అల్లం పొడి ఇంట్లోనే

రుచి పెంచే రహస్యం

డ్రైడ్‌ జింజర్‌ పౌడర్‌ అంటే శొంఠి పొడి అనుకుంటారు కొందరు. నిజానికి అల్లాన్నే ఎండబెట్టి పొడి చేస్తారు. వంటలకు అదనపు రుచి తెప్పిస్తుందిది. ఇంతకూ ఈ పొడిని ఎలా తయారు చేయాలంటే..పావు కిలో అల్లం కడిగి, పొట్టు తీయాలి. ఎంతమాత్రం తడి లేకుండా ఆరబెట్టాలి. తర్వాత చిన్న ముక్కలుగా కోసుకోవాలి. వీటిని పü˘్లంలో పరిచినట్లు అమర్చి మూడు రోజులు ఎండలో ఉంచాలి. ఇంకో ఐదు రోజులు నీడలో ఆరబెట్టాలి. అలా పూర్తిగా ఎండిన తర్వాత గ్రైండర్‌లో వేసి పొడి చేయాలి. తడి లేని, గాలి చొరబడని సీసాలో ఉంచితే చాన్నాళ్లు నిలవుంటుంది. అవసరానికి వాడుకోవచ్చు. సూప్స్‌, కర్రీస్‌, స్నాక్స్‌లో వేసుకుంటే.. వాటి రుచి రెట్టింపవుతుంది, అనేక అనారోగ్యాల నుంచి కాపాడుతుంది. టీలో చిటికెడు పొడి వేశామంటే ప్రత్యేకంగా ఉండటమే కాదు.. శ్వాస ఇబ్బందుల నుంచీ ఉపశమనం కలుగుతుంది.