‘యువ’ నీరసం

ఆఫీసులో ఎవరి సందడి ఎక్కువగా ఉంటుంది?.. యువ ఉద్యోగులది. వేగంగా పని చేస్తూ ఉత్పాదకత పెంచేది ఎవరు?.. యువ ఉద్యోగులే. మరి అనారోగ్యం సాకుగా చూపి అత్యధిక సెలవులు పెట్టేది ఎవరంటే..? అదీ యువ ఉద్యోగులే అన్నది సమాధానం. ఆశ్చర్యంగా ఉన్నా ఇదే నిజం. ఎందుకిలా అంటే మాత్రం మానసిక సమస్యలు అన్నది సమాధానం. ముఖ్యంగా కొవిడ్‌ తదనంతరం.. ఒత్తిడి, ఆందోళన, అనారోగ్యాలతో సిక్‌ లీవులు పెట్టే ఉద్యోగుల సంఖ్య విపరీతంగా పెరిగిపోతోందట. ఇందులోనూ అమ్మాయిల సంఖ్యే ఎక్కువ. ప్రపంచవ్యాప్తంగా ఈ ధోరణి ఉంది. ప్రతి ముగ్గురిలో ఒకరు కామన్‌ మెంటల్‌ డిజార్డర్‌తో బాధ పడుతున్నారట. దీంతోపాటు.. సీనియర్లతో పోలిస్తే.. మేం సరిగా పని చేయలేకపోతున్నాం అని 33శాతం యువ ఉద్యోగులు స్వయంగా చెబుతున్నారు. థింక్‌టాంక్‌ రిజల్యూషన్‌ ఫౌండేషన్‌ అధ్యయనంలో ఈ విస్తుపోయే వాస్తవాలు తెలిశాయి.