాహనతో సరైన ప్రణాళికతో కేవలం ఒక సబ్జెక్టుకు ప్రాధాన్యమిచ్చి చదివినా కూడా ఈ మార్కు సాధించవచ్చు. ఉదాహరణకు బయాలజీని బైపీసీ విద్యార్థి సులభంగానే భావిస్తారు. కాబట్టి, దానిలో ఎన్సీఈఆర్టీ పుస్తకాలకు పరిమితమై ఆ పుస్తకాల్లోని వాక్యాలను ప్రశ్నలుగా మలచి చదవగలిగితే 90 ప్రశ్నల్లో సాధారణ విద్యార్థి కూడా 70- 80 ప్రశ్నలకు సరైన జవాబులు గుర్తించగలడు. గత మూడేళ్లుగా 81 నుంచి 84 నీట్ ప్రశ్నలు ఎన్సీఈఆర్టీ పుస్తకాల్లోని వాక్యాలే. సగటున 75 ప్రశ్నలు సరిగా రాశారని భావించినా విద్యార్థి అర్హత సాధించడమే కాకుండా కొన్ని స్వయం ప్రతిపత్తి గల విశ్వవిద్యాలయాల్లో లేదా ప్రైవేటు మెడికల్ కళాశాలల్లో కేటగిరీ- సిలో సీటు సాధించే అవకాశం ఉంటుంది.
పెరుగుతోంది పోటీ
మూడు సంవత్సరాలుగా ఈ పరీక్షపై అవగాహన పెరుగుతోంది. పోటీ కూడా పెరుగుతోంది.గత ఏడాది నీట్కు 16,50,000 మంది వరకూ హాజరయ్యారు. పోటీ పెరిగిందనడానికి - తొలి ర్యాంకు మార్కు, అధిక మార్కులో ఉండే విద్యార్థుల సంఖ్య పెరగడమే నిదర్శనం!
తొలి కేటగిరీ ఏఐక్యూలో సీటు పొందాలంటే 720 మార్కులకు 580కుపైగా సాధించాలి. ప్రభుత్వ మెడికల్ కళాశాలలో 520 మార్కులకుపైగా, ప్రైవేటు కేటగిరీ-ఎలో అయితే 510కిపైగా, కేటగిరీ బి, సి అయితే 300 మార్కులకుపైగా సాధించినవారే సీట్లు చేజిక్కించుకుంటున్నారు.
జాతీయ స్థాయిలో 60,000 వరకూ ర్యాంకు సాధించిన విద్యార్థులకు కొన్ని మెడికల్ కళాశాలల్లో సీటు వచ్చే అవకాశం ఉంటుంది. అంటే ఎంబీబీఎస్లో చేరాలంటే నీట్లో కనీసం 500 మార్కులు వచ్చేలా తయారవ్వాలి. అంటే అత్యధిక ప్రాధాన్యం బయాలజీకి ఇచ్చి 90 ప్రశ్నల్లో కనీసం 80 ప్రశ్నలు సాధించేలా పట్టు సాధించాలి. అంటే బయాలజీలో 80 శ్రీ 4 = 320 మార్కులు సాధిస్తే తర్వాత కెమిస్ట్రీలోని 45 ప్రశ్నల్లో 40 వరకు గుర్తించేలా అభ్యాసం చేస్తే 160 మార్కులు కెమిస్ట్రీలో వస్తాయి.
భౌతిక శాస్త్ర విభాగం గత మూడేళ్ల ప్రశ్నలను విశ్లేషిస్తే చాలా సులభంగా ఉంటోంది. దానిలోనూ కొద్దిగా ఎన్సీఈఆర్టీ పాఠ్యపుస్తకంలోని లెక్కలను అన్ని మోడళ్లు సాధించగలిగితే ఇక్కడ కూడా 40 ప్రశ్నల వరకు తేలిగ్గానే వస్తాయి. గత ఏడాది ఎక్కువమంది విద్యార్థులకు రసాయనశాస్త్రంలో కంటే భౌతికశాస్త్రంలోనే అధిక మార్కులు వచ్చాయి. ఇలా 600 మార్కులను లక్ష్యం చేసుకుంటే తేలిగ్గా 500పైగా సాధించి మెడికల్ సీటు సాధించుకోవచ్చు.
నీట్ ఆగస్టులో ఉంది. ఇప్పటినుంచి ఈ సమయాన్ని విద్యార్థులు తమకు అనుకూలంగా ప్రణాళిక వేసుకోవాలి. మేలో ఇంటర్ ద్వితీయ సంవత్సర పరీక్షలు ఉన్నాయి. ఇప్పటినుంచి ఆ పరీక్షలు అయ్యేవరకు ద్వితీయ సంవత్సర సిలబస్ను ఆబ్జెక్టివ్, డిస్క్రిప్టివ్ టైప్లో తయారు కావాలి. ఇంటర్ పరీక్షలు ముగిశాక తొలి సంవత్సర సిలబస్కు ప్రాధాన్యమిచ్చి పునశ్చరణ చేసుకోవాలి. ఆపై కనీసం 10 గ్రాండ్ టెస్టులు రాయగలిగితే తుది పరీక్షకు సంపూర్ణంగా తయారయినట్లే అవుతుంది!- పి.వి.ఆర్.కె. మూర్తి
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
బైక్పై స్టంట్లు.. ‘స్పైడర్ మ్యాన్’ను అరెస్ట్ చేసిన పోలీసులు!
-
మాల్దీవుల జలాల్లోకి.. మళ్లీ చైనా పరిశోధక నౌక
-
యుద్ధాలు ఆపాలంటే ఇదొక్కటే మార్గం: పూరి జగన్నాథ్
-
అలెన్ హెర్బల్ కంపెనీలో భారీ అగ్ని ప్రమాదం
-
వృద్ధురాలి స్ఫూర్తి.. ఆక్సిజన్ సపోర్ట్తోనే పోలింగ్ కేంద్రానికి!
-
లాభాల్లో మారుతీ రయ్ రయ్.. ఒక్కో షేరుపై రూ.125 డివిడెండ్